Dagblaðið Vísir - DV - 04.01.2010, Blaðsíða 24

24 MÁNUDAGUR 4. janúar 2010 SVIÐSLJÓS
BARSMÍÐAR OG
FRAMHJÁHALD
BROWN
LAMDI
RIHÖNNU
n Það kastaðist heldur betur í kekki í
sambandi söngvaranna Rihönnu og
Chris Brown. Brown tók sig nefnilega til
og barði ástkonu sína svo að sá á henni
og gat hún ekki falið áverkana. Leiðir
þeirra skildi samstundis og upp hófst
gífurlegur fjölmiðlafarsi. Brown baðst
að lokum afsökunar í beinni útsend-
ingu og vinnur nú í samfélagsþjónustu
sem er hluti af refsingu hans. Sjálf stóð
Rihanna báða fætur og átti magnaða
endurkomu á MTV-verðlaunahátíðinni.
Hún gaf síðar út nýtt lag í lok árs sem
varð jafnvinsælt og allt annað sem hún
hefur gert.
LANGT
YFIR
PARI
n Tiger Woods hefur þótt hrein-
lega ofurmenni allt frá því hann
kom fram á sjónarsviðið. Hann er
langbesti golfari samtímans og
líklega allra tíma. Hans verður
þó því miður aldrei minnst fyrir
annað en fjölmiðlafárið sem varð
í vetur. Þá komst upp að Tiger hefði
haldið við margar konur, allavega
stigu einar fimmtán fram, en allt
komst upp þegar hann átti að hafa lent í
bílslysi. Var hann þó líklega að flýja konuna
sem ætlaði að berja hann með golfkylfu. Tig-
er flúði til Svíþjóðar með konunni þar sem
þau reyna að vinna í málunum en nýjustu
fregnir herma að hún vilji skilnað og ætli að
taka allt. Helming auðsins og börnin tvö.
KALLAÐUR FÍFL
AF FORSETANUM
n Kanye West var líklega mesta fífl ársins. Þegar ungstirnið og sveitasöngkonan Taylor Swift vann
verðlaun fyrir besta myndbandið hjá konunum á MTV-verðlaunahátíðinni gat hann ekki setið á sér.
Hann óð upp á svið, tók hljóðnemann af Taylor og lýsti því yfir að Beyoncé hefði átt eitt besta mynd-
band allra tíma. Hann eyðilagði um leið daginn fyrir stelpunni sem var að vinna sín fyrstu MTV-
verðlaun. Það náðist síðar á upptöku þegar sjálfur forseti Bandaríkjanna, Barack Obama, kallaði
hann fífl.
GAMLAR
SYNDIR
EN EKKI
GLEYMDAR
n Roman Polanski var loksins handtekinn
fyrir að stunda kynlíf með þrettán ára stúlku
fyrir þrjátíu og tveimur árum. Hann hef-
ur haldið sig í Frakklandi síðan hann flúði
Bandaríkin en þegar hann steig fæti inn í
Sviss á árinu var hann handtekinn með lát-
um. Hann situr nú inni í Sviss og bíður þess
að gjalda fyrir það sem hann gerði. Stúlkan
sem hann svaf hjá hefur þó fyrir löngu beðið
alla um að hætta að elta hann en Kanarn-
ir eru réttsýnir og vilja að hann gjaldi fyrir
gjörðir sínar.
SKILNAÐUR
HJÁ GIBSON
n Mel Gibson hefur lent í mörgu á
undanförnum árum og enn eitt áfallið
reið yfir í ár þegar hann skildi endan-
lega við konu sína. Þau höfðu reyndar
verið skilin að borði og sæng í þrjú ár
en í sumar gekk skilnaðurinn í gegn.
Hann byrjaði þá með fertugri söng-
konu frá Úkraínu, Oksönu Grigorieva,
sem á barn með Bond-leikaranum
Timothy Dalton. Oksana og Gibson
eignuðust sitt fyrsta barn í vetur.