Dagblaðið Vísir - DV - 11.12.2008, Side 30
FIMMTUdagUr 11. dESEMBEr 200830 Fólkið
Snyrtirinn Heiðar Jónsson hefur
ætíð verið einn dyggasti stuðn-
ingsaðili íslenskra fegurðar-
drottninga. Alexandra Helga
Ívarsdóttir, ungfrú Ísland í ár,
er þar engin undantekning en
stúlkan er stödd í Suður-Afríku
þar sem keppnin um ungfrú
heim fer fram. Heiðar er dug-
legur að skilja eftir hvetjandi
athugasemdir á bloggsíðu feg-
urðardísarinnar. Meðal annars
segist hann spá henni einu af
þremur efstu sætunum í keppn-
inni. Að auki segist hann hlakka
mikið til að lýsa keppninni, sem
fram fer á laugardaginn, fyrir ís-
lenskum sjónvarpsáhorfendum.
„Ég er búin að skrá mig,“ segir Jónína Bene-
diktsdóttir, íþróttafræðingur og athafnakona
sem gengin er í Framsóknarflokkinn. „Ég tel
að þetta sé eini möguleikinn í stöðunni því
það myndi taka of langan tíma að búa til nýj-
an flokk og koma undir hann fótunum,“ en
að mati Jónínu eru tímamót í Framsókn-
arflokknum þar sem spilling og valdahroki
muni víkja fyrir nýjum hugmyndum.
„Þarna er höfuðlaus her og þetta er eini
flokkurinn þar sem fólk hefur axlað ábyrgð
og sagt af sér,“ segir Jónína sem var áður í
Sjálfstæðisflokknum. „Ég get ekki séð hvern-
ig þessi ólíku öfl innan Sjálfstæðisflokksins,
frjálshyggjuöflin og þau öfl sem vilja stíga
varlega til jarðar, eigi að ná saman um nokk-
urn hlut.“ Jónína tekur þó fram að hún treysti
Geir H. Haarde forsætisráðherra. „Ég treysti
honum ágætlega í stöðunni.“
Þó Jónína útiloki ekki neitt segir hún það
ekki á dagskrá hjá sér að fara í framboð þótt
hún hafi skráð sig í flokkinn. „Ég er ekki viss
um að ég sé endilega rétta manneskjan til
þess. Ég hef samt fengið mjög jákvæð við-
brögð í sambandi við það og margir hvatt
mig til þess. Ég vil bara leggja mitt af mörk-
um í að byggja upp nýtt stjórnmálaafl sem
er í takt við tíðarandann. Vinstri-grænir eru
of mikill öfgaflokkur fyrir hægri krata eins og
mig og Samfylkingin hefur misst trúverðug-
leika.“
Ganga Jónínu í flokkinn kemur eflaust
mörgum á óvart og hún viðurkennir að
það hljómi eins og galin hugmynd í
fyrstu. „Það hafa fáir gagnrýnt Framsókn
eins mikið og ég. En það fólk sem hefur
stuðlað að spillingu í flokknum er á leið
út ef það er ekki þegar farið,“ en Jón-
ína telur mestu möguleikana til þess
að móta nýtt afl í íslenskum stjórn-
málum vera í Framsóknarflokknum.
„Við þurfum ekki nema 250 manns
inn í flokkinn til þess að breyta for-
ustu hans. Að vísu er ég mjög hrif-
in af honum Höskuldi Þórhallssyni.
Mér finnst hann fyrirmyndarstjórn-
málamaður. En það þarf að fá þessa
sérfræðinga til landsins og inn í
stjórnkerfið. Við getum ekki haft
þetta svona lengur. Það er eitt í
dag og annað á morgun. Það
er bara óstjórn í landinu
og það verður ekki litið
framhjá því.“
Jónína segir að þó hún sjálf
hafi gagnrýnt Framsóknarflokk-
inn mikið fyrir spillingu þá megi
ekki hengja allan flokkinn á
gjörðir fárra aðila. „Það þýðir
ekki að jarða heilan flokk þó að
fjórir úr honum séu spilltir og
siðlausir.“
Jónína segist hafa verið
að námi undanfarið sem hafi
hjálpað henni að velja Fram-
sóknarflokkinn. „Ég hef verið í
námi sem kallast strategi of econ-
omics undanfarið. Ég lét þetta dæmi
inn í formúluna mína og kom út
með Framsóknarflokkinn,“
segir Jónína létti bragði að
lokum.
asgeir@dv.is
Jónína Benediktsdóttir hefur skráð sig í Fram-
sóknarflokkinn. Hún var áður í Sjálfstæðis-
flokknum en telur hann of klofinn til að sinna
hlutverki sínu. Jónína segir upprisu Fram-
sóknar vera í vændum og útilokar ekki fram-
boð þótt það sé ekki á dagskrá.
„Hún minntist eitthvað á þetta við mig,
ég er alveg til í þetta,“ segir Eggert Pét-
ursson, listamaður, en Dorrit Moussa-
ieff forsetafrú bað Eggert um að hanna
fyrir sig hálsmen. Eggert segir að Dorrit
hafi nefnt þetta við sig þegar hún tók við
hjartaarfinum í síðustu viku sem Egg-
ert hannaði, Dorrit hefur ákveðnar hug-
myndir varðandi menið. „Hún var með
ákveðna tíu rauða steina í huga, ég þyrfti
að fá að velta þessu fyrir mér og útfæra
þetta,“ segir Eggert en Dorrit ætlaði að
senda honum ljósmyndir af steinun-
um. Aðspurður hvað forsetafrúin ætli
að borga honum fyrir hönnunina á háls-
meninu segir hann að það sé óráðið. „Ég
hef ekki hugmynd um það, það fer eft-
ir því hvert málefnið er. Það kostar ekki
neitt ef það er til styrktar einhverjum, ég
veit ekki alveg hvað hún er að hugsa.“
Eggert hannaði hjartaarfann sem er
seldur til styrktar hjartveikum börnum
en býst ekki við því að fara út í skart-
gripahönnun í komandi framtíð. „Það er
gaman að hanna svona skartgripi þó ég
hafi nú ekki gert það áður en ég hannaði
hjartaarfann, ég ætla nú ekki að fara snúa
við blaðinu og gerast skartgripahönnuð-
ur,“ segir Eggert sem starfar sem listmál-
ari. Dorrit hefur búið á Englandi drjúg-
an hluta ævi sinnar og er vel tengd þar í
landi, bæði í samkvæmis- og viðskipta-
lífinu. Í viðtali við DV sagði hún að hún
myndi reyna selja allt sem hún gæti fyrir
Ísland.
bodi@dv.is
STYÐUR
FEGURÐAR-
DÍSIRNAR
EggErt Pétursson liStamaður Hannar HálSmen með tíu
rauðum Steinum Fyrir ForSetaFrúna
Jónína Ben:
Sólveig Eiríksdóttir, heilsugúru
Íslands, hefur samkvæmt Face-
book-síðu fengið sér sitt fyrsta
húðflúr. Sólveig, sem er þekkt
undir nafninu Solla á Grænum
kosti, lét húðflúra á sig á dög-
unum hið heimsþekkta merki
Óm úr jógaspekinni. Táknið
merkir einfaldlega „allt sem var,
er og verður“ og fer fólk með
nokkurs konar Óm-bæn er það
stundar jóga. Solla hefur fengið
mikið hrós á síðu sinni fyrir að
gerast svo djörf að fá sér húðflúr
en Óm-merkið ku vera á hægri
handlegg Sollu.
HEILSUGÚRÚ
MEÐ HÚÐFLÚR
skartgripahönnuðir dorrit Moussaieff
og Eggert Pétursson við afhendingu
hjartaarfans í síðustu viku.
MEN FYRIR DoRRIT
GENGIN Í
FRAMSókN
Jónína Ben Hefur fengið
sig fullsadda af ástandinu.