Dagblaðið Vísir - DV - 11.12.2008, Blaðsíða 16

Fimmtudagur 11. desember 200816 Bækur
Strandamaðurinn og Keflvíkingurinn Gunnar Þórð-
arson er eitt afkastamesta tónskáld Íslands. Hann hef-
ur verið lykilmaður í sumum bestu popphljómsveitum
landsins svo sem Hljómum og Trúbrot. Þessi hægláti
gítarleikari hefur fyrir löngu unnið hug og hjörtu þjóðar
sinnar með sígildum lögum sínum og frábærum flutn-
ingi. Það má því ljóst vera að ævisaga Gunnars ætti að
vera mörgum fagnaðarefni.
Gunnar Þórðarson hefur í gegnum tíðina verið með
rólegt yfirbragð. Þessi snillingur íslenskrar popptón-
listar virtist vera fjarri þeirri ímynd sem villtir poppar-
ar hafa. Þannig hefði mátt ætla að hann hafi verið ró-
legheitapiltur í uppvexti sínum, jafnvel nörd. En svo
er ekki. Gunnar lýsir því af einlægni þegar hann og fé-
lagar hans brutu rúður í skólanum sínum af einhverj-
um óskiljanlegum ástæðum. Og hann segir frá því þeg-
ar hann og nokkrir aðrir úr Bítlabænum Keflavík unnu í
þvottahúsi herstöðvarinnar. Yfirmaður þeirra átti forláta
kagga og þegar tækifæri gafst stálu starfsmennirnir, allir
undir bílprófsaldri, bílnum og óku til Grindavíkur. Þegar
þeir komu til baka ók Gunnar. Ekki vildi betur til en svo
að lögreglan beið þeirra í Keflavík. Ævisögupersónan
gaf bensínið í botn og lagði á flótta í loftköstum. Ævin-
týraleg lýsing er á þeim akstri. En upp komst um kauða
og þeir misstu vinnuna. Heima fyrir var þó fyrirgefning
stutt undan, enda sjálfsagt að stela frá Kananum.
Augljóst er að Gunnar segir sögu sína af einlægni.
Hann fjallar um erfiða persónulega reynslu þegar hann
eignaðist börn með tveimur stúlkum á nánast sama
tíma. Spaugileg er lýsingin á því þegar foreldrar stúlku
úr Búðardal komu til Keflavíkur til að ná í verðandi föð-
ur í því skyni að hann gengi í hjónaband með dóttur
þeirra. Þá segir frá sárri reynslu þegar í ljós kom að hann
var ekki líffræðilegur faðir elsta barnsins sem hann hafði
áratugum saman verið skráður fyrir. Og hann segir frá
dópneyslunni í Hljómum og Trúbrot. Sem sagt virðist
fátt vera dregið undan.
Ítarlega er fjallað um tónlistarferilinn og ævilanga
vináttu hans og Rúnars heitins Júlíussonar. Gunnar lýs-
ir því þegar ágreiningur varð þeirra í milli og rof varð á
vináttunni. Samam eiga þeir Rúnar mestan heiður af
því að Keflavík var miðstöð íslenska poppsins og bær-
inn réttnefndur Bítlabærinn. Þeir félagar eru fyrstu ís-
lensku poppstjörnurnar og þær stærstu að öðrum ólöst-
uðum. En þótt saga Gunnars sé í senn merkileg og góð
heimild um liðna tíma er bókin ekki nógu góð. Stíllinn
er á köflum stirður og það er sorglegt að ekki skyldi vera
lögð vinna í að snurfusa hann. Kannski var bókin unn-
in á of miklum hraða. Sláandi dæmi um slíka hnökra er
að finna á blaðsíðu 134 þar sem efst á síðunni er sagt frá
því að Gunnar varð gjaldþrota vegna þess að skatturinn
gekk að honum. Í framhaldinu er lýst aðdraganda gjald-
þrotsins.
Í bókinni eru innskotsgreinar fjölda samferðamanna
Gunnars sem í sumum tilvikum eru ágæt en bæta engu
við í öðrum. Þá er aðeins endurtekning á því sem fram
hefur komið í megintexta. Með dálítilli yfirlegu hefði
mátt gera þessa bók verulega góða. Persónan stendur
svo sannarlega undir því.
Alvarlegt lýti á bókinni er kápan og titillinn. Hljóma-
gangur, með áberandi mynd af persónunni og gítarn-
um varð til þess að í fyrstu hefði mátt ætla að bókin
væri nótnahefti með lögum og textum. Grafíkin er af-
leit og víst að fagmennskan var ekki til staðar. Fram-
an á kápunni stendur klossuðum stöfum ,,Diskur fylg-
ir”. En myndin af Gunnari er góð. Auðveld lausn til að
koma diskinum að var að hafa límmiða á plastinu utan
um bókina. Þetta er dapurlegt vegna þess að sjálfur er
Gunnar fagmaður fram í fingurgóma og einn allra besti
dægurlagahöfundur Íslands. Það hefði svo sannarlega
mátt gera betur við hann.
Þrátt fyrir áðurnefnda ókosti við bókina er ljóst að
Gunnar Þórðarson hefur lagt líf sitt á borðið. Og það er
ekki svo að neinum leiðist við lesturinn. Vandinn er sá
að það hefði þurft að vinna betur með efnið. Bókin var
ekki tilbúin til prentunar. Hljómagangur fær tvær stjörn-
ur.
 reynirtraustason
Hálfunnin ævisaga
Hljómagangur: gunnarÞórðarson
Jón HjartarsonHefði þurft
að vinna bet-
ur með efnið.
Þrátt fyrir það
leggur Gunnar
líf sitt á borðið.

Hljómagangur:
Gunnar Þórðarson
Útgefandi:
Bókaútgáfan Æskan /
Almenna útgáfan
Fyrri dómar
myrká
Eftir Arnald Indriðason
ódáðaHraun
Eftir Stefán Mána
skaparinn
Eftir Guðrúnu Evu Mínervudóttur
Vonarstræti
Eftir Ármann Jakobsson
skuggamyndir úrferðalagi
Eftir Óskar Árna Óskarsson
láruspálssonleikari
Eftir Þorvald Kristinsson
leitinaðbarninuígjánni
Eftir Guðberg Bergsson
alkasamfélagið
Eftir Orra Harðarson
10ráðtilað...
Eftir Hallgrím Helgason
ég–efmigskyldikalla
Eftir Þráin Bertelsson
erla,góðaerla
Eftir Erlu Bolladóttur
amtmaðurinnáeinbúa-
setrinu
Eftir Kristmund Bjarnason
dóttirmyndasmiðsins
Eftir Kim Edwards
fundiðfé
Eftir Jens Lapidus
stebbirun-annasamir
dagarogögurstundir
Eftir Óskar Þór Karlsson
göngin
Eftir Roderick Gordon og Brian
Williams
auðnin
Eftir Yrsu Sigurðardóttur
HVernigégHertókHöll
saddams
Eftir Börk Gunnarsson
sæmirokk
Eftir Ingólf Margeirsson
HVertorðeratVik
Eftir Þorstein frá Hamri
sagamannsins
blekHjarta
Eftir Corneliu Funke
alltfyrirandann
Eftir Bjarna Guðmarsson
sagaafforseta
Eftir Guðjón Friðriksson
æVisagaönnuáHesteyri
Eftir Rannveigu Þórhallsdótt-
ur
maríamagdalena
Eftir Þórhall Heimisson
algleymi
Eftir Hermann Stefánsson
fíasólerflottust
Eftir Kristínu Helgu Gunnarsdóttur
VatnHandafílum
Eftir Söru Gruen
íHúsiafamíns
Eftir Finnboga Hermannsson
artemisfowl tímaÞVersögnin
Eftir Eoin Colfer
eyjasólfuglsins
Eftir Sigrúnu Eldjárn
Verkalýðsfrömuðurinn,
stjórnmálamaðurinn,
fræðimaðurinn;
maðurinn sem iðulega
fór ótroðnar slóðir og lét
samvisku sína ætíð ráða
för.
Bókin um Hrafnkel A. Jónsson
er komin út
holar@simnet.is
Ævisaga
Hljómar Gunnar ásamt félögum sínum í þessari
vinsælu hljómsveit. Í bókinni segir hann meðal
annars frá fíkniefnaneyslunni í bandinu.