Húnavaka - 01.05.2012, Blaðsíða 31

H Ú N A V A K A 29
ég starfað frá stofnun. Ég hef tekið að mér ýmis trúnaðarstörf, var strax kosinn
í stjórn Samfylkingarfélags A-Hún. á Blönduósi og formaður síðastliðin átta ár.
Í flokkstjórn hef ég verið frá sama tíma og var kjörinn í framkvæmdastjórn á
landsfundi Samfylkingarinnar sl. haust. Þá hef ég verið annar af tveim full-
trúum Samfylkingarinnar í stjórn RARIK frá árinu 2007.
Ég fór að starfa í bæjarstjórnarmálum þegar ég flutti á Blönduós 1995 og
var einn af stofnfélögum Bæjarmálafélagsins Hnjúka. Það var þverpólitíkst
félag, reyndar frekar á vinstri vængnum. Fyrir kosningar 1998 var ég í 4. sæti
á Hnjúkalistanum. Á því kjörtímabili starfaði ég mikið inni í bæjarstjórn sem
varamaður. Ég hafði áður verið í hreppsnefnd Engihlíðarhrepps í sex ár og
starfaði að sveitarstjórnarmálum þar. Síðan fór ég inn sem aðalmaður í
bæjarstjórn Blönduóss 2002 og sat í bæjarstjórn í átta ár.
Það var margt sem skeði á þessum tíma. Reyndar var ekki auðvelt að vera
í bæjarstjórn á þessum árum, þetta var ekki uppgangstími á þessu svæði, frekar
stöðug varnarbarátta og fólksfækkun talsverð. Sameining sveitarfélaga gekk
hægt og gengur enn. Það var reyndar mikill ánægjudagur þegar tókst að
sameina Blönduós og Engihlíðarhrepp. Það skref var auðvitað lítið og við
eigum dálítið í land með frekari sameiningar.
Ýmsar erfiðar ákvarðanir þurfti að taka á þessum tíma. Ein af þeim var
ákvörð un um sölu Hitaveitu Blönduóss. Þetta var mjög umdeilt mál í sveitar-
félaginu en fjárhagsstaðan var orðin slík á þeim tíma að það var nánast ekki
um annað að ræða. Bæjarfélagið var orðið mjög skuldsett eftir miklar fram-
kvæmdir, byggingu íþróttahúss og hreinsistöðvar, sem hvoru tveggja voru
dýrar framkvæmdir. Sveitar félögin áttu að vera búin að koma sínum frá-
rennslismálum í gott horf fyrir árið 2005 og Blönduóssbær byggði hreinsistöð
fyrir alla íbúa norðan ár (Blöndu). Það var dýr framkvæmd og framlag ríkisins
var ekki eins og vænst hafði verið.
Eftir þessa framkvæmd og bygg ingu íþróttahússins var sveitarfélagið orðið
Þá var mætt á fundi. Fundur á vegum ungra framsóknarmanna um atvinnumál á
Blönduósi um 1980.