Húnavaka - 01.05.2012, Blaðsíða 89

H Ú N A V A K A 87
engar veiðar. Mig minnir að pabbi hafi snarast upp í kaupfélag til Gunnars og
kom til baka heldur daufur í dálkinn. Gunnari fannst komið nóg af hrakförum.
Daginn eftir var headið tekið af vélinni og kvað Bjössi möguleika á að gera
við það svo vélin gengi. Var svo gert en vélin fór ekki í gang. Eitt kvöldið kom
Gunnar gangandi niður að trillunni og kallaði á pabba. Gunnar sagði að til
væri head í vélsmiðjunni Hamri í Reykjavík og kæmi það með Berta (Engilbert
Óskarsson) bílstjóra á morgun. Svo vildi hann að maður kæmi sér á sjóinn. Því
næst fór Gunnar.
Næsta kvöld, þegar Berti kom frá Reykjavík, var mikil spenna sem náði
hápunkti þegar í ljós kom að headið passaði ekki á vélina.
Nú var hringt í ofboði til Reykjavíkur og forstjóri Hamars ræstur upp af
eftirmiðdagsblundinum. Hann fékk það verkefni að útvega annað head og
senda það með flugvél til Blönduóss. Addi (Ástmar Ingvarsson) bílstjóri myndi
svo sækja það daginn eftir þegar flugvélin kæmi. Nú hófst óþolandi bið.
Spurningin var. Fyndi forstjórinn annað head?
Um hádegi næsta dag kom símskeyti um að head yrði sent með Blöndu ós-
flugvélinni. Addi bílstjóri fór og náði í það og um kvöldið fór vélin í gang. Þá
var búið að stumra yfir henni í rúmar tvær vikur og allflestir vélfróðir menn á
Skagaströnd höfðu reynt að koma vélinni í gang.
Ég man vel eftir þegar trillan var dreginn á flot, með vörubílnum hans Adda
bílstjóra, að viðstöddum fjölda manns í kvöldsólinni. Það var seint um dag,
sólin að ganga í hafið í vestri og það var hlý austan gola.
Þegar trillan fór á flot hoppuðu pabbi og nokkrir aðrir karlar um borð. Tals-
verðan tíma tók að koma vélinni í gang en það tókst að lokum, þegar hún hafði
rekið út að síldarlöndunarkrana. Sigldi hún svo að trillubryggjunni og lagðist
innan við Ægi, trilluna hans Tóta frænda, Þór ar ins Hjartarsonar í Vík, sem
Gunnar Grímsson. Þórólfur Sveinsson.