Húnavaka - 01.05.2012, Blaðsíða 192

H Ú N A V A K A 190
FRÉTTIR FRÁ
UNGMENNAFÉLAGINU
HVÖT.
Jákvæð þróun varð í starfi Umf.
Hvatar árið 2011 því í lok apríl var
stofnuð Sunddeild Hvatar. Upp hafs-
maður stofnunarinnar er Magdalena
Berglind Björnsdóttir en haustið 2010
óskaði hún eftir að fá að vera með
sundæfingar í nafni Hvatar og var það
auðsótt mál. Í framhaldi af því fékk
hún gott fólk til liðs við sig og
afraksturinn af þeirri vinnu var
stofnun sunddeildarinnar.
Milli 25 og 40 börn og unglingar
hafa verið að æfa sund hjá félaginu á
árinu og hafa iðkendur komið úr allri
sýslunni. Til að byrja með var Berglind
ein að þjálfa hjá Hvöt en á haustdögum
2011 fékk hún Katrínu Sif Rúnars-
dóttur til liðs við sig. Sundiðkendurnir
hafa farið á tvö mót utan sýslu, á
Sauðárkrók og til Dalvíkur en deildin
hélt einnig Héraðs mót USAH þar
sem góður hópur barna og fullorðinna
mætti til keppni.
Mikið og gott starf var hjá
knattspyrnudeildinni á árinu eins og
undanfarin ár. Á haustmánuðum
2010 var tekin sú ákvörðun að senda
sameiginlegt lið með Tindastóli í
keppni hjá meistaraflokki og 2. flokki
karla. Gengi liðsins var mjög gott
þrátt fyrir erfiða byrjun. Í lok sumars
stóð liðið uppi sem Íslandsmeistari í 2.
deild og vann sér þar með sæti í 1.
deild á keppnistímabilinu 2012.
Geng ið í Valitor bikarnum var ekki
nógu gott en þar datt liðið út í fyrstu
umferð.
Gengið hjá 2. flokki í bikarnum var
heldur betra en þeir náðu alla leið í
átta liða úrslit. Annar flokkur karla
keppti í C1 deild, þeir enduðu í 1. sæti
í riðlinum og varð Hvatarmaðurinn
Hilmar Þór Kárason markahæsti
leikmaðurinn í deildinni. Liðið datt
síðan út í undanúrslitum eftir tap fyrir
Aftureldingu.
Á haustmánuðum 2011 tók stjórn
knattspyrnudeildar ákvörðun um að
endurnýja ekki samstarfssamning
við Tindastól. Umræður urðu á
milli stjórna knattspyrnudeildar
Hvatar og UMF Kormáks um að
senda sameiginlegt lið til keppni í 3.
deild karla á árinu 2012. Niður-
staðan úr viðræðunum varð sú að
senda ekki lið til keppni en fara í
markvisst samstarf í öllum yngri
flokkum.
Yngri flokka starfið var með líkum
hætti og undanfarin ár. Alls tóku fjórir
flokkar þátt í Íslandsmótum á vegum
KSÍ; 3. flokkur kvenna, 4. flokkur
karla, 5. flokkur karla og kvenna.
Öllum flokkum gekk nokkuð vel og
teljum við að allir hafi verið sáttir með
sumarið. Líkt og önnur sumur, var
farið með yngstu iðkendurna á
Króksmótið á Sauðárkróki og einnig
tóku þeir þátt í Smábæjaleikum
Hvatar.
Þeir Ólafur Sigfús Benediktsson og
Jóhannes Guðbjörnsson sáu um
knatt spyrnuþjálfun frá áramótum og
fram á vor en Heimir Hallgrímsson
og Hilmar Þór Kárason sáu um
sumar þjálfunina, íþróttaskólann og
að auki var Heimir framkvæmda stjóri
Knattspyrnudeildar. Sumarstarfið
gekk mjög vel og mætingar barnanna
voru til mikillar fyrirmyndar.
Í lok sumars var Eysteinn Pétur
Lárusson ráðinn framkvæmdastjóri
knattspyrnudeildar á ársgrundvelli og
tók við allri knattspyrnuþjálfun félags-