Lögmannablaðið - 01.09.2004, Side 6
6
Forsætisfundur norrænu lögmanna-félaganna fór fram á Álandseyjum
dagana 26. – 28. ágúst s.l. Að þessu
sinni voru fjögur megin málefni á dag-
skrá fundarins, auk skýrslna lög-
mannafélaganna um helstu þætti starf-
semi þeirra frá síðasta forsætisfundi.
Hagsmunaárekstrar í lög-
mennsku
Fyrsta mál á dagskrá fundarins snéri
að hagsmunaárekstrum í lögmennsku. Í
framsögu sinni um efnið gerði Anne
Ramberg, framkvæmdastjóri sænska
lögmannafélagins, grein fyrir þeirri þróun sem átt
hefur sér stað á stærð og starfsemi lögmannsstofa
í Svíþjóð undanfarin ár. Þar hefur miðlungsstórum
og stórum lögmannsstofum fjölgað á kostnað ein-
yrkja og þjónusta lögmanna hefur í vaxandi mæli
færst úr málflutningi yfir í ráðgjöf, sérstaklega á
sviði viðskipta- og fjármálalögfræði. Benti Anne á
að um leið og þessi þróun hafi leitt til aukinnar
hættu á hagsmunaárekstrum hafi gætt vissar eftir-
gjafar gagnvart kröfu um trúnaðarskyldu þar sem
lögmenn skýldu sér gjarnan á bak við svokallaða
„Kínamúra“, þegar gætt væri andstæðra hags-
muna innan sömu stofu. Taldi hún að við þessari
þróun yrði að bregðast enda trúverðugleiki lög-
manna í hættu. Nú þegar væri þrengt verulega að
trúnaðarskyldu lögmanna af hálfu ríkisvaldsins
m.a. með hertum reglum um aðgerðir gegn pen-
ingaþvætti, lögum um varnir gegn hryðjuverkum
o.fl. Trúnaðarsamband væri ekki eingöngu milli
lögmanns og skjólstæðings heldur einnig á milli
lögmanns og samfélagsins. Mikilvægt væri að
sömu reglur giltu um þjónustu lögmanna, hverrar
tegundar sem hún væri, enda væri trúnaður grund-
vallaratriði í samskiptum lögmanns og skjólstæð-
ings. Norrænu lögmannafélögin mættu ekki gefa
slík grundvallar „prinsipp“ eftir og nauðsynlegt
væri að skilgreina betur í siðareglum félaganna í
hverju hagsmunaárekstrar væru
fólgnir. Mætti í því sambandi taka
mið af því sem fram kæmi í drögum
að breyttum siðareglum sem unnið
væri að innan CCBE.
Fram kom í máli fulltrúa finnska
lögmannafélagsins að innan þess
hefði þegar farið fram nokkur umræða
um að auknar kröfur til lögmanna í
tengslum við hættu á hagsmuna-
árekstrum m.a. með strangari ákvæð-
um í siðareglum. Einnig kom fram að
norska lögmannafélagið hafi þegar
gefið út leiðbeiningar um efnið til
sinna félagsmanna en þar í landi hafi einnig
nokkrar af stærri lögmannsstofum haft frumkvæði
að setningu vinnureglna þar sem lagðar væru línur
í tengslum við hagsmunaárekstra.
Stjórnun lögmannsstofa
Anders Ryssdal, nýkjörinn formaður norska
lögmannafélagsins, hafði framsögu um stjórnun
lögmannsstofa. Benti Anders á að allra jafna
stæðu lögmenn vel að stjórnun lögmannsstofa út á
við, þ.e. gagnvart skjólstæðingum. Hins vegar
vantaði víða töluvert upp á innri stjórnun stofa,
t.d. gerð viðskiptaáætlana, fjárstýringu, faglega
samsetningu starfsfólks, þjálfun þess o.fl. Við
undirbúning opnunar lögmannsstofu væri að
mörgu að hyggja, auk þess sem lögmenn yrðu að
vera opnir fyrir faglegum og rekstrarlegum breyt-
ingum og nýjungum í daglegum rekstri stofanna.
Fram kom í umræðum um málefnið að vandamál
tengd rekstri lögmannsstofa lægju fyrst og fremst
hjá einyrkjum og smærri stofum, þar sem lög-
menn hefðu tilhneigingu til að sjá um alla hluti
sjálfir, þ.e. hefðu ekki starfsmenn til að sinna
þessum málum eða keyptu slíka þjónustu utan frá.
Þetta hefði oftar en ekki hamlandi áhrif á faglega
þróun hlutaðeigandi lögmanna. Einnig kom fram
að umbóta væri víða þörf í samskiptum eigenda
3 / 2 0 0 4
Forsætisfundur norrænu lögmannafélaganna:
Hagsmunaárekstrar, stjórnun og
afnám einkaréttar lögmanna
Ingimar Ingason
framkvæmdastjóri
LMFÍ