Lögmannablaðið - 01.09.2004, Síða 32
Íslenskur sigur
í Norrænu
málflutnings-
keppninni
Norræna málflutningskeppn-in var haldin í 20. sinn í
júní síðastliðnum og að þessu
sinni í Reykjavík. Íslenska liðið
fór með sigur af hólmi í lokavið-
ureigninni í dómhúsi Hæsta-
réttar, en Club St. Erik frá
Stokkhólmi lenti í öðru sæti.
Þrátt fyrir að íslenska liðið hafi
margoft komist í undanúrslit í
keppninni er þetta í fyrsta sinn
sem liðið kemst í tveggja liða
úrslit. Sigurinn var sætur og
verðskuldaður, en íslenskur
keppandi var valinn ræðumaður
síns riðils og liðið hafði hlotið
mjög góða einkunn fyrir skrif-
legar greinargerðir sínar. Pen-
ingaverðlaun voru veitt, 15.000
sænskar krónur, frá Sporrong-
fjölskyldunni í Svíþjóð, en
keppnin var upphaflega kennd
við frægasta mál Svía fyrir
Mannréttindadómstólum, Spor-
rong-Lönnroth málið, sem fjall-
aði um eignaréttarákvæði mann-
réttindasáttmálans.
Norræna málflutningskeppn-
in er haldin árlega til skiptis í
höfuðborgum Norðurlandanna.
Tólf lið málflutningsklúbba
nemenda frá tíu háskólum taka
þátt í keppninni. Fyrirkomulag
er þannig að starfandi lögmenn
veita málflutningsklúbbi for-
mennsku en klúbbarnir eru svo
misjafnlega mikið í tengslum
við lagadeildirnar á hverjum
stað. Keppnisstjórnin er í Stokk-
hólmsháskóla og dómendur
koma frá Mannréttindadómstóli
Evrópu og æðstu dómstólum
Norðurlandanna.
Íslenski málflutningsklúbb-
urinn, Club Lögberg, hafði veg
og vanda að öllum undirbúningi
keppninnar hér á landi, í sam-
starfi við keppnisstjórnina í
Stokkhólmsháskóla. Í tengslum
við keppnina komu hingað til
lands um 170 erlendir gestir;
laganemar, dómarar og lög-
menn, en alls komu á þriðja
hundrað manns að keppninni
með einum eða öðrum hætti.
Laganemar frá Orator, fyrrum
keppendur og formaður klúbbs-
ins, Sif Konráðsdóttir hrl., sáu
um undirbúning keppnishalds-
ins, en starfsfólk héraðsdóms
Reykjavíkur og Hæstaréttar
aðstoðuðu einnig keppnisdag-
ana sjálfa. Heiðursformaður
klúbbsins, Gunnar Helgason
hrl., stóð við bakið á klúbbnum
eins og undanfarna tvo áratugi.
Undirbúningur íslenska liðsins
var undir styrkri stjórn Bjargar
Thorarensen prófessors og
Kristínar Benediktsdóttur að-
stoðarmanns hæstaréttardómara
og fyrrum keppanda. Fjölmargir
lögmenn, LMFÍ, dómsmála-
ráðuneytið og nokkur fyrirtæki
styrktu keppnina í ár sem endra-
nær en þátttaka íslensku laga-
nemanna í keppninni hefur frá
upphafi verið háð velvilja lög-
manna.
sonar dómara, Eggerts Óskarssonar héraðsdóm-
ara, Jakobs R. Möller hrl., og Ragnars Aðalsteins-
sonar hrl.
Að loknum pallborðsumræðum sleit Hjördís
Hákonardóttir, formaður DÍ, málþinginu og bauð
málþingsgestum að þiggja léttar veitingar. Þeirra
nutu menn í blíðunni utandyra, þar sem málefni
dagsins og reyndar fjölmörg önnur mál voru rædd
manna á meðal.
Fundarstjóri og stjórnandi umræðna á málþing-
inu var Sigurður Tómas Magnússon héraðsdómari,
sem stýrði þinginu af festu og öryggi. Þátttaka á
málþinginu var góð, en það sóttu um 130 manns.
32 3 / 2 0 0 4
Íslenska vinningsliðið frá Club Lögberg, f.v.: Þórunn Pálína Jónsdóttir,
Hrafnhildur Gunnarsdóttir, Ari Karlsson, Hervör Pálsdóttir, Sesselja
Sigurðardóttir og Heiða Björg Pálmadóttir.
F.v. Eyvindur Gunnarsson hdl., Lúðvík Örn Steinars-
son hdl., Karl Ó. Karlsson hdl., Karl Georg Sigur-
björnsson hrl. og Björn Þorri Viktorsson hdl.