Lögmannablaðið - 01.06.2005, Page 15

15
þessi samskipti séu góð, en um leið heiðarleg.
Þarna á milli þarf að ríkja gagnkvæmt traust og
virðing, sem og skilningur á starfi hvors um sig.
Gildir þetta einnig um samskipti blaðamanna og
dómstóla. Ég hef ekki mikla reynslu af sam-
skiptum við dómstóla en reynsla mín af sam-
skiptum við lögmenn er almennt góð og þá í þeim
tilvikum þegar greiður aðgangur er að þeim.
Sumir lögmenn virðast ekki átta sig á hlutverki
fjölmiðla og kjósa stundum að svara ekki skila-
boðum eða neita að tjá sig. Í vissum tilvikum
getur það verið skiljanlegt en það ætti oftast að
vera lögmanni og umbjóðanda hans í hag að réttar
upplýsingar séu birtar. Sem betur fer eru þessi
viðbrögð hverfandi og mér sýnist að meðal yngri
lögmanna sé betri skilningur á starfsumhverfi
okkar blaðamanna en meðal eldri lögspekinga.
Lögmenn mega heldur ekki misnota fjölmiðla,
reyna að afvegaleiða þá eða fegra hlut umbjóð-
enda sinna. Blaðamaður þarf að geta treyst því að
upplýsingar frá lögmönnum séu sagðar af heiðar-
leik og bestu vitund. Í seinni tíð hafa kröfur á sér-
þekkingu blaðamanna verið að aukast, ekki síst
þar sem þjóðfélagið verður æ flóknara og fjöl-
breyttara. Ég reikna ekki með því að útskrifaðir
lögfræðingar muni flykkjast til starfa á fjöl-
miðlum þannig að blaðamenn, sem langflestir
hafa annars konar menntun en úr lagadeild, verða
áfram háðir sérþekkingu lögmanna. Mikilvægt er
að upplýsingar frá ,,sérfræðingum“ séu settar rétt
fram og á skiljanlegu máli. Tími til úrvinnslu
frétta er oft knappur, blaða- og fréttamenn vinna
undir mikilli tímapressu og hafa því þörf fyrir
upplýsingar fyrr en seinna.
Ég myndi telja það til mikilla bóta að Lög-
mannafélagið og Blaðamannafélagið stæðu oftar
að námskeiðshaldi, þar sem félagsmenn gætu
miðlað af reynslu sinni og þekkingu. Ég sat eitt
slíkt námskeið hjá lögmönnum og hafði gagn og
gaman af. Lögmenn hefðu einnig gott af því að
setjast á skólabekk og fá leiðsögn í samskiptum
við fjölmiðla. Þessar stéttir starfa það mikið
saman að þær hefðu gott af því að hittast oftar.
Þær eiga ýmislegt sameiginlegt og þurfa að starfa
saman í sátt og samlyndi.
L Ö G M A N N A B L A Ð I Ð