Lögmannablaðið - 01.03.2010, Blaðsíða 6

6 < LÖGMANNABLAÐIÐ – 1 / 2010
Umfjöllun
Íslenskir lögmenn
metnaðarlausir á Netinu?
Vefsíður lögmanna gegna vaxandi hlutverki í starfsemi þeirra. Langflestar lögmannsstofur halda
úti vefsíðu þar sem meðal annars finna má upplýsingar um starfsemi þeirra og starfsfólk.
Lögmannablaðið fékk til liðs við Soffíu Kristínu Þórðardóttur, ráðgjafa hjá TM Software, sem
hefur víðtæka reynslu við gerð veflausna fyrir mörg af stærri fyrirtækjum landsins, til að meta
heimasíður íslenskra lögmannsstofa.
Skoðaðar voru heimasíður hjá tæplega þrjátíu lögmannstofum og voru gæði þeirra mjög mismunandi en almennt má segja
að gæðin hafi verið minni en búast hefði mátt við. Fáar lögmannstofur auglýsa starfsemi sína með hefðbundnum hætti og
því eru vefsíður þeirra á netinu helsti snertiflöturinn við mögulega viðskiptavini og í raun andlit stofunnar út á við. Kom það
þess vegna nokkuð á óvart miðað við öfluga starfsemi margra þessara fyrirtækja hversu lítill metnaður væri lagður í að halda
úti góðri vefsíðu.
Við mat á gæðum á vefsíðum lögmannsstofa voru nokkrir þættir lagðir til grundvallar. Má þar nefna útlit og yfirbragð,
tæknilegir eiginleikar, aðgengi og notendavæni síðunnar, gæði og magn upplýsinga á síðunni, hvort og að hve miklu leyti
upplýsingar væru aðgengilegar á erlendum tungumálum, hvort til staðar væri vefgreining sem nýtist stofunni til að halda
utan um upplýsingar um heimsóknir á síðuna, og síðast en ekki síst hvort einhverjir lagalegir fyrirvarar væru á síðunni vegna
efnis sem þar væri sett fram og meðferð persónu upplýsinga.
Vefsíður JP lögmanna og
Lögmanna við Austurvöll
þóttu standa framarlega
þegar kom að upp lýs-
ingagjöf á heimasíðunni.
Vefsíða Lögmanna við
Austurvöll var aðeins
önnur af tveimur stofum
sem hafði kort af stað-
setningu á síðunni. Hún
skar úr með afgerandi
hætti þegar kom að því að
hafa skýrar upplýsingar um
meðferð persónuupplýsinga
og höfundarrétt á efninu
sem birtist á síðunni. Nokkuð hvimleitt var þó að upplýsingar um
starfsmenn stofunnar opnuðust í svokölluðum popp-upp glugga.
Vefur JP lögmanna er efnismikill og nýtir sér þar að auki svokallaðar
RSS veitur til að birta upplýsingar um nýsamþykkt lög og fréttir frá
dómsmálaráðuneytinu. Einnig þótti kostur að aðgangur að málum
í brennidepli var aðgengilegur beint á forsíðu vefsins þó stofan haldi
ekki út eiginlegri fréttasíðu. Vefurinn var einnig meðal þeirra fáu
sem birtu einhvers konar fyrirvara um efni síðunnar.