Lögmannablaðið - 01.03.2010, Blaðsíða 26
26 < LÖGMANNABLAÐIÐ – 1 / 2010
Samkvæmt lögum nr. 77/1998 um
lögmenn hefur Lögmannafélag Íslands
með höndum margþætt eftirlitshlut verk
með lögmönnum. Eftirlitshlutverk
Lögmannafélagsins hefur aukist
gríðarlega á síðustu tíu árum, enda
hefur félagsmönnum fjölgað um ríflega
60% á þessu tímabili. Þessi mikla
fjölgun lögmanna og sú staðreynd að
nýir lögmenn koma nú úr lagadeildum
a.m.k. fjögurra háskóla, hefur haft í för
með sér að lögmenn og dómarar þekkja
síður deili á lögmönnum en áður og því
hætta á að nauðsynlegar upplýs ingar,
t.d. um gjaldþrot eða refsidóma
lögmanna, berist félaginu ekki.
Jafnframt hafa þessar breytingar leitt til
þess almennt að „manuelt“ eftirlit
félagsins með félagsmönnum er því
sem næst orðið óframkvæmanlegt.
Til að tryggja betur lögbundið eftirlit
Lögmannafélagsins hefur stjórnin
kannað möguleika á reglubundinni
samkeyrslu ýmissa opinberra upplýs-
inga og tiltekinna viðskiptaupplýsinga
einkafyrirtækja við skrá félagsins yfir
lögmenn með virk málflutningsréttindi.
Þær upplýsingar sem hér um ræðir eru
t.a.m. úr sakaskrá, skrá Lánstrausts hf.
um gjaldþrot, skrár íslenskra vátrygg-
ingarfélaga um gildar starfsábyrgðar-
tryggingar lögmanna á hverjum tíma og
loks upplýsingar fjármálastofnana um
skráða fjárvörslureikninga lögmanna.
Með slíkri samkeyrslu upplýsinga mætti
tryggja mun nákvæmara eftirlit og leiða
fyrr í ljós atvik sem haft geta áhrif á
málflutningsréttindi lögmanna og þá
um leið bregðast fyrr við með viðeigandi
hætti. Hefur félagið þegar fengið
jákvæð viðbrögð frá þeim aðilum sem
leitað hefur verið til en Persónu vernd
hafði áður staðfest að vinnsla slíkra
persónuupplýsinga geti stuðst við
heimildir í 8. og 9. gr. laga nr. 77/2000,
að því gættu að farið sé að öllum
kröfum þeirra laga.
Lögmannafélagið mun á næstu
vikum vinna að frekari útfærslu þeirra
eftir litsferla sem um ræðir í samráði við
hlutaðeigandi og Persónuvernd.
II
Samkeyrsla upplýsinga vegna lögbundins
eftirlits með lögmönnum
Beiðni um niðurfellingu
málflutningsréttinda
Í byrjun árs sendi stjórn Lögmannafélags Íslands beiðni til
dómsmála- og mannréttindaráðherra, um niðurfellingu
málflutningsréttinda 17 félagsmanna vegna vanskila á
fjárvörsluyfirlýsingum vegna ársins 2008, sem skila þurfti
fyrir 1. október 2009, samkvæmt inntaki 2. mgr. 23. gr.
lögmannalaga nr. 77/1998. Í framhaldi af aðgerðum
félagsins skiluðu ellefu lögmenn inn fullnægjandi yfir-
lýsingum, tveir lögmenn kusu að leggja inn mál flutn ings-
réttindi sín en mál þriggja lögmanna eru enn í meðförum
ráðuneytisins. II
Af vettvangi félagsins
Smiðshöfða 1 • Sími 587 9800 • http//www.gagnageymslan.is