Fréttablaðið - 20.11.2014, Blaðsíða 8

20. nóvember 2014 FIMMTUDAGUR| FRÉTTIR | 8
RANNSÓKNIR „Ég lít á þetta sem
spennandi verkefni fyrir upplýs-
ingatækniiðnað á Íslandi. Tilurð
þess er að danska veðurstofan
þarf að endurnýja þennan búnað
á fimm til sjö ára fresti, en öfl-
ugri tölva þýðir meiri orkuþörf og
kvaðir sem opinberar stofnanir í
Danmörku starfa undir leyfa ekki
rekstur þessarar tölvu þar í landi,“
segir Ingvar Kristinsson, þróunar-
stjóri Veðurstofu Íslands.
Á dögunum var undirritaður
samningur um samstarf Veður-
stofu Íslands og dönsku veður-
stofunnar (DMI) um stóraukið
samstarf, og þar á meðal rekstur
tölvu sem hefur tífalt meiri reikni-
getu en sú tölva sem DMI nýtir í
dag. Ávinningur DMI er að nýta
umhverfisvæna orkugjafa Íslands
en Ingvar segir að orkuþörf nýju
ofurtölvunnar og búnaðar sem
henni tengist nálgist eitt mega-
vatt á ári.
Veðurstofu Íslands gefst á móti
tækifæri til að stækka reiknisvæð-
ið í kringum Ísland og bæta þjón-
ustu sína á öllum sviðum; í veð-
urspám, hafísspám, reikningum
á fortíðarloftslagi og framtíðar-
sviðsmyndum mögulegra lofts-
lagsbreytinga. Einnig gefast betri
tækifæri til styrkumsókna, bæði
úr norrænum og evrópskum rann-
sókna- og þróunarsjóðum. Sameig-
inlega munu DMI og Veðurstofan
geta beitt sér enn betur að sam-
starfi hvað varðar loftslagsmál á
norðurslóðum.
Veðurstofurnar tvær hafa í lang-
an tíma verið í virku samstarfi
um veðurþjónustu, og lengi keyrði
DMI veðurlíkan fyrir Ísland, sem
notað var sem grunnlíkan fyrir
veðurspár á Íslandi. Í sumar skipti
Veðurstofan um veðurlíkan sem
kallaði á meira reikniafl en DMI
hafði aflögu.
Ingvar segir að hugsunin sé að
setja nýju ofurtölvuna upp í húsa-
kynnum Veðurstofunnar, en einnig
hafi menn velt því fyrir sér hvort
skynsamlegt sé að vinna með
einkaaðilum, bæði hvað varðar
rekstur og hýsingu. „Það kemur í
ljós á næstu mánuðum, en að því
er stefnt að seint á næsta ári verði
ofurtölvan komin í rekstur og
veðurspár byggi á henni snemma
árs 2016,“ segir Ingvar, sem telur
rekstur ofurtölvunnar hér áhuga-
vert upphafsverkefni á þessu sviði.
Ekki aðeins fyrir Veðurstofuna
heldur einnig fyrir íslensk tölvu-
hýsingarfyrirtæki sem geti nýtt
tækifærið til að kynnast þessum
rekstri frá fyrstu hendi.
svavar@frettabladid.is
Ofurtölva á Íslandi
stórbætir veðurspár
Veðurstofur Íslands og Danmerkur stórauka samstarf. Ofurtölva verður sett upp
á Íslandi þar sem orkuþörf hennar gerir rekstur í Danmörku óhugsandi. Tækifæri
fyrir Veðurstofuna og tölvuhýsingarfyrirtæki, segir þróunarstjóri Veðurstofunnar.
Flestar veðurstofur í Evrópu reka sínar eigin ofurtölvur til þess að
reikna veðurspár. Þróun ofurtölva er hröð og kröfur til veðurstofa
um nákvæmari veðurspár kalla á hraðari uppfærslur á ofurtölvunum
en áður. Á sama tíma er þrengt að fjárhag veðurstofa.
Norska og sænska veðurstofan starfa saman að rekstri ofurtölvu,
en nú er stefnt að samnorrænni gagnahýsingu og rekstri ofurtölvu til
að reikna veðurspár fyrir öll Norðurlöndin frá árinu 2020.
„Vinna er hafin við að meta hvað tölva þarf að hafa mikla reikni-
getu til að geta sinnt öllu þessu svæði sem nær yfir öll Norðurlöndin
og Ísland og Grænland þar með talin. Menn eru jafnvel að velta því
fyrir sér að Eystrasaltsríkin verði þar líka með,“ segir Ingvar.
Framtíðarsýnin er fjölþjóðlegt samstarf
LANDBÚNAÐUR Ríkið á 473 jarðir og
af þeim eru eyðibýli um 160 talsins.
Sjö þingmenn Framsóknar-
flokks og Sjálfstæðisflokks hafa
lagt fram þingsályktunartillögu
þess efnis að fjármálaráðherra
verði falið að leita allra leiða til að
koma ónýttum, eða ósetnum, jörð-
um í notkun.
Það er mat flutningsmanna að
ótækt sé að fjöldi jarða í ríkiseigu
sé í eyði, eða illa nýttur, á sama
tíma og nýliðun í landbúnaði er
erfiðleikum bundin.
Með slíkri aðgerð telja þing-
mennirnir að megi auka byggða-
festu og atvinnumöguleika í
dreifðum byggðum landsins. Enn
fremur að greiða fyrir ábúenda-
skiptum á ríkisjörðum í því skyni
að stuðla að markvissri búsetu og
uppbyggingu þessara jarða.
Í greinargerð tillögunnar segir
að ungir bændur eigi í erfiðleik-
um með að hefja búskap þar sem
bújarðir liggja ekki á lausu og/eða
eru ákaflega dýrar.
Með því að koma jörðum í notk-
un mætti, að mati flutningsmanna,
að nokkru leyti leysa vanda nýlið-
unar, auka matvælaframleiðslu,
tryggja byggðafestu og bæta
atvinnumöguleika. Hún styðji
við aðrar þær aðgerðir sem óhjá-
kvæmilega þarf að ráðast í til þess
að snúa við óheppilegri byggðaþró-
un í mörgum héruðum. - shá
Sjö stjórnarþingmenn telja ótækt að fjölmargar ríkisjarðir séu ónýttar og vilja koma þeim í notkun:
Eyðibýli eru á 160 af 473 jörðum í ríkiseigu
Í EYÐI Það er mat flutningsmanna að
ótækt sé að fjöldi jarða í ríkiseigu sé í
eyði á sama tíma og nýliðun í landbúnaði
er erfiðleikum bundin. FRÉTTABLAÐIÐ/STEFÁN
SKIPULAGSMÁL Hostel B47 í
Heilsuverndarstöðinni á Baróns-
stíg vill fá leyfi til að selja léttvín
í borðsal á fyrstu hæð í tengslum
við gistahúsrekstur sinn.
Skipulagsfulltrúi borgarinnar
segir fyrir sitt leyti að beiðn-
in sé í samræmi við aðalskipu-
lag. Þó þurfi að meta hljóðvist
þar sem starfsemin sé í íbúðar-
götu og segir koma til greina
að takmarka opnunartímann.
Byggingar fulltrúi frestaði
afgreiðslu. - gar
Nýjung í Heilsuverndarstöð:
Vínveitingar á
Barónsstígnum
SUMAR Úrkomuspár munu verða nákvæmari með nýrri ofurtölvu. FRÉTTABLAÐIÐ/STEFÁN
Að því er
stefnt að seint
á næsta ári
verði ofur-
tölvan komin í
rekstur og
veðurspár
byggi á henni snemma
árs 2016.
Ingvar Kristinsson,
þróunarstjóri Veðurstofu Íslands.
TIMEOUT
Tilboð
kr. 322.980
með skemli
ÞÍN STUND
ÞINN STAÐUR
TIMEOUT STÓLLINN
Hannaður með fagurfræði
og þægindi að leiðarljósi.
Hönnuður: Jahn Aamodt
T IMEOUT HÆGINDASTÓLL
þeirra jarða
sem ríkið á
eru eyðibýli.
34%