Fréttablaðið - 09.12.2014, Blaðsíða 2

9. desember 2014 ÞRIÐJUDAGUR| FRÉTTIR | 2
Anna, var bara hlegið að þér?
„Fólk meig í sig úr hlátri.“
Anna Þóra Björnsdóttir, sem er 52 ára þriggja
barna móðir, segir alla hafa haldið að hún
hafi fengið blæðingu inn á heila þegar hún
sagðist ætla á námskeið í uppistandi.
SPURNING DAGSINS
Fiskislóð 31, 101 Reykjavík | Sími 514 1400 | sumarferdir.is
Sól fyrir jól
TENERIFE 10.–20. desember
Hotel Zentral Center
FRÁ 109.900 kr.
Verð á mann m.v. tvo fullorðna.
Morgunverður innifalinn.
Brottför: 10. des. — 10 nætur.
MENNTUN „Þetta er mikið áfall
fyrir okkur,“ segir Arnór Guð-
mundsson, forstöðumaður Náms-
matsstofnunar, um villur í útreikn-
ingum á samræmdum prófum.
Vitlaust var gefið fyrir rétt svör í
samræmdum prófum í fjórða bekk.
Arnór segir búið að leiðrétta nið-
urstöðurnar í gagnagrunninum
og senda skólastjórnendum upp-
lýsingar um þær. Einkunnir 2.058
barna hækkuðu í kjölfarið.
„Það verður farið yfir öll próf
í fjórða, sjöunda og tíunda bekk,“
segir hann.
Hann segir engar einkunnir
munu lækka í kjölfar leiðrétting-
arinnar þótt rúmlega 200 nemend-
ur séu í raun með lægri einkunn.
„Einkunnir barna verða bara
hækkaðar. Við höfum látið vinna
fyrir okkur lögfræðiálit sem segir
að það megi ekki lækka einkunn-
ir. Breytingar á einkunnum, bæði
hækkanir og lækkanir, breyta hins
vegar tölfræði samræmdra prófa
í ár.“
Samræmd próf í grunnskólum
hafa verið töluvert til umfjöllunar
síðustu vikur og Námsmatsstofn-
un sætt mikilli gagnrýni vegna
innihalds prófanna sem þykir að
einhverju leyti ekki í samræmi
við aðalnámskrá skólanna. Þá
var ein spurning um orð í fleir-
tölu á íslenskuprófi röng og texti á
enskuprófi þótti fullþungur.
Arnór segir þau mistök sem gerð
hafa verið í ár áminningu um betri
vinnubrögð og segir stofnunina nú
skoða fyrirkomulag samræmdra
prófa almennt.
„Við tökum allt til gagngerrar
endurskoðunar. Próf þurfa að vera
í samræmi við hæfnimiðað náms-
mat, þá erum við að þróa skimun-
arpróf vegna lesturs og rafræn
einstaklingsmiðuð próf.
„Við erum að fara í gegnum öll
samræmd próf í íslensku, ensku og
stærðfræði með það fyrir augum
að bæta þau og uppfæra í tengslum
við nýja námsskrá. Í einstaklings-
miðuðum, rafrænum prófum
getum við fylgt færni hvers og
eins. Í staðinn fyrir að prófa ein-
stök þekkingaratriði þá prófum við
hvernig nemendur geta beitt þekk-
ingu,“ segir Arnór.
kristjanabjorg@frettabladid.is
Einkunnir meira en
2.000 barna hækka
Samræmd próf verða tekin til gagngerrar endurskoðunar eftir röð mistaka við
framkvæmd þeirra. Einkunnir 2.058 barna hækka, engar einkunnir munu lækka.
ÁFALL Forstöðumaður Námsmatsstofnunar segir mistök við framkvæmd sam-
ræmdra prófa í ár áfall og áminningu um betri vinnubrögð. FRÉTTABLAÐIÐ/PJETUR
VIÐSKIPTI Fjárfestingarfélagið
Blackstone Group íhugar nú kaup á
Refresco Gerber, stærsta drykkjar-
vöruframleiðanda Evrópu. Kaup-
verðið er tæplega 1,5 milljarðar
sterlingspunda sem jafngildir 300
milljörðum íslenskra króna.
Meðal hluthafa Refresco Gerber
eru Stoðir (áður FL Group) sem á
um þriðjungs hlut, Kaupþing, Arion
banki og félagið 3i.
Í sumar bárust fréttir af því að
eigendur Refresco Gerber væru
að skoða skráningu fyrirtækisins
á markað. Samkvæmt heimildum
Fréttablaðsins hefur skráning ekki
enn verið útilokuð en verið er að
ræða við fjárfesta sem sýnt hafa
fyrirtækinu áhuga og meta hvort
nægilega gott tilboð berist. Ellegar
verði það skráð á hlutabréfamarkað.
Bandaríski bankinn JP Morgan ann-
ast söluferlið fyrir félagið. Ekki er
búist við endanlegri ákvörðun fyrr
en í mars á næsta ári.
Þrír Íslendingar sitja í stjórn
Refresco Gerber, þeir Þorsteinn
Már Jónsson, Hilmar Þór Krist-
insson og Jón Sigurðsson. Starfs-
menn Refresco Gerber eru tæplega
5 þúsund en fyrirtækið framleiðir
árlega í kringum 6,5 milljarða lítra
af drykkjarvörum. - fbj
Kaupverðið er 1,5 milljarðar punda eða 300 milljarðar íslenskra króna:
Íhuga kaup á Refresco Gerber
SMOOTHIE Refresco Gerber, sem er að hluta í eigu nokkurra Íslendinga, framleiðir
um 6,5 milljarða lítra af drykkjarvörum árlega. FRÉTTABLAÐIÐ/AFP
NÁTTÚRA Eldgosið í Holuhrauni
hefur staðið í 100 daga samfleytt,
og heldur áfram með líkum hætti
og verið hefur síðustu vikur.
Í skýrslu vísindamannaráðs
almannavarna segir jafnframt að
þrátt fyrir að gosið hafi staðið í rúm-
lega þrjá mánuði sé enn mikið hraun-
flæði í Holuhrauni og sighraði öskju
Bárðarbungu verulegur.
Ef þróunin verður með sama
hætti og verið hefur mun bæði sig
Bárðarbungu og eldgosið í Holu-
hrauni halda áfram í að minnsta
kosti nokkra mánuði, er mat vís-
indamannaráðsins. - shá
Goslok ekki á næstunni:
Eldgosið staðið
í alls 100 daga
KJARAMÁL Félagar í Félagi tón-
listarskólakennara samþykktu
nýgerðan kjarasamning við
Samband íslenskra sveitarfé-
laga. Allsherjaratkvæðagreiðsla
um samninginn hófst 3. desem-
ber og lauk á hádegi í gær.
Alls greiddu 81,39 prósent
atkvæði með samningnum
en 11,67 prósent voru andvíg.
Kosningaþátttakan var 67,92
prósent. Á kjörskrá voru 530.
Kjarasamningurinn gildir frá
1. nóvember 2014 til 31. október
2015.
- ibs
Tónlistarskólakennarar:
Nýr samningur
var samþykktur
KJARAMÁL Læknar samþykktu
í gærkvöld auknar verkfallsað-
gerðir á komandi ári. Verkfalls-
loturnar á nýju ári munu standa í
fjóra daga í stað tveggja. Kosning
um aðgerðirnar hafði staðið und-
anfarna viku. Fyrsta lotan mun
hefjast þann 5. janúar. 98 prósent
þeirra sem greiddu atkvæði sam-
þykktu verkfallið.
„Það þarf að boða til verkfalls
með ákveðnum fyrirvara og það
er ekkert sem bendir til að samn-
ingar séu í nánd,“ segir Þorbjörn
Jónsson, formaður Læknafélags
Íslands. Hann segir jafnframt að
ekkert heildstætt tilboð hafi bor-
ist frá ríkinu.
Ríflega tvö hundruð lækna-
nemar lýstu því yfir í gær að þeir
myndu ekki ráða sig sem kand-
ídata eða aðstoðarlækna á heil-
brigðisstofnanir landsins fyrr
en sátt hefði náðst í deilunni.
Umsóknarfrestur um kandídats-
stöður rann út 24. nóvember en
var framlengdur sökum fárra
umsókna. Læknanemar hafa
mannað um 75 stöðugildi undan-
farin sumur.
Samninganefndir deiluaðilanna
funduðu í gær án árangurs. Fund-
urinn stóð yfir í klukkustund og
hefur verið boðað til nýs fundar
á morgun. Samkvæmt heimild-
um Fréttablaðsins hefur lækn-
um verið boðin um tíu prósenta
launahækkun en Sigurveig Pét-
ursdóttir, formaður samninga-
nefndar lækna, segir tilboð rík-
isins hljóða upp á minni hækkun.
- jóe
Enn lengist kjaradeila lækna og ríkisins. Ríkið býður læknunum hátt í tíu prósenta launahækkun:
Boða harðari verkfallsaðgerðir á nýju ári
HEILBRIGÐISSTARFSMENN Verkfalls-
lotur á nýju ári munu standa í fjóra
daga. FRÉTTABLAÐIÐ/ERNIR
BANDARÍKIN Það þurfti yfir 250 slökkviliðsmenn til að ráða niðurlög-
um elds sem kviknaði í Los Angeles í gær. Framkvæmdir stóðu yfir í
húsinu sem varð eldinum að bráð en til stóð að opna verslanir á neðstu
hæðum þess en efri hæðirnar áttu að hýsa fólk.
Sjö hæða hátt húsið brann til kaldra kola. Eldurinn náði að breiða úr
sér í tvær nærliggjandi byggingar og loka þurfti nálægum hraðbraut-
um meðan unnið var að slökkvistarfi. Rannsókn fer fram á tildrögum
eldsins en talið er að kveikt hafi verið í. Engin slys urðu á fólki. - jóe
Íkveikja er talin líklegasta orsök brunans. Rannsókn er hafin:
Stórhýsi brann til kaldra kola
VINNUPALLAR Byggingin var rústir einar og ekkert stóð eftir nema vinnupallarnir
sem umluktu það. FRÉTTABLAÐIÐ/AFP