Fréttablaðið - 09.12.2014, Side 24

FÓLK|HEILSA
Vetur konungur hefur tekið sér endanlega bólfestu á suðvestur-horni landsins með tilheyrandi
snjó og frosti. Áhugasamir göngumenn
láta það þó ekki slá sig út af laginu enda
þarf kalt veðurfar ekki að hindra góða
gönguferð. Með breyttri árstíð þarf þó
að huga að ýmsum þáttum og segir
Páll Guðmundsson, framkvæmdastjóri
Ferðafélags Íslands, að mikilvægt sé að
huga að góðum skóm, hlýjum fatnaði og
almennum öryggisþáttum. „Þegar vetur
gengur í garð er mikilvægt að klæða sig
rétt til að verja sig bæði fyrir kulda og
breytilegu vetrarveðri. Á vetrargöngu
er betra að vera í háum gönguskóm
sem ná vel upp fyrir ökkla og eru vatns-
heldir að einhverju leyti og gott er að
bera á þá leðurfeiti.“
Páll segir miklu máli skipta að vera
í göngufatnaði úr viðeigandi efnum og
ekki sé verra að vera í ullarbrókum og
ullarfatnaði sem innsta lagi. „Gallabux-
ur, strigaskór og bómullarbolir ættu
til dæmis almennt að vera bannaðir
fyrir göngufólk og geta beinlínis stefnt
lífi fólks í hættu. Síðan er rétt að vera
í góðum hlífðarfatnaði, vindheldum
göngujakka og buxum, eða léttri vetr-
arúlpu. Þá eru húfa og vettlingar alltaf
með í för í gönguferð að vetri.“ Ef fólk
er eitt á ferð er mikilvægt að láta vita af
ferðum sínum, skilja eftir leiðarlýsingu
og vera með hlaðinn síma og helst GPS-
tæki enda breytist veður mjög fljótt yfir
vetrartímann.
Endalaust framboð skemmtilegra
gönguleiða er í boði á suðvesturhluta
landsins, eins og því öllu að hans
sögn. „Það er fallegt að ganga meðfram
ströndinni og skoða fjörulífið og dást að
brimsköflunum við seiðandi sjávarnið-
inn, til dæmis við Gróttu, í Grafarvogi,
í Kópavogi og á Suðurnesjum. Þá er að
sama skapi sérlega róandi og gefandi
að fara í góða skógargöngu og aldrei
að vita nema maður rekist á nokkra
jólasveina á þessum tíma árs. Þar má
nefna Heiðmörk með óteljandi fallegum
gönguleiðum, skógræktarsvæðið ofan
við Mógilsá við Esjurætur, skógræktar-
svæði í Brynjudal í Hvalfirði og eins
við Hvaleyrarvatn í Hafnarfirði. Svo má
halda til fjalla og yfir vetrartímann er
tilvalið að ganga á fjöll eins og Úlfars-
fell, Mosfell, Grímmannsfell og Helga-
fellin tvö bæði ofan Hafnarfjarðar og
eins í Mosfellssveit. Á veturna er betra
að velja fjöll með aflíðandi löngum
brekkum og vera minna í brattlendi.“
Og það er lítið mál að virkja börn og
unglinga ef ferðin er á þeirra forsend-
um. „Þannig má segja að ferðin en ekki
áfangastaðurinn skipti máli. Auðvitað
finnst þeim gaman þegar þau ná
upp á tind eða komast á milli skála
en þau verða alltaf að fá njóta sín í
gönguferðinni. Svo er auðvitað mik-
ilvægt að þau séu aldrei köld, blaut
eða svöng. Á meðan svo er þá má
lengi leiða þau áfram.“
■ starri@365.is
VETUR KALLAR Á
BREYTTAR ÁHERSLUR
GÖNGUFERÐIR Snjór og frost hindra ekki góða gönguferð. Margar gönguleið-
ir eru í boði og þá þarf bara að klæða sig vel og huga að almennu öryggi.
FJÖLSKYLDUSTUND Allir aldurshópar við Snorraríki í Þórsmörk.
MYND/FERÐAFÉLAG ÍSLANDS
HRESSIR KRAKKAR
Lítið mál er að virkja
börn til gönguferða.
MYND/FERÐAFÉLAG ÍSLANDS
GÓÐUR UNDIRBÚNINGUR „Þegar vetur gengur í garð er mikilvægt að klæða sig rétt til að verja sig bæði fyrir kulda og breytilegu
vetrarveðri,“ segir Páll Guðmundsson, framkvæmdastjóri Ferðafélags Íslands. MYND/VILHELM
SPORTÍS
MÖRKIN 6 108 REYKJAVÍK S:520-1000 SPORTIS.IS
GRÍPTU GÆSINA
SETTU ALVÖRU GÆÐI Í JÓLAPAKKANN!
CITADEL KENSINGTON
kr.129.990.- kr.129.990.-