Ægir - 01.04.2015, Blaðsíða 14

14
sveit Ingimars Eydal haustið
1970 þegar Hjalti Hjaltason
trommuleikari hætti í hljóm-
sveitinni. Þá var ég sautján ára
gamall og hafði ekki aldur til
þess að vera í Sjallanum! Þessi
tími er tvímælalaust það eftir-
minnilegasta sem ég hef gert í
tónlist. Auk þess að spila í Sjall-
anum og á böllum um allt land
spilaði ég stundum djass með
þeim Eydalsbræðrum, Ingimari
og Finni. Ég hafði ekki spilað
djass áður en Finnur gaf mér
ýmis góð ráð og einnig fékk ég
góðar ábendingar frá Paul Wee-
den djassgítarista sem þá var
hér á Akureyri.
Tónlistin hefur alla tíð fært
mér mikla gleði. Á þeim árum
sem ég var til dæmis með
Hljómsveit Ingimars Eydal var
þetta okkar vinna og þegar
best lét uppskárum við ágætis
laun. En núna eru litlir sem eng-
ir peningar í þessu en það gerir
ekkert til. Núna spila ég fyrst og
fremst ánægjunnar vegna. Til
dæmis spila ég oft með fé-
lögum mínum fyrir gamla fólkið
á öldrunarheimilinu Lögmanns-
hlíð á Akureyri. Ég þykist vera
að leggja inn gott orð fyrir
hornherbergi með góðu útsýni
þegar þar að kemur! Í vetur hef
ég ásamt Hermanni Arasyni og
Finni Finnssyni verið að vinna
að mjög skemmtilegu verkefni
með tveimur konum sem spila
á harmoniku, Hildi Petru Frið-
riksdóttur og Vigdísi Jónsdótt-
ur, sem felst í því að spila efni
inn á disk sem er að koma út
um þessar mundir. Saman köll-
um við okkur hljómsveitina „Við
og við“. En aðal danshljóm-
sveitin mín í dag er Dansbandið
en með mér í henni eru Einar
Guðmundsson harmonikuleik-
ari, Ragnheiður Júlíusdóttir
söngkona, Haukur Ingólfsson á
gítar, Finnur Finnsson á bassa
og Ingi Jóhannsson spilar á
hljómborð og syngur. Þessi
hljómsveit hefur starfað í tíu ár
og spilað víða.“
Árni Ketill segir að tónlistin
sé ekki eina áhugamálið sem
hann eigi því ófáum stundum
verji hann í sumarbústað þeirra
hjóna í landi Skóga í Fnjóskadal.
„Þar er eilífðar vinna við viðhald
á húsinu og í skógræktinni,“
segir hann.
Ungur trommari með bítlahár og barta í Hljómsveit Ingimars Eydal, þar sem hann starfaði á árunum 1970-
1975.
Í þá gömlu góðu daga þegar Hljómsveit Ingimars Eydal klæddist hinum svokölluðu skæruliðafötum. Frá
vinstri: Bjarki Tryggvason, Finnur Eydal, Helena M. Eyjólfsdóttir, Grímur Sigurðsson, Árni Ketill Friðriksson
og Ingimar Eydal.