Gerðir kirkjuþings - 2003, Qupperneq 33

Samningur við Siðfræðistofnun
Samþykktur var samningur um framlag til stofnunarinnar að fjárhæð kr. 500 þús.
árlega til þriggja ára, frá og með 2003.
Nýtt embætti sérþjónustuprests
Ríkisstjómin samþykkti fyiT á árinu að veita fé til stofnunar embættis
sérþjónustuprests til að sinna málefnum er varða áfengis- og vímuefnavandann.
Presturinn hóf störf 1. september sl. og mun ríkisstjómin jafnframt tryggja
fjárveitingu á fjárlögum næsta árs. Þar sem um tímabundið verkefni er að ræða hefur
embættið ekki verið auglýst, heldur var sett í það til eins árs. Það verður
meginhlutverk sérþjónustuprestsins að framfylgja vímuvamarstefnu Þjóðkirkjunnar
og liðsinna þeim sem eiga við vímuefnavanda að etja.
Fyrirspurn til dóms- og kirkjumálaráðherra um skerðingu sóknar- og
kirkjugarðsgjalda
Kirkjuráð fylgdi eftir fyrirspum Kristjáns Bjömssonar á síðasta Kirkjuþingi um
skerðingu sóknar- og kirkjugarðsgjalda. Endanleg úrlausn hefur ekki fengist. Þau svör
sem borist hafa fylgja máli þessu.
Fasteignaumsýsla
Unnið hefur verið að seinni hluta þakviðgerðar á Kirkjuhúsinu að Laugavegi 31,
Reykjavík. Kristnisjóður fékk 600 þús. kr. styrk ffá Reykjavíkurborg til endumýjunar
glugga en ekki reyndist unnt að ráðast í það verkefni á þessu ári vegna fýrmefndrar
þakviðgerðar. Aður hefur verið vikið að kaupum Kirkjumálasjóðs á neðri hæð
safnaðarheimilisins í Grensáskirkju, en ríkið veitti sérstaklega 25 millj. kr. til kaupa á
húsnæði fyrir Tónskólann, enda rýmdi Tónskólinn húsnæði sitt á Sölvhólsgötu til að
starfsemi á vegum ríkisins kæmist þar inn. Kirkjuráð gerði kaupsamning um
núverandi húsnæði skólans í Grensáskirkju, auk meira rýmis á hæðinni eða alls 626
fermetrar. Kaupsamningurinn var gerður með fyrirvara um samþykki Kirkjuþings.
Það hefur tafið framgang málsins að gera þurfti eignaskiptasamning.
Erindi frá Prestafélagi Islands
Kirkjuráði barst erindi frá PÍ með ósk um breytt fyrirkomulag á gjaldtöku vegna
fermingarfræðslu. Kirkjuráð flytur um þetta sérstakt mál eins og fyrr greinir.
Þá óskaði Prestafélagið sömuleiðis eftir að settar verði skýrar reglur um hvort sóknum
þjóðkirkjunnar sé heimilt að greiða prestum laun af einhverju tagi, standa skil á
aukaverkagreiðslum eða taka þátt í kostnaði við rekstur embættis þeirra. Kirkjuráð
mun vinna að þessu máli með félaginu og athuga hvort setja megi söfnuðum
starfsreglur um hvað megi innheimta í tengslum við athafnir o.fl.
VII. Lokaorð
Af skýrslu þessari er ljóst að Kirkjuráð hefur haft mörg og viðamikil verkefni með
höndum. Einnig er vísað til greinargerðar framkvæmdastjóra Kirkjuráðs í Árbók
kirkjunnar 2002 sem lögð er fram. Þar er og að fmna skýrslur stofnana, nefnda og
sjóða kirkjunnar og yfírlit yfir hin margvíslegu störf kirkjunnar. Þá fylgja skýrslu
þessari gögn sbr. meðfylgjandi lista.
7. október 2003
31