Morgunblaðið - 04.07.2015, Síða 28

28 UMRÆÐAN Messur á morgun
MORGUNBLAÐIÐ LAUGARDAGUR 4. JÚLÍ 2015
Oft er gaman að
skoða pistla Halldórs
Armands í Morgun-
blaðinu, til að sjá
hvort hann hitti nagl-
ann á höfuðið. Þó
þótti mér skorta á
eftirfylgnina um dag-
inn, er hann lýsti
skoðun sinni á um-
hverfishlýnun. Við-
urkenndi hann þó sem
var, að það er fjarri sællegum
menntuðum Vesturlandabúum, að
taka ýtrustu umhverfishrak-
spárnar alvarlega; bæði vegna
brýnustu eiginhagsmuna og vegna
innbyggðrar áhættusækni auð-
valdshyggjunnar í átt til hagnaðar.
Mér er til efs, í ljósi þessa, að
takast muni að afstýra verstu af-
leiðingum umhverfishlýnunar-
innar. Fordæmin úr sögunni benda
frekar til að við munum láta reka á
reiðanum þangað til í óefni sé kom-
ið og þjóðir miðbaugslandanna fari
að flýja í átt til heimskautanna;
vegna hækkandi sjávar og hita. Að
þá muni næsta heimsstyrjöldin
verða; kannski öld eftir hina síð-
ustu; er nyrðri þjóðirnar og Eyja-
álfa verjast allsherjarásókn hinna,
frá æ harðbýlli löndum sínum.
Ég er viss um að djúphugulustu
spekingarnir í Pentagon, Rúss-
landi, Kína og ESB séu þegar farn-
ir að gera ráð fyrir
þessum möguleika; á
okkar vaxandi flótta-
mannatímum.
Það þarf ekki endi-
lega að vera neikvætt
að hugsa svona:
Stríðsþankar standa
nefnilega nær hugs-
unarhætti mann-
skepnunnar en hnatt-
ræn samvinna. Það
getur því verið auð-
veldara fyrir fólk að
bregðast við fyrirsjáanlegri stríðs-
hættu en sameiginlegri umhverf-
isógn. Þannig geti hugarfarsbreyt-
ingin á endanum ýtt við mönnum
til að leggja meira fé í bæði yfir-
standandi baráttu gegn umhverf-
ishlýnum; sem og í varnarmálaund-
irbúninginn í bakhöndina.
Þetta gætu auk þess orðið rök
fyrir að Nató, Rússland og Kína
myndi með sér hernaðarbandalag;
og þétti þannig vinsamleg sam-
skipti sín á milli, á meðan.
Umhverfishlýnunin virðist vera
vandamál sem krefst samvinnu af
áður óþekktri stærð; stærra en t.d.
stofnun Evrópusambandsins til að
hindra stríð milli Evrópuríkja, eða
þá hjálparstarf vestrænna ríkja til
þróunarlanda í formi lyfja, mennt-
unar, matargjafa og viðskipta.
Næsta víst má telja að til lengd-
ar muni ekkert varnarbandalag þó
ná að hemja flótta frá heitu lönd-
unum til Vesturlanda; með með-
fylgjandi langvarandi upplausn og
hrapi á lífsgæðum og menntun.
Einnig, að stríð sé í reynd dýrari
kostur en að hindra umhverfis-
hlýnunina fyrirfram með frið-
samlegum forvarnaraðgerðum. En
það að hafa báðar leiðirnar í sigt-
inu í einu, getur hugsanlega flýtt
fyrir fjársöfnun til mengunar-
varna.
Vera má að „syndaflóðið“ komi
eftir minn dag, og jafnvel eftir dag
Halldórs Armands. En ég vil nú
endurvekja hluta af kaldastríðs-
ljóði mínu um þriðju heimsstyrj-
öldina, sem birtist í Stúdenta-
blaðinu 1984, en þar segir meðal
annars:
Og Guð sagði: Verði ljós.
Og andlit hans varð eldhnöttur
sem lýsti upp öll næturskýin.
Suma brenndi hann til ösku
og dreifði þeim yfir vötnin.
Og ljósið brenndi burt kynþættina,
gerði vopnin að fornleifum
en mennina að hráefnum.
Umhverfishlýnunin
og stríðshættan
Eftir Tryggva
V. Líndal
» Stríðsþankar
standa nefnilega
nær hugsunarhætti
mannskepnunnar en
hnattræn samvinna.
Tryggvi V Líndal
Höfundur er skáld og
menningar-mannfræðingur.
Akureyrarkirkja | Messa kl. 11. Prestur er
sr. Svavar Alfreð Jónsson. Félagar úr Kór Ak-
ureyrarkirkju syngja. Organisti er Eyþór Ingi
Jónsson.
Árbæjarkirkja | Létt helgistund í anda
sumars kl. 11. Sr. Þór Hauksson flytur hug-
vekju. Félagar úr kirkjukórnum syngja við
undirleik Kjartans Jósefssonar Ognibene.
Kirkjukaffi á eftir.
Áskirkja | Messa fellur niður í Áskirkju.
Sumarferð Safnaðarfélags Ásprestakalls
verður farin sunnudaginn 5. júlí. Lagt er af
stað frá Áskirkju kl. 9 árdegis. Ekið í Stykk-
ishólm. Guðsþjónusta kl. 14 í Stykkishólms-
kirkju þar sem staðarprestur, sr. Gunnar Ei-
ríkur Hauksson, þjónar fyrir altari. Linda
Jóhannsdóttir djákni les ritningarlestra og
sr. Sigurður Jónsson prédikar. Organisti er
Magnús Ragnarsson. Kirkjukaffi eftir guðs-
þjónustu. Áætluð heimkoma til Reykjavíkur
úr safnaðarferðinni er kl. 18.
Bústaðakirkja | Guðsþjónusta kl. 11.
Fermd verður Guðrún Lilja Þorkelsdóttir frá
Bandaríkjunum. Kór Bústaðakirkju syngur.
Organisti og kórstjóri er kantor Jónas Þórir.
Heitt er á könnunni eftir messu. Prestur er
sr. Pálmi Matthíasson.
Dómkirkja Krists konungs, Landakoti |
Messa kl. 10.30, kl. 13 á pólsku og kl. 18 á
ensku. Virka daga kl. 18, og mán., mið. og
fös. kl. 8, lau. kl. 16 á spænsku og kl. 18
er sunnudagsmessa.
Eiðakirkja | Kvöldguðsþjónusta kl. 20. Sr.
Sigríður Rún Tryggvadóttir þjónar. Organisti
er Kristján Gissurarson. Kór kirkjunnar leiðir
söng. Kaffisopi eftir stundina.
Grafarvogskirkja | Guðsþjónusta kl. 11.
Séra Vigfús Þór Árnason prédikar og þjónar
fyrir altari. Forsöngvari leiðir safnaðarsöng.
Organisti er Hákon Leifsson. Eftir messu
verða nokkrir leikmenn Grafarvogssafnaðar
heiðraðir fyrir blessunarríkt starf á liðnum
árum. Vígslu kirkjunnar verður minnst en 15
ár eru síðan hún var vígð þann 18. júní árið
2000 á kristnihátíðarári. Kaffi og kleinur eft-
ir messu.
Grensáskirkja | Morgunmatur kl. 10 og
bænastund kl. 10.15.
Messa kl. 11. Altarisganga. Samskot til
ABC-barnahjálpar. Messuhópur þjónar. Fé-
lagar úr kirkjukór Grensáskirkju syngja. Org-
anisti er Ásta Haraldsdóttir. Prestur er sr.
Ólafur Jóhannsson.
Molasopi eftir messu.
Guðríðarkirkja í Grafarholti | Lesmessa
kl. 11. Prestur er sr. Karl V. Matthíasson og
organistinn Hrönn Helgadóttir spilar falleg
lög. Meðhjálpari er Kristbjörn Árnason.
Kirkjuvörður er Lovísa Guðmundsdóttir.
Kaffisopi eftir messu.
Hafnarfjarðarkirkja | Helgistund kl. 11.
Orgelleikur, ritningarlestur, íhugun, bæna-
gjörð, sálmasöngur, samfélagið um Guðs
borð. Prestur er sr. Jón Helgi Þórarinsson.
Organisti er Douglas A Brotchie. Kaffisopi á
eftir.
Hallgrímskirkja | Messa kl. 11. Dr. Sig-
urður Árni Þórðarson prédikar og þjónar fyrir
altari ásamt sr. Hirti Pálssyni og hópi
messuþjóna. Félagar úr Mótettukór Hall-
grímskirkju leiða messusönginn. Organisti
er Eyþór Franzson Wechner. Syngedrengene
við Vor Frue Kirke í Assens í Danmörku
syngja í messunni undir stjórn Finns Ped-
ersen við undirleik Irenu Natius. Sögustund
fyrir börnin í umsjá Rósu Árnadóttur. Al-
þjóðlegt orgelsumar: Tónleikar laugardag kl.
12 og sunnudag kl. 17. Elzbieta Karolak frá
Póllandi leikur.
Hveragerðiskirkja | Messa kl. 11. Alt-
arissakramentið.
Kotstrandarkirkja | Guðsþjónusta kl. 14.
Kópavogskirkja | Guðsþjónusta kl. 11. Sr.
Sigfús Kristjánsson prédikar og þjónar fyrir
altari. Organisti er Sólveig Sigríður Einars-
dóttir.
Laugarneskirkja | Messuhald fellur niður
28. júní - 2. ágúst. Bent á þjónustu í Há-
teigsprestakalli á meðan. Kristín Þórunn
Tómasdóttir.
Lágafellskirkja | Guðsþjónusta kl. 20.
Prestur er sr. Ragnheiður Jónsdóttir. Org-
anisti er Arnhildur Valgarðsdóttir.
Lögmannshlíðarkirkja | Messa kl. 20. Sr.
Gunnlaugur Garðarsson þjónar. Helgistund,
fyrirbænir og sakramenti. Organisti er Val-
mar Väljaots.
Maríukirkja við Raufarsel | Messutímar:
Alla virka daga kl. 18.30. Laugardaga
(sunnudagsmessa) kl. 18.30 á ensku.
Sunnudaga kl. 11.
Neskirkja | Messa kl. 11. Organistinn
Steingrímur Þórhallsson mætir tvíefldur til
leiks að loknu sumarleyfi. Kórfélagar leiða
sönginn. Kaffi verður drukkið og sætabrauð
maulað á kirkjutorgi eða úti í sólinni ef
sunnudagur stendur undir nafni. Í prédikun
verður fjallað um þessa yfirlýsingu Krists:
,,Hvað stoðar það manninn að eignast allan
heiminn og glata sálu sinni?“ Prestur er sr.
Skúli S. Ólafsson.
Njarðvíkurkirkja Innri-Njarðvík | Guðs-
þjónusta 14. júní kl. 11. Sr. Hulda Hrönn
Helgadóttir héraðsprestur prédikar og þjónar
fyrir altari. Kór Njarðvíkurkirkna syngur undir
stjórn Stefáns Helga Kristinssonar organ-
ista. Meðhjálpari er Pétur Rúðrik Guðmunds-
son.
Salt kristið samfélag | Samkoma kl. 17 í
Kristniboðssalnum Háaleitisbraut 58-60, 3.
hæð. ,,Að tala við Guð, fyrirbæn fyrir ein-
staklingum og málefnum.“ Ræðumaður er
Guðlaugur Gunnarsson. Túlkað á ensku.
Sauðárkrókskirkja | Messa kl. 11. Org-
anisti er Rögnvaldur Valbergsson. Prestur er
sr. Sigríður Gunnarsdóttir.
Seljakirkja | Kvöldguðsþjónusta kl. 20. Sr.
Bryndís Malla Elídóttir prédikar og þjónar fyr-
ir altari. Organisti er Douglas Brotchie, fé-
lagar úr kór Seljakirkju leiða söng. Molasopi
að lokinni guðsþjónustu.
Seltjarnarneskirkja | Helgistund kl. 11 í
umsjá sr. Franks M. Halldórssonar. Kaffi-
sopi eftir athöfn.
Skálholtsdómkirkja | Messa kl. 17. Sr.
Egill Hallgrímsson sóknarprestur annast
prestsþjónustuna. Nemendur frá Listahá-
skóla Íslands flytja trúarlega tónlist í mess-
unni. Organisti er Glúmur Gylfason.
Sólheimakirkja | Hátíðarguðsþjónusta kl.
14 í tilefni af 85 ára afmæli Sólheima og 10
ára vígsluafmæli kirkjunnar. Sr. Karl Sig-
urbjörnsson biskup prédikar og þjónar fyrir
altari ásamt sr. Birgi Thomsen. Organisti er
Ester Ólafsdóttir. Einsöng syngur Sigrún
Hjálmtýsdóttir. Meðhjálparar eru Eyþór K. Jó-
hannsson og Erla Thomsen.
Strandarkirkja | Messa kl. 14. Jörg Son-
dermann og Kór Þorlákskirkju.
Úthlíðarkirkja | Messa kl. 15 í tilefni af af-
mæli kirkjunnar. Sr. Kristján Valur Ingólfsson
Skálholtsbiskup og sr. Egill Hallgrímsson
sóknarprestur annast prestsþjónustuna.
Úthlíðarsveinar syngja. Kolbeinn Ketilsson
óperusöngvari syngur einsöng. Organisti er
Jónas Þórir. Að messu lokinni verður afmæl-
iskaffi Úthlíðarkirkju í Réttinni. Sr. Hjálmar
Jónsson flytur þar erindi um kirkjubændur,
Kolbeinn Ketilsson syngur einsöng og Jónas
Þórir leikur undir almennum söng.
Þingvallakirkja | Messa kl. 14. Bæna-
ganga hefst við kirkjuna kl. 13 og stendur til
kl. 14. Sr. Halldór Reynisson prédikar og
þjónar fyrir altari. Bænagöngufólk aðstoðar í
messunni. Best er að leggja bílum við Flosa-
gjá og ganga þaðan til kirkju.
Morgunblaðið/RAX
Úthlíðarkirkja.
Tekið hefur um eitt
og hálft ár að grafa 6,5
km inn í fjallið úr Fann-
ardal í Norðfirði og frá
Eskifirði. Fullvíst þykir
að framkvæmdir við
Norðfjarðargöng hafi
gengið enn betur en
menn sáu fyrir í upp-
hafi þótt smávandamál
hafi komið upp í stuttan
tíma. Greinarhöfundur
fagnar því hvað vinna
við þessa gangagerð er langt komin
þó að verklok hafi áður verið áætluð
haustið 2017. Markmiðið með þess-
um jarðgöngum er að tryggja öryggi
í samgöngumálum fjórðungsins sem
hafa alltof lengi verið í miklum
ólestri. Að loknum framkvæmdum
við nýju Norðfjarðargöngin mun
versnandi ástand á Fagradal alltaf
koma í veg fyrir að Seyðfirðingar,
Egilsstaða- og Héraðsbúar sem
starfa í álveri Acoa á Reyðarfirði geti
treyst þessari leið í 400 m hæð sem
verður næstu áratugina engu betri
en Fjarðarheiði. Með hverjum degi
sem líður aukast líkurnar á því að
síðasta haftið í Norðfjarðargöngum
verði sprengt seint í ágúst eða um
miðjan september ef engin teljandi
vandamál koma upp. Þá hljóta ein-
hverjir að spyrja hvort hægt verði að
flýta verklokum við nýju göngin um
eitt ár og taka þau formlega í notkun
um mitt næsta ár á meðan illa geng-
ur að stöðva vatnselginn í Vaðlaheið-
argöngum. Spurningin er hvenær
hægt verði að ákveða framkvæmdir
við annað samgöngumannvirki undir
Fjarðarheiði, sem Seyðfirðingar
berjast fyrir til að stöðva brotthvarf
Norrænu úr sinni heimabyggð fari
svo að vinnu við Norð-
fjarðargöng ljúki að
fullu fyrr en áætlað er.
Það mun tíminn síðar
leiða í ljós. Fjarstæðu-
kennt tal um að öllum
fjármunum sem fóru í
göngin undir Almanna-
skarð, Fáskrúðsfjarð-
argöng og nú síðast í
Norðfjarðargöng hafi
verið stolið frá Öxi hef-
ur sveitarstjórn Djúpa-
vogs í góðri samvinnu
við skoðanabræður sína
notað til að reka hornin í samgöngu-
mál Breiðdælinga af minnsta tilefni í
stað þess að leggja meiri áherslu á
bættar vegasamgöngur við stóra
Fjórðungssjúkrahúsið í Neskaup-
stað. Með tilkomu nýju ganganna
sem leysa af hólmi tvær hættulegar
brekkur beggja vegna Oddsskarðs-
ins – og einbreiðu slysagildruna í 620
m hæð fyrir ofan Eskifjörð – fá íbúar
suðurfjarðanna á svæðinu norðan
Breiðdalsvíkur í fyrsta sinn öruggari
vegtengingu við þetta deildaskipta
sjúkrahús í Fjarðabyggð. Meira
vantar upp á til þess að hægt verði að
tryggja heimamönnum á öllu svæð-
inu sunnan Stöðvarfjarðar styttri
vegalengdir við stóra Fjórðungs-
sjúkrahúsið á Mið-Austurlandi sem
meirihluti Austfirðinga utan Norð-
fjarðar getur ekki treyst á alla vetr-
armánuðina vegna of mikilla snjó-
þyngsla, illviðris og slysahættunnar
sem eykst alltof mikið í Hvalnes-,
Þvottár- og Kambaskriðum, fyrir of-
an Eskifjörð, á Fjarðarheiði og
Fagradal. Á þessum vandamálum
finnst engin lausn fyrir alla suður-
firðina án jarðganga milli Breiðdals-
víkur og Stöðvarfjarðar, undir Lóns-
heiði, og neðansjávarganga undir
Berufjörð. Fyrr skulu menn ekki tala
um suðurfirði Austurlands sem eitt
samfellt atvinnusvæði. Óhjá-
kvæmilegt er að samgöngumálum
Mið-Austurlands verði fyrst komið í
viðunandi ástand eftir að Alþingi
samþykkti þingsályktunartillögu
Arnbjargar Sveinsdóttur um að flýta
undirbúningsrannsóknum á Fjarð-
arheiðargöngum sem tryggja Seyð-
firðingum greiðari aðgang að innan-
landsfluginu. Þarna skipta tvenn
göng inn í Mjóafjörð líka miklu máli.
Að sjálfsögðu eykst arðsemi jarð-
ganga eftir því sem unnt er að fækka
snjóþungum fjallvegum á ill-
viðrasömum svæðum í 500-600 m
hæð. Unnt er að afskrifa endanlega
nýjan Axarveg verði ákveðið að
bjóða út á næstu árum framkvæmdir
við tvíbreiðar brýr og nýja vegi í
botni Berufjarðar, Stöðvarfjarðar og
við Fáskrúðsfjörð. Þessar sam-
göngubætur á suðurfjörðunum, sem
þola enga bið, hefði fyrir löngu átt að
ákveða á undan Vaðlaheiðar- og
Héðinsfjarðargöngum. Tímabært er
að allir þingmenn Norðaustur-
kjördæmis berjist fyrir því að fram-
kvæmdum við nýja brú milli Egils-
staða og Fellabæjar verði flýtt á
þessu kjörtímabili áður en röðin
kemur að útboði Fjarðarheiðarganga
sem tryggja öryggi þungaflutning-
anna enn betur en núverandi vegur á
heiðinni.
Lokasprenging
í Norðfjarðargöngum
Eftir Guðmund
Karl Jónsson
»Með hverjum
degi sem líður
aukast líkurnar á því
að síðasta haftið
í Norðfjarðargöngum
verði sprengt
Guðmundur Karl
Jónsson
Höfundur er farandverkamaður.