Ritröð Guðfræðistofnunar - 01.01.2007, Qupperneq 221

trúarafstöðu þeirra sem til þeirra leita. Samræður um trú og trúarskoðanir við
skjólstæðinga eru alltaf á forsendum þeirra síðarnefndu.
Vinaleiðin, sem frá upphafi hefur verið starfsrækt að beiðni skóla, hófst í
grunnskóla í Mosfellsbæ haustið 1999. Aðdragandi hennar var að nývígður
djákni, Þórdís Asgeirsdóttir, sem kennt hafði við skólann í hlutastarfi, var beðin
að sinna nemanda sem átti við félagsleg vandamál að stríða og gat ekki sinnt
námi sínu sem skyldi. Skólastjórinn kynnti sér sálgæsluþáttinn í starfi djákna og
fór fram á það við Þórdísi að hún sinnti þessum nemanda sérstaklega og ræddi
við hann einslega um vandamál hans og fyndi leið til úrbóta. Þórdís hafði að
baki margra ára reynslu sem leikskólastjóri og hafði áunnið sér traust barnanna,
skólastjórans og foreldra. Starf hennar bar árangur og fleiri börnum var vísað til
hennar. Á skömmum tíma varð þetta hennar aðalstarf og sérstakur samningur
var gerður milli kirkjunnar og skólans um kostnað vegna launa hennar. Hluti
djáknaþjónustu hennar fer fram á vegum safnaðarins og hefur hún þá starfs-
aðstöðu í safnaðarheimilinu þar sem hún veitir sálgæsluviðtöl sem oft snúast um
aðstæður barna sem hún sinnir einnig í starfi sínu sem djákni í skólanum. Þau
úrræði sem gripið er til í hverju tilfelli eru mótuð í samstarfi við skólasálfræðing,
skólastjóra og annað starfsfólk skólans. Árangurinn hefur vakið athygli og þessi
starfsgrein hefur verið kynnt sem ný leið í safnaðarstarfi kirkjunnar. Sambæri-
legt starf hefur verið sett á laggirnar í tveimur öðrum prestaköllum á höfuðborg-
arsvæðinu og áætlanir eru uppi um svipað starf í öðrum prestaköllum.
Vinaleiðin hefur ekki farið varhluta af gagnrýni þeirri sem kirkjan og krist-
infræði í skólum hefur orðið fyrir undanfarin misseri. I þessari gagnrýni hafa
einstaklingar úr samtökunum Siðmennt haft sig mest í frammi en samtökin
Heimili og skóli hafa einnig sent frá sér gagnrýna umsögn um Vinaleiðina
og einstaka foreldrar hafa tortryggt hana. Heimili og skóli hvetja til þess að
Vinaleiðinni séu settar skýrar starfsreglur þar sem það komi fram að hún sé
ekki á vegum skólans og að hún skulu einungis standa „börnum og forsvars-
mönnum þeirra til boða utan húsakynna skólans, eftir að skóladegi Iýkur.“2
Þessa gagnrýni virðist mega rekja til þess að nýtt starfsfólk og þar á meðal sér-
stakur prestur hefur verið ráðinn til þessara starfa í skólanum.
2 Fréttablaðið 8. mars 2007
219