Ritröð Guðfræðistofnunar - 01.09.2007, Blaðsíða 60

Guðsríkið að nýju og látið það tákna líkhamlega heild frekar en ritúal.26
Hún leggur áherslu á félagslega einangrun konunnar með blóðlátin og að
lækning konunnar þýddi inngöngu inn í samfélagið ekki síður en líkam-
lega bót. Að dómi Schussler Fiorenza ber sagan vitni um róttæka, samfé-
lagslega hreyfmgu, sem umbylti tabúum og snéri réttu inn og röngu út á
menningunni.27 Schússler Fiorenza staðhæfir að Jesús hafi leitt konur aft-
ur inn í samfélagið þar sem þær eiga með réttu heima með því að kalla
konuna dóttur. - Að dómi annarra kvennaguðfræðinga, svo sem Barbara
Reid og Mary Ann Tolbert, er dótturtitillinn ekki gagnlegur í réttingabar-
áttu kvenna eða aðgöngumiðinn að því að verða fullgildar í samfélaginu.
Reid og Tolbert telja að konur séu vandlega múraðar inn í feðraveldið með
fjölskyldutengslum þar sem virðing þeirra og vald ráðist af þeim karlmönn-
um sem þær eru tengdar eða skyldar, eiginmönnum, feðrum eða sonum.
Reid skrifar: „Konur öðlast ekki fullan þátttökurétt í trúarlegu og félags-
legu samhengi nútímans með því að gangast í undirgefni inn á “dóttur“-
stöðu gagnvart ráðandi „feðrum.““28 Ward vekur ekki athygli á hinum
ójöfnu valdahlutföllum feðraveldisins milli valdamikilla feðra og undirgef-
inna dætra. Með því að taka tillit til fyrirvara Reid og Tolbert á dóttur-
hugtakinu er hægt að draga fram flóknari og margræðari tengsl á milli Jesú
og konunnar en Ward leggur til. Dótturtitill Jesú getur annars vegar vís-
að til fagnaðarríkrar innritunar, viðtöku og þátttöku í Guðsríkinu en ber
einnig með sér aðra og neikvæðari merkingu, sem sé þá að konan öðlist
aðeins þátttökurétt í Guðsríkinu á grundvelli staðalímyndar feðraveldisins.
Rita Nakashima Brock vinnur áfram með hugmynd Schússler Fiorenza
um kirkjuna sem félagslega heild eða ham í bók sinni Journeys by Heart.
Um þennan ham leikur „erótískur kraftur“ að dómi Brock. Hugmynd
Ward um Rof-Krist svipar að mínum dómi mjög til hugmyndar Brock um
hinn erótíska kraft því flæðið og líffæralausi líkaminn sem Ward varð svo
tíðrætt um er erótískt, líkamlegt útstreymi. Flæði Ward og hinn erótíski
26 Elisabeth Schiissler Fiorenza, In Memory of Her: A Feminist Theological Reconstruction of
Christian Origins (New York: Crossroads 1986), 113.
27 Schiissler Fiorenza, In Memory of Her, 124.
28 Reid, Choosing the Better Part, 143, sjá einnig Tolbert, „Mark,“ Women’s Bible Commentary,
355.
58