Ritröð Guðfræðistofnunar - 01.09.2007, Blaðsíða 73

ið hommum og lesbíum sem vilja stofna til lífssambands.2-5 Mun ég ekki
tíunda fyrri rök frekar en láta nægja að leggja áherslu á mikilvægustu
atriðin:
1) Það er almenn skoðun í okkar heimshluta að persónur stofni til
hjónabands á grundvelli gagnkvæms kærleika og að val á maka sé
einkamál fólks. Evrópskt og alþjóðlegt bann við mismunun vegna kyn-
hneigðar styður því ein hjónabandslög fyrir alla. Þetta síðasta skref
varðandi fullt jafnrétti milli samkynhneigðs og gagnkynhneigðs fólks
þarf að stíga, allt annað þarf að réttlæta.
2) Hjónabandið er lögformleg stofnun. Allir sem eru í sömu aðstæðum,
þ.e. hyggjast stofna til lífssambands, eiga rétt á að vera jafnir fyrir lög-
unum. Að hafa sérstök lög um lífssambönd samkynhneigðra para er
mismunun og felur í sér lítilsvirðingu á mannhelgi þeirra. Slík lög með-
höndla samkynhneigða sem öðruvísi en gagnkynhneigða og eru til þess
fallin að viðhalda fordómum sem er langt því frá að heyri sögunni til.
3) Lög frá 2006 heimila hommum og lesbíum að frumættleiða börn og
lesbíum að gangast undir tæknifrjóvgun. Þessi lög ganga út frá því sem
börnum er talið fyrir bestu. Löggjafinn hefur viðurkennt að það sé
börnum fyrir bestu að eiga góða og kærleiksríka foreldra og að slík gæði
séu ekki bundin við kynhneigð eða kynferði. Börnum skal því sam-
kvæmt lögum ekki mismunað vegna kynhneigðar eða kynferðis foreldr-
is. Af þessu leiðir að það er mikilvæg ráðstöfun af samfélagsins hálfu
að viðhalda ekki fordómum með því að kalla fjölskyldu barna samkyn-
hneigðra para öðru nafni en fjölskyldu barna gagnkynhneigðra á
grundvelli kynhneigðar/kynferðis þeirra.2^
23 Sjá t.d. þrjár greinar í sérriti Kirkjuritsins Samkynhneigð, kirkja og trú: Hvar stöndum vitSí 71.
árg. 1. hefti 2005, 14-17, 53-59, 74-79; „Samkynhneigð og kristin siðfræði" í Andspœnis sjálfúm
sér. Samkynhneigð ungmenni, ábyrgð oginnisœifagstétta. (Háskólaátgáfan: Reykjavík 2005); 65-
96 „Hvað er guðfræðileg siðfræði? Samspil kynjafræði og guðfræði“ í Glíman/3 Óháð tímarit
um guðfrœði ogsamfélag. 3. árg. 2006, 35-56 og „Kristinn mannskilningur. Kynverund - kyn-
- heilsa - kynverundarréttindi“ í Ritröð Guðfraðistofnunar. Studia Theologica Islandica 24. 2004,
237-254.
24 Þessi þrjú atriði eiga sér öll sterkan hljómgrunn í sænsku álitsgerðinni Áktenskap fór par med
samma kön. Vigselfrágor, sbr.slóðin http:llwww.regeringen.se/sbldll08lal79062
71