Morgunblaðið - 01.07.2015, Blaðsíða 14

„Veiðin var ágæt og vegurinn á svæðið
er orðinn greiðfær. Við sum stærstu
vötnin er að vísu mikill snjór og jafnvel
íshröngl á þeim svo að þar er varla
veiðanlegt vegna kulda. Litlu vötnin
gefa mest,“ segir Gísli Gíslason lands-
lagsarktekt. Hann kom í gær úr Veiði-
vötnum, hvar hann var í fimm manna
hópi sem náði um 60 fiskum á tveimur
sólarhringum. Aflinn var að mestu
bleikja. Tímabilið í Veiðivötnum hófst
18. júní sl. og í 1. vikunni veiddust 1.777 fiskar. „Síðustu þrjá daga hafa menn
fiskað vel,“ sagði Bryndís Magnúsdóttir veiðivörður við Morgunblaðið í gær.
Hún bætti við að nú væri Litlisjór orðinn íslaus og þá myndi mikið glæðast,
enda kæmi stór hluti alls sem fiskaðist úr því vatni. sbs@mbl.is
Ísinn að bráðna og veiðin að glæðast
Veiði Félagar við eitt fjallavatnið.
Ljósmynd/Gísli Gíslason
14 FRÉTTIRInnlent
MORGUNBLAÐIÐ MIÐVIKUDAGUR 1. JÚLÍ 2015
BAKSVIÐ
Ísak Rúnarsson
isak@mbl.is
„Ég hef skilning á sjónarmiðum
þeirra, til að mynda garð-
yrkjubænda, sem gert hafa at-
hugasemdir við sölu á upp-
runaábyrgðum og hef ég óskað eftir
því í ráðuneytinu að kannað verði
hvaða leiðir eru færar í þessum efn-
um. Ef í ljós kemur að tekjur eru
litlar og að hagsmunum gæti verið
fórnað þá væri möguleikinn sá að
beita sér fyrir því að orkufyrirtæki
ríkisins dragi sig út úr þessu kerfi
og eftir atvikum ræða við aðra
orkusala um að hverfa frá þessari
stefnu einnig,“ segir Ragnheiður
Elín Árnadóttir, iðnaðar- og við-
skiptaráðherra, í skriflegu svari við
fyrirspurn Morgunblaðsins en ekki
hefur náðst tal af ráðherranum.
Orkubókhaldsæfingar
Eins og Morgunblaðið hefur
greint frá gengur uppruni og eig-
inleikar orku kaupum og sölum á
markaði sem hefur í för með sér að
samsetning orkusölu á Íslandi inni-
heldur 23% kjarnorku og 32% jarð-
efnaeldsneyti. Spurð hvort það sé
jákvætt segir Ragnheiður Elín: „Að
því er þessar prósentutölur varðar
þá ber að hafa í huga að hér er um
ákveðna bókhaldslega framsetningu
að ræða, en ekki raunverulega lýs-
ingu á okkar orkubúskap. Við vitum
öll að raforkuframleiðsla og notkun
á Íslandi er 99,9% af endurnýj-
anlegum uppruna og það breyttist
ekki með setningu laganna um upp-
runaábyrgðir raforku árið 2008.
Lögin voru sett á sínum tíma til að
innleiða tilskipun ESB og til að
veita íslenskum raforkuframleið-
endum færi á að selja upp-
runaábyrgðir vegna raforkufram-
leiðslu þeirra. Á grundvelli laganna
hafa því íslensk orkufyrirtæki, frá
2011, selt upprunaábyrgðir og haft
af því einhverjar tekjur til viðbótar
við hefðbundna raforkusölu. Þetta
leiðir til þess að þegar gerð er
grein fyrir sölu raforku hér á landi
koma fram orkugjafar sem ekki eru
notaðir til orkuframleiðslu hér á
landi. Þetta er skýringin, en við
þurfum hins vegar að mínu mati að
vera vakandi fyrir því að þetta kerfi
sem sett hefur verið upp á grund-
velli tilskipunarinnar, og íslensku
laganna, skaði ekki ímynd Íslands á
einhvern hátt eða einstakar at-
vinnugreinar.“
Össur ábyrgur
Össur Skarphéðinsson flutti
frumvarp um lög þessi á sínum
tíma og var ábyrgðarmaður málsins
en Ragnheiður Elín sat þá í
iðnaðarnefnd Alþingis og studdi
málið.
„Eins og fyrr segir voru lögin
sett til að innleiða tilskipun ESB
um að hvetja til notkunar orku frá
endurnýjanlegum orkugjöfum. Við
umfjöllun málsins óskaði iðnaðar-
nefnd þingsins eftir umsögnum frá
rúmlega 40 aðilum. Engin af þeim
11 umsögnum sem nefndinni bárust
um þetta mál á sínum tíma var
efnislega neikvæð varðandi þetta
atriði. Nefndin óskaði meðal annars
eftir umsögnum frá Neytenda-
samtökunum og Neytendastofu en
hvorugur aðili sá ástæðu til að gera
athugasemdir. Á grundvelli þess
var innleiðing tilskipunarinnar sam-
þykkt samhljóða með öllum greidd-
um atkvæðum, þar á meðal mínu,“
segir Ragnheiður spurð hvers
vegna hún studdi málið. Ekki náðist
í Össur Skarphéðinsson við vinnslu
fréttarinnar þrátt fyrir ítrekaðar
tilraunir.
Ekki áhrif á koltvísýringslosun
Erum við Íslendingar þá í verri
stöðu hvað varðar Kýótó-bókunina
og losun koltvísýrings eða á listum
yfir þjóðir sem skilja eftir sig
geislavirk úrgangsefni í ljósi þess
að orkubókhaldið segir okkur nota
kjarnorku og jarðefnaeldsneyti í
miklum mæli? „Upprunaábyrgðir
hafa ekki áhrif á loftslagsbókhald
Íslands gagnvart Kýótó-bókuninni,
né heldur erum við á lista yfir þjóð-
ir sem skilja eftir sig geislavirkan
úrgang. Þar er eingöngu horft á
losun í landinu sjálfu. Ísland sendir
árlega út skýrslur um losun til
skrifstofu Loftslagssamningsins og
þar með talið losun sem fellur undir
„íslenska ákvæðið“. Þessar skýrslur
eru teknar út á hverju ári af eftir-
litsnefndum á vegum samningsins
og þar hafa þessi mál ekki verið til
umfjöllunar,“ segir Ragnheiður El-
ín Árnadóttir, iðnaðar- og við-
skiptaráðherra.
Skoða hvort ríkið
dragi sig úr kerfinu
 Ráðherra skilur gagnrýni á upprunavottanir í orkusölu
Morgunblaðið/Rósa Braga
Kannað Ragnheiður Elín Árnadóttir iðnaðar- og viðskiptaráðherra segir að
skoðað verði hvort Ísland eigi að draga sig úr upprunavottunarkerfinu.
Ísland mun leitast eftir því að ná sameiginlegu mark-
miði með ríkjum ESB og Noregi um 40% minnkun á los-
un gróðurhúsalofttegunda til 2030 miðað við árið 1990
á fundi Sameinuðu þjóðanna í desember næstkomandi.
Á Parísarfundinum er vonast til þess að gengið verði
frá hnattrænu samkomulagi í loftslagsmálum eftir
2020, þegar gildistími Kyoto-bókunarinnar rennur út.
Ljóst er að ekki er vilji til þess að byggja á Kyoto-
bókuninni og aðferðafræði hennar eftir 2020. Þess í
stað er gengið út frá hnattrænu samkomulagi. Í Kaup-
mannahöfn árið 2009 var síðast reynt að ná hnattrænu samkomulagi í
loftslagsmálum en það tókst ekki. Meiri bjartsýni ríkir um árangur í París,
m.a. vegna þess að Bandaríkin og Kína, tveir stærstu losendur heims,
hafa tilkynnt um framtíðarmarkmið, en þessi ríki voru utan Kyoto.
Allt veltur á Parísarfundi
NÝ MARKMIÐ ÍSLANDS Í LOFTSLAGSMÁLUM
Gróðurhúsaáhrif.
Mest seldu ofnar
á Norðurlöndum
„Við sjáum fyrir endann á þessu
verkefni og erum núna í lokafrá-
gangi,“ segir Halldór Ingólfsson
hjá Verktakafélaginu Glaumi.
Menn þar á bæ hafa haft með hönd-
um byggingu snjóflóðavarnargarðs
fyrir ofan byggðina á Patreksfirði
auk annarra varnarmannvirkja
sem því fylgdu. Nú í vikunni var
unnið í gilinu við Litladalsá, þar
sem ekið er inn í bæinn. Þar verða
tjaldsvæði, leikaðstaða og göngu-
stígar.
Framkvæmdir vestra hófust
snemma í ársbyrjun 2013 og þung-
inn í verkefninu var áðurnefndur
varnargarður, sem er beint fyrir of-
an sjúkrahús og grunnskóla bæjar-
ins. Er 350 metra langur, 10-12
metrar á hæð og í hann fóru alls um
70 þúsund rúmmetrar af efni sem
að mestum hluta var tekið af nær-
liggjandi svæðum.
Umhverfisáhrif í lágmarki
Heildarmagn þess efnis sem í öll
mannvirkin fór var um 100 þúsund
rúmmetrar.
„Umhverfisáhrifum í þessu verk-
efni hefur verið haldið í lágmarki.
Jarðefni voru tekin úr hlíðinni þar
sem garðurinn er. Grjót, möl, mold
og annað flokkuðum við og nýttum
á staðnum. Og nú við lokafrágang í
gilinu eru settir upp bekkir og
fleira slíkt, sem smíðað er úr timbri
sem féll til þegar skógur var felldur
á því svæði þar sem varnargarð-
arnir standa nú “ segir Halldór.
Bætir við að verkefni þetta hafi
verið mjög áhugavert. Því ljúki nú
um miðjan júlí. sbs@mbl.is
Morgunblaðið/Sigurður Bogi
Mannvirki Snjóflóðagarðinn nýja, sem er um 12 metra hár, ber hér við þak
skólahússins, en hann skýlir bæði því og sjúkrahúsinu í byggðarlaginu.
Varnargarðarnir á
Patreksfirði tilbúnir
 Lokafrágangur er nú við Litladalsá
Morgunblaðið/Sigurður Bogi
Glaumur Halldór Ingólfsson hefur
verið við störf vestra í tæp þrjú ár.