Morgunblaðið - 01.07.2015, Side 28

28 DÆGRADVÖL
MORGUNBLAÐIÐ MIÐVIKUDAGUR 1. JÚLÍ 2015
Stjörnuspá
21. mars - 19. apríl 
Hrútur Eitthvað á eftir að koma þér svo á
óvart að þú munt undrast þín eigin við-
brögð. Reyndu að halda þannig á spöðunum
að enginn þarf að ganga sár frá fundi.
20. apríl - 20. maí 
Naut Þú skalt vinna bakvið tjöldin að tak-
marki þínu. Samstarfsfólk þitt er hjálplegt.
Ef þú frystir aðra úti lokarðu á sjálfa/n þig
um leið.
21. maí - 20. júní 
Tvíburar Þú gætir fundið til einmanaleika í
dag. Þakkargjörð gildir allan ársins hring,
ekki bara í nóvember.
21. júní - 22. júlí 
Krabbi Þér var kennt að hætta strax við
óraunsæ markmið, gleymdu þeim ráðum.
Farðu í göngutúr í náttúrunni og dragðu
djúpt að þér andann.
23. júlí - 22. ágúst 
Ljón Það er engin ástæða til þess að láta
hugfallast þó að á móti þér blási af og til.
Nú er lag að ná jafnvægi í samskiptum og
stuðla að gagnkvæmum skilningi.
23. ágúst - 22. sept. 
Meyja Nú virðist vera rétta tækifærið til að
koma málum þínum á framfæri. Vinnan er
bara ánægjuleg og þú færð orku úr um-
hverfinu.
23. sept. - 22. okt. 
Vog Þú ert hrókur alls fagnaðar um þessar
mundir og allir virðast vilja umgangast þig.
Ekki gleyma þér í glensinu og brettu upp
ermarnar.
23. okt. - 21. nóv.
Sporðdreki Það er engin ástæða til þess að
kasta draumum sínum fyrir róða þótt mesti
ljóminn fari af þeim með tímanum. Farðu í
stutta ökuferð ef þú getur og njóttu tilbreyt-
ingarinnar og umhverfisins.
22. nóv. - 21. des.

Bogmaður Þig langar til þess að segja nán-
um vini hvaða hug þú berð til hans. Farðu
yfir reikninga og skuldir. Kannski finnur þú
eitthvað sem hafði glatast.
22. des. - 19. janúar 
Steingeit Það sem í fljótu bragði kann að
virðast fyrirtaks hugmynd getur reynst hið
versta óráð. Efasemdir sem hafa hrjáð þig
að undanförnu heyra nú sögunni til.
20. jan. - 18. febr. 
Vatnsberi Reyndu að leiða hjá þér efa-
semdir um sjálfa/n þig sem láta á sér
kræla. Það verður lítið úr framtíðardraum-
unum ef ekkert er gert til þess að þeir ræt-
ist.
19. feb. - 20. mars

Fiskar Vinnufélagi þinn mun sýna á sér nýja
hlið þannig að þér finnst upplagt að fá hann
til liðs við þig í ákveðnu verkefni. Eftir það
er betra að taka upp léttara hjal.
Um tíma í vor talaði Víkverji einsog sumrinu hefði verið aflýst.
Vorið var kalt og hann sá fram á að
það yrði komið haust áður en sumarið
kæmist til landsins. Hann fygldist
með farfuglum norpa í kuldanum,
fullum af illum grun um að þeir hefðu
farið árstíðavillt. Nú fer hins vegar
ekkert á milli mála að það er komið
sumar, gul sinan horfin og gróðurinn
í fullum skrúða.
x x x
Nú er einmitt árstíminn þegar fólkliggur á fjórum fótum í görðum
og reytir arfa. Víkverji hefur oft velt
því fyrir sér hvað plöntur þurfi að
hafa sér til saka unnið til að verð-
skulda skilgreininguna illgresi. Oft
virðist glæpurinn aðallega vera sá að
dafna vel við erfiðar aðstæður. Dug-
legustu plönturnar eru sem sagt arfi,
en ekki gróður sem er viðkvæmur og
á erfitt uppdráttar við íslensk skilyrði.
Víkverja finnst þetta arfavitlaust.
x x x
Víkverji brá sér út að Gróttu fyrirnokkrum dögum að skoða sól-
setrið. Takið eftir að hann segir ekki í
Gróttu vegna þess að bannað er að
fara eiðið út í vitann á þessum árs-
tíma til að fuglarnir fái frið meðan á
varptíma stendur.
x x x
Víkverji var greinilega ekki einnum hugmyndina því að þangað
streymdu bílarnir. Síðan stóðu ljós-
myndarar hver um annan þveran,
innlendir og erlendir, og munduðu
vélar sínar af mismiklum atvinnu-
mannabrag. Einn var með þrífót,
annar þrjátíu sentimetra langa að-
dráttarlinsu framan á vélinni og sá
þriðji með torkennilega glerplötu á
linsunni á myndavélinni sinni. Þeir
sem voru með snjallsímana sína á
lofti virkuðu frekar viðvaningslegir í
þessari samkundu, hvað þá þeir sem
horfðu berum augum. Sólarlagið
sveik hins vegar ekki í kvöldlogninu.
x x x
Um leið og sólin var komin niðurfyrir Snæfellsnesið brast hins
vegar á flótti, ljósmyndararnir pökk-
uðu saman og bílarnir streymdu burt.
En kvöldið var áfram fagurt í sumar-
birtunni. víkverji@mbl.is
Víkverji
Því að ekkert er hulið, sem eigi verður
opinbert, né leynt, að eigi verði það
kunnugt og komi í ljós.
(Lk. 8:17.)
Ég fékk skemmtilegt bréf fráSigurbjörgu Björgvinsdóttur,
sem var á ferðalagi um Ítalíu 1.-8.
júní 2015:
„Ég er í Ljóðahópi Gjábakka og
þakka af heilum hug fyrir frábæra
umfjöllun um ljóðabókina okkar Út
í vorið. Mig langar að senda þér
þrjár ferskeytlur sem urðu til í frá-
bærri kvennaferð um Ítalíu þar sem
Arinbjörn Vilhjálmsson var far-
arstjóri. Allt gekk upp og aldrei
þurfti að bíða eftir neinni – allar 43
konurnar voru stundvísar. Það
voru skoðaðar hallir og kastalar
ásamt mörgu fleiru. Hvort þetta
var svona stundvís kvennahópur
eða fararstjórinn svona frábær veit
ég ekki en þessi vísa varð til í lok
ferðarinnar:
Arinbjörn er tryggðatröll
traustur Íslandssonur.
Vel hann færi í fornri höll
með fjörutíu konur.
Steinunn dóttir Arinbjarnar var
aðstoðarfararstjóri. Þau fengu
þessa feðginin:
Stoltur faðir Steinunnar
Steinunn hér af öllum bar.
Hennar ljúfa lundarfar
lífgaði margar stundirnar.
Og svo í lokin var fararstjóra
þakkað „með ímyndaðri rauðri
rós“.
Þú átt skilið þvílík hrós
þitt fyrir starfið, kæri.
Með ímyndaðri rauðri rós
þig ríkulega mæri.“
Það er kveðskapur af þessu tagi
sem heldur ferskeytlunni síungri –
hún lífgar upp á augnablikið og
heldur góðum minningum vakandi.
Páll Imsland segist hafa verið að
spekúlera í mannfólkinu og komist
að þrískiptingu þess samanber eft-
irfarandi limru.
Til samræmis karlar við kvenfólk
kallaðir best væru mennfólk.
En skrýtnast af öllu
eru skvísur með böllu
sem eru þá auðvitað tvennfólk.
Þetta minnir mig reyndar á aðra
afgamla limru þar sem ég skoðaði
mannfólk á aðeins öðrum for-
sendum, sbr:
Vart teljast jafningar Jórdanir
Jóta sem oft kallast Stór-Danir.
Ég sé nebbla enga
í ös þeirra drengja
er eins mikið svolgra og Bjór-Danir.
Halldór Blöndal
halldorblondal@simnet.is
Vísnahorn
Frá Ítalíuför og
þrískipting mannfólksins
Í klípu
TOBBI REYNDI TENGSLANETIÐ – OG
NÁÐI AÐ LÁTA ÞAÐ HRYNJA.
eftir Mike Baldwin eftir Jim Unger
„ÞETTA LÍTUR VEL ÚT... MEÐ
PÓSTMANNSBRAGÐI.“
Hermann
Ferdinand
Hrólfur hræðilegi
Grettir
... sami tími, sami
staður, sömu þið!
ÞANNIG AÐ BOÐSKAPUR
SÖGUNNAR ER...
ÉG VAR AÐ SEGJA SÖGU
OG ÞÚ FÓRST!
KOMINN
AFTUR!
ÞÚ ÆTLAR EKKI
AÐ SEGJA HANA
AFTUR, ER ÞAÐ?
Í FÖTIN,
MENN!
VIÐ HÖLDUM AF STAÐ
TIL BÚÐA ÓVINANNA
Í DÖGUN!
ER Í LAGI AÐ
KOMA MEÐ
KYNDILINN
MINN?
VIÐ MUNUM NOTA
SKJÓL MYRKURS
TIL ÞESS AÐ GERA
SKYNDIÁRÁS!
HUNDAMATUR