Skagfirðingabók - 01.01.1987, Page 29

H AFFRÚ ARSTR ANDIÐ
eftir SIGURJÓN SIGTRYGGSSON
Inngangur
ÝMSAR furðusagnir hafa gengið um strand Haffrúarinnar frá
Vík í Héðinsfirði, við Skaga 10. eða 11. apríl 1864. Tvær
ritgerðir hafa verið um það skráðar og ber í fáu saman. Jón
Jóhannesson fræðimaður á Siglufirði reit um það í Bl'óndu V.
bindi, bls. 169—176. Hann notar sýnilega engar heimildir aðrar
en munnmælasagnir. Þar er mest rætt um líkrán og tæpt á, að
einhverjir af mönnunum hafi komizt lifandi í land. Ludvig R.
Kemp skrifar einnig um þetta strand í bók sína Sagnir um
slysfarir í Skefilsstaðahreppi.1 Hann fer einnig eftir munnmæla-
sögum, en segist þó hafa fengið útskrift úr dómabókum. Sú
útskrift virðist þó hafa verið aðeins dómsniðurstaðan, en ekki
sjálf rannsóknin né heldur forsendur dómsins.
Þessar tvær ritgerðir stangast því á um meginmálið, þátt
Þangskálahjóna. Jón gerir þau að glæpamönnum, sem sloppið
hafi við refsingu aðeins fyrir góðvilja manna, sem báðu þeim
griða. Kemp reynir aftur á móti að alsýkna þau og telur, að
ákæra á hendur þeim hafi verið á móti lögum og gerð í
einhverju hefndarskyni. Hvorugur reynir að fara milliveg.
I handritasyrpu, sem Gísli Konráðsson sagnaritari skráði,2 er
langur kafli um þetta strand og atburði, sem gerðust í sambandi
1 Rvík 1963, bls. 65-103.
2 Lbs. 1122 4to.
27