Dagblaðið Vísir - DV - 21.10.2014, Síða 10

Vikublað 21.–23. október 201410 Fréttir
„Þá munum við
berjast gegn þessu
af fullum krafti“
Þ
jónusta við blinda og sjón-
skerta hefur ekki verið betri
á Íslandi frá upphafi byggðar.
Þetta er hins vegar ekki endi-
lega tilfellið gagnvart þjón-
ustunotendum hinna stofnananna,“
segir Kristinn Halldór Einarsson,
framkvæmdastjóri Blindrafélagsins,
um fyrirhugaða sameiningu þjón-
ustumiðstöðva fyrir fatlaða. Líkt og
DV fjallaði um í síðustu viku verður
frumvarp um nýja sameinaða stofn-
un lagt fram á Alþingi í haust en til
stendur að sameina Greiningar- og
ráðgjafarstöð ríkisins, Þjónustu- og
þekkingarmiðstöð fyrir blinda, sjón-
skerta og daufblinda og Heyrnar- og
talmeinastöð auk Tölvumiðstöðv-
ar fatlaðra. Kristinn Halldór seg-
ir stöðuna í þjónustu við blinda og
sjónskerta vera mjög góða og hef-
ur áhyggjur af þeim vanköntum sem
til staðar séu hjá hinum stofnunun-
um – löngum biðlistum hjá Grein-
ingarstöðunni og miklum gjaldtökum
hjá Heyrnar- og talmeinastöð. „Þessi
sameining má ekki leiða til þess að
þessir gallar verði yfirfærðir á þjón-
ustu við blinda og sjón-
skerta,“ segir hann.
Sparnaður ekki
tilgangurinn
Í frétt DV um samein-
inguna frá því um síð-
ustu helgi lýsir Stefán J.
Hreiðarsson, forstöðu-
maður Greiningar- og
ráðgjafarstöðvar ríkis-
ins, efasemdum sínum
um að sameiningin hafi
í för með sér fjárhags-
legan ávinning. Í frum-
varpi um nýja sameinaða
stofnun sé gert ráð fyrir
útvíkkun á greiningar-
þjónustu stofnunarinn-
ar sem muni krefjast
aukins mannafla og að
hluta til nýrrar sérþekk-
ingar. Að mati Huldar
Magnúsdóttur, forstjóra
Þjónustu- og þekkingar-
miðstöðvar fyrir blinda,
sjónskerta og daufblinda,
og Kristjáns Sverrissonar,
forstjóra Heyrnar- og talmeinastöðv-
ar Íslands, eru þessar efasemdir
málinu óviðkomandi enda sé fjár-
hagslegur ávinningur ekki tilgangur
sameiningarinnar. „Ráðherra lagði
stífa áherslu á að þetta væri ekki gert
til að spara peninga heldur til að
nýta fjármagnið betur sem fer í þess-
ar stofnanir. Ef það ætti eitthvað að
reyna að spara með þessu þá myndu
allir draga sig út úr þessu ferli,“ segir
Kristján og Huld tekur í sama streng.
Í samtölum við DV leggja þau bæði
ríka áherslu á ánægju sína með gott
samráð velferðarráðuneytisins við
starfsfólk stofnananna og eru já-
kvæð gagnvart sameiningunni.
Ávinningur leiði til betri þjónustu
Samkvæmt kostnaðarmati fjármála-
ráðuneytisins sem fylgir frumvarp-
inu er gert ráð fyrir að uppsafnað-
ur ávinningur af sameiningunni
geti orðið samtals hundrað millj-
ónir króna á árunum 2015 til 2020.
Sameinuð stofnun geti nýtt sér það
svigrúm sem myndast
við sameininguna til þess
að standa undir aukinni
þjónustu við fullorðna
einstaklinga.
„Við viðurkennum
að það kunni að vera
einhver fjárhagslegur
ávinningur sem megi
hafa af því að reka þessa
þjónustu alla saman á
einni stofnun. Hvort sá
fjárhagslegi ávinningur
er síðan nýttur til þess
að bæta þjónustuna,
eða hvort ríkið tekur
hann í eitthvað annað,
því er algjörlega ósvar-
að,“ segir Kristinn Hall-
dór. „Við gerum kröf-
ur til þess að fjárhagsleg
hagræðing sem kann að
vera af sameiningunni
verði nýtt til þess að bæta
þjónustuna enn frekar. Ef
þetta á hins vegar að vera
einhver hagræðingarað-
gerð þar sem ríkið ætlar
að taka til sín þá fjármuni
sem þetta gæti skilað í
eitthvað allt annað, eða
ef við stöndum uppi með
það að gallarnir sem eru
í þjónustu hinna stofn-
ananna verði yfirfærðir
á okkar hóp, þá munum
við berjast gegn þessu af
fullum krafti.“
Fyrri sameiningar-
tilraunir mistekist
Áður hafa verið gerðar
tilraunir til þess að sam-
eina þjónustustöð fyrir
blinda og sjónskerta,
þá Sjónstöð Íslands, og
Heyrnar- og talmeina-
stöð Íslands. Frumvarp þess efnis var
síðast lagt fyrir Alþingi árið 2006 en
sú sameining varð ekki að veruleika,
meðal annars vegna þess að Blindra-
félag Íslands lýsti sig alfarið mótfall-
ið frumvarpinu vegna skorts á sam-
ráði við notendur. Kristinn Halldór
segir forsendur hafa breyst frá árinu
2006 og segir nýtt frumvarp byggja að
mörgu leyti á sambærilegum grunni
og lög um Þjónustu- og þekkingar-
miðstöð fyrir blinda, sjónskerta og
daufblinda. n
Framkvæmdastjóri Blindrafélagsins setur fyrirvara við sameiningu stofnana fyrir fatlaða
Áslaug Karen Jóhannsdóttir
aslaug@dv.is „Ráðherra
lagði stífa
áherslu á að
þetta væri ekki
gert til að spara
peninga heldur
til að nýta fjár-
magnið betur
sem fer í þessar
stofnanir.
Setur fyrirvara við frumvarpið
Kristinn Halldór Einarsson, fram-
kvæmdastjóri Blindrafélagsins, leggur
áherslu á að fjárhagslegur ávinningur
sameiningarinnar verði nýttur til að
bæta þjónustuna. mynd Sigtryggur ari
Þjónustu- og þekkingarmið-
stöð fyrir blinda, sjónskerta og
daufblinda.
Greiningar- og ráð-
gjafarstöð ríkisins.
Heyrnar- og tal-
meinastöð ríkisins.
„Eðlilegt að við
fáum að nota
einnota hanska“
Flugliðar Icelandair eru ugg-
andi vegna viðbragða félagsins
þar sem áhöfnum er ekki gert að
nota einnota hanska þegar rusli
er safnað saman hjá farþegum
eftir matarþjónustu.
Samstarfsnefndarfundur
Icelandair og Flugfreyjufélags
Íslands var haldinn í septem-
ber. Þar var meðal annars rætt
um hættuna á ebólusmiti og
af þeirri ástæðu fór Flugfreyju-
félag Íslands fram á að flug-
áhafnir fengju að nota einnota
hanska við rusltínslu hjá farþeg-
um, enda koma farþegarnir alls
staðar að úr heiminum. Fjöldi
erlendra flugfélaga gerir slíkt og
þykir það ekki kostnaðarsamt.
Í kjölfarið hafði Icelanda-
ir samband við trúnaðarlækni
félagsins og óskaði álits. Hann
taldi enga ástæðu til þess að inn-
leiða notkun á einnota hönsk-
um við þrif um borð í vélinni og
sagði þá veita falskt öryggi. Þess
í stað mælti hann með því að
áhafnarmeðlim-
ir notuðu sótt-
hreinsunar-
spritt.
„Fólk
kemur alls
staðar að
úr heimin-
um. Okkur finnst
það eðlilegt að við fáum að nota
einnota hanska og við ósk-
um eftir því,“ segir Sigríður Ása
Harðardóttir , formaður Flug-
freyjufélags Íslands, í samtali við
DV. „Hvort sem það er ebólufar-
aldur eða annað þá er þetta mik-
ilvægt út frá hreinlæti. Önnur
flugfélög í heiminum gera þetta,“
segir hún.
„Við förum bara eftir leið-
beiningum frá sóttvarnarlækni
um hvernig best er að standa
að málum,“ segir Guðjón Arn-
grímsson, talsmaður Icelanda-
ir. „Við gefum ekki út að áhöfn
þurfi að nota einnota hanska
um borð, en engu að síður erum
við að bæta við magnið af þeim
um borð.“ Þá segir hann að
starfsmönnum sé ekki bannað
að nota hanskana.