Dagblaðið Vísir - DV - 28.11.2014, Blaðsíða 36

Helgarblað 28. nóvember –1. desember 201436 Sport
É
g er mjög ánægður, eins og
við allir,“ segir Aron Kristjáns-
son, landsliðsþjálfari í hand-
knattleik, í ljósi þeirra tíð-
inda að Ísland verði með á
HM í Katar í janúar. Lengi vel leit út
fyrir að Ísland kæmist ekki inn, en
vegna forfalla annarra þjóða ákvað
Alþjóðahandknattleikssambandið
að úthluta Evrópu laust sæti. Ísland
var fyrsta varaþjóð Evrópska hand-
knattleikssambandsins og fékk því
sætið þegar upp var staðið. Aron
segir að ekki megi gleyma að ástæð-
an fyrir þessu sé sú að landsliðið
náði 5. sæti á síðasta EM. Sá árang-
ur skili liðinu inn á HM í Katar.
Aron hrósar HSÍ fyrir aðkomu
þess að málinu. Formaðurinn hafi
rekið málið af hófsemd en festu.
„Það voru engin læti heldur var
málið rekið á málefnalegum rök-
semdum.“ Hann segir aðspurður
afar mikilvægt að Ísland taki þátt
í þessu stórmóti – að öðrum kosti
væri erfitt að komast inn á næstu
mót, svo sem Ólympíuleika. „ Slysið
í sumar hafði ekki þau áhrif sem
það átti að hafa. Við grípum þetta
auka tækifæri.“
Eigum enn erindi
Ísland tapaði einvígi við Bosníu
í sumar, um laust sæti á HM, en
Bosnía er lið sem Ísland hefur stað-
ið framar á undanförnum árum.
Nýlega tapaði Ísland á útivelli gegn
Svartfjallalandi, í undankeppni EM.
Spurningar hafa í kjölfarið vaknað
um stöðuna á liðinu. Meðalaldur-
inn er hár en Aron telur samt sem
áður að liðið eigi enn erindi í bestu
lið heims. „Það styttist í viss kyn-
slóðaskipti, við vitum það. Það eru
nokkrir leikmenn að eldast.“ Hann
segir þó að kynslóðaskiptin þurfi
ekki að verða á þessum tímapunkti,
en ef til vill innan næstu tveggja ára.
Það er engan bilbug á þjálfaran-
um að finna. „Við munum undirbúa
okkur eins vel og við getum. Það er
lykilatriði að allir verði heilir. Það er
gríðarlega mikilvægt að okkar bestu
og reyndustu leikmenn séu í standi.“
Hann er bjartsýnn á að stórskytta
liðsins, Aron Pálmarsson, verði
heill heilsu, en hann hefur verið frá
keppni að undanförnu. „Ég á von á
því að hann spili með Kiel eftir eina
til tvær vikur.“
„Nenni ekki að fara“
Aron Pálmarsson lét hafa eftir sér
á dögunum að hann væri ekki
spenntur fyrir HM. „Ég nenni ekki
að fara inn á mótið sem einhver
þriðja eða fjórða varaþjóð. Við skit-
um á okkur í sumar og verðum bara
að blæða fyrir það.“ Aron þjálfari
segist, aðspurður hvort hann ótt-
ist að leikmenn verði illa stemmdir,
alls ekki óttast það. Allir séu spennt-
ir. Hann hafi rætt þessi tilteknu um-
mæli við nafna sinn. „Hann var leið-
ur yfir því að við værum ekki klárir
áfram og það dró svolítið úr hon-
um máttinn. En þegar það varð ljóst
varð hann virkilega glaður.“
Stefnir á topp 8
Ísland er í riðli með Frökkum,
Svíum og Tékkum, auk Egypta og
Alsíringa. Aron bendir á að Frakk-
ar séu á meðal fjögurra bestu þjóða
heims en telur að Ísland geti strítt
þeim. Viðureignirnar við Svía og
Tékka verði án efa spennandi og
jafnar viðureignir. Ísland eigi í fullu
tré við þessar þjóðir, en Alsíringar
og Egyptar eru lægra skrifaðir.
En hvaða væntingar hef-
ur landsliðsþjálfarinn um ár-
angur á mótinu? „Það er mark-
miðið að tryggja sig inn á næstu
Ólympíuleika,“ segir hann en til
þess þurfi Ísland að ná sjöunda eða
áttunda sætinu, að lágmarki, til að
komast í umspil. n
„Lykilatriði að
allir verði heilir“
n Aron Kristjánsson stefnir á topp 8 í Katar n Hrósar HSÍ í hástert
Baldur Guðmundsson
Einar Þór Sigurðsson
baldur@dv.is / einar@dv.is
Frakkar sigurstranglegastir í C-riðli
Þetta verða andstæðingar Íslands í riðlakeppninni á HM í Katar
Frakkland
Frakkar hafa um langt
skeið verið ein allra
sterkasta handbolta-
þjóð heims. Þeir hafa
tekið sextán sinnum
þátt á HM og fjórum
sinnum staðið uppi sem sigurvegarar;
1995, 2001, 2009 og 2011. Þá eru Frakkar
núverandi Evrópumeistarar eftir sigur á
EM í Danmörku í janúar. Þá urðu Frakkar
Ólympíumeistarar 2012. Frakkar þykja
líklegir til afreka á HM í Katar og má telja
næsta víst að þeir vinni C-riðilinn nokkuð
örugglega. Leikmannahópur liðsins er afar
breiður og reynslumikill.
Svíþjóð
Svíar hafa hægt og
bítandi verið að ná
vopnum sínum á
handboltavellinum
eftir mögur ár. Svíar voru
sem kunnugt er stórþjóð í handboltanum í
kringum aldamótin; urðu heimsmeistarar
1999 og og Evrópumeistarar 2000 og
2002. Svíar náðu svo í silfur á Ólympíuleik-
unum í London árið 2012 eftir að hafa
tapað gegn Frökkum í úrslitum með eins
marks mun. Svíar komust á HM með sigri
á Rúmeníu í umspili með samanlagt sjö
marka mun.
Alsír
Alsíringar eru ekki hátt
skrifaðir í handbolt-
anum en þeir hafa þó
verið fastagestir á HM í
gegnum árin. Besti árang- ur
þeirra á heimsmeistaramótinu er 13. sætið
sem náðist á HM árið 2001. Alsíringar urðu
Afríkumeistarar í janúar á þessu ári eftir
sigur á Túnis í úrslitum, 25–21, en mótið
fór fram á heimavelli Alsíringa. Flestir í
leikmannahópi Alsír leika í Alsír en fjórir eru
á mála hjá liðum í Frakklandi.
Tékkland
Tékkar hafa aldrei unnið
til verðlauna á stórmóti.
Frá árinu 1995 hafa
Tékkar sex sinnum
tekið þátt á HM en
besta árangrinum náðu
þeir einmitt það ár, 8. sætinu. Tékkar
eru að taka þátt á HM í fyrsta skipti síðan
árið 2007. Í millitíðinni hafa þeir þó tekið
þátt á fjórum Evrópumótum, 2008, 2010,
2012 og 2014, þar sem besti árangurinn var
8. sætið 2010. Tékkar komust á HM með
mögnuðum sigri á Serbíu í umspili. Fyrri
leikurinn tapaðist 23–15 en seinni leikurinn
vannst 33–21.
Egyptaland
Egyptar hafa um langt
skeið verið ein allra
sterkasta handbolta-
þjóð Norður-Afríku og
þrettán sinnum verið meðal
þátttökuþjóða á HM. Bestum árangri náðu
Egyptar árið 2001 þegar þeir lentu í fjórða
sæti. Síðan þá hafa Egyptar aldrei endað
ofar en í 14. sæti á HM. Í Afríkukeppninni í
janúar lentu Egyptar í 3. sæti en þeir töp-
uðu gegn Túnisum í undanúrslitum. Túnis
tapaði svo fyrir Alsír í úrslitum.
Sjö á loka-
metrunum
Meðalaldurinn í íslenska landsliðshópn-
um sem mætti Ísrael og Svartfjallalandi
á dögunum var 30 ár. Sjö leikmenn, allt
lykilmenn í landsliðinu til fjölmargra
ára, eru komnir á þann aldur að þeir eiga
ekki mörg ár eftir í boltanum. Snorri
Steinn, Alexander, Róbert, Vignir, Þórir,
Guðjón Valur og Sverre Andreas gegna
enn lykilhlutverkum í landsliðinu þó að
þeir séu á aldrinum 33 til 37 ára. Ljóst er
að stutt er í að leysa þurfi þá af. Ef til vill
leika einhverjir þeirra nú á sínu síðasta
stórmóti.
Hér má sjá aldur leikmanna:
Aron Pálmarsson 24 ára
Stefán Rafn Sigurmannsson 24 ára
Aron Rafn Eðvarðsson 25 ára
Bjarki Már Gunnarsson 26 ára
Arnór Þór Gunnarsson 27 ára
Björgvin Þór Hólmgeirsson 27 ára
Sigurbergur Sveinsson 27 ára
Ernir Hrafn Arnarson 28 ára
Björgvin Páll Gústavsson 29 ára
Kári Kristján Kristjánsson 30 ára
Arnór Atlason 30 ára
Snorri Steinn Guðjónsson 33 ára
Alexander Petersson 34 ára
Róbert Gunnarsson 34 ára
Vignir Svavarsson 34 ára
Þórir Ólafsson 35 ára
Guðjón Valur Sigurðsson 35 ára
Sverre Andreas Jakobsson 37 ára
Leikstjórnandinn Snorri
Steinn Guðjónsson hefur
verið lengi í eldlínunni með
íslenska liðinu. Hann þarf að
spila vel í Katar.
„Það er gríðarlega
mikilvægt að okk-
ar bestu og reyndustu
leikmenn séu í standi.
Gunnar og Aron Þjálfararnir stefna á að
koma liðinu á næstu Ólympíuleika. Til þess
þarf að nást góður árangur í Katar.
MyNd dV Ehf / SiGtryGGur Ari