Dagblaðið Vísir - DV - 16.12.2014, Blaðsíða 4

Vikublað 16.–18. desember 20144 Fréttir
Íslendingar
446 þúsund
árið 2065
Hagstofa Íslands hefur birt nýja
mannfjöldaspá sem sýnir stærð
og samsetningu mannfjölda á Ís-
landi í framtíðinni. Spáin byggir á
endurnýjuðum tölfræðilíkönum
fyrir búferlaflutninga, frjósemi og
dánartíðni. Samkvæmt miðspánni
er gert ráð fyrir að íbúar verið 446
þúsund árið 2065 bæði vegna
fólksflutninga og náttúrulegrar
fjölgunar. Mannfjöldi á Íslandi var
326 þúsund í byrjun þessa árs. Í
háspánni verða íbúar 531 þúsund
í lok spátímabilsins en 377 þúsund
samkvæmt lágspánni. Spáafbrigð-
in byggja á mismunandi forsend-
um um hagvöxt, frjósemishlutfall
og búferlaflutninga.
Meðalævi karla og kvenna
við fæðingu mun halda áfram að
lengjast. Nýfæddar stúlkur árið
2014 geta vænst þess að verða 83,4
ára gamlar en nýfæddir drengir
79,5 ára. Stúlkur sem fæðast árið
2065 geta vænst þess að verða 88,6
ára en drengir 84,3 ára.
Mikið tjón
suður með sjó
Lögreglan á Suðurnesjum seg-
ir að talsvert hafi verið um um-
ferðaróhöpp í umdæminu um
helgina, enda var veður afar
slæmt á köflum. Á sunnudaginn
barst tilkynning um bifreið sem
var þversum á Reykjanesbraut –
og sat þar föst. Lögreglan hjálpaði
þar til.
„Á vegarkaflanum þar sem
þetta átti sér stað var flughált og
fuku þar margar bifreiðar út af
veginum þegar sterkar vindhvið-
ur gengu yfir veginn. Þá höfnuðu
tvær bifreiðar til viðbótar utan
vegar við afleggjara að Innri-
Njarðvík.“
Þá segir í tilkynningu að ekið
hafi verið á á umferðarskilti við
Rósaselstorg og árekstur hafi
orðið á gatnamótum Heiðarbergs
og Garðskagavegar. Engin teljandi
slys urðu á fólki en talsvert tjón á
bifreiðum.
„Ekki viðbjargandi“
Segir forsætisráðherra gera lítið úr mikilvægri umræðu um trú í grunnskólum
E
r æskilegt að grunnskólar
hampi einum trúarbrögðum
umfram öðrum á skólatíma
barna?“ Svo spyr Líf Magneu-
dóttir, varaborgarfulltrúi Vinstri
grænna og formaður mannréttinda-
ráðs Reykjavíkurborgar, í viðtali við
DV.
Líf gagnrýndi í síðustu viku fyr-
irhugaða heimsókn nemenda og
starfsmanna Langholtsskóla í Lang-
holtskirkju, og sagði ólíðandi að skól-
ar hefðu milligöngu um trúarinn-
rætingu barna. Í kjölfarið spunnust
upp þónokkrar umræður um kirkju-
ferðir barna. Innlegg Sigmundar
Davíðs Gunnlaugssonar forsætisráð-
herra í þá umræðu var að gera grín
að mannréttindaráði Reykjavíkur-
borgar. „Fór á jólaball þar sem mik-
ill fjöldi leikskólabarna skemmti sér
innilega við söng og dans. Glugga-
gægir og Stúfur mættu galvaskir til
að leiða sönginn en þegar kom að því
að syngja Heims um ból urðu þeir
bræður smeykir og gluggagægir bað
fólk að vakta gluggana og láta vita ef
sæist til útsendara frá mannréttinda-
ráði Reykjavíkurborgar,“ skrifaði
hann á Facebook síðu sína.„Hann
ætti að segja færri brandara og ein-
beita sér að vinnunni,“ segir Líf.
„Þessari ríkisstjórn og henn-
ar forystu er ekki viðbjargandi. Það
er þannig með forystu í stjórnmála-
flokkum að menn verða bara að
gæta orða sinna. Útúrsnúningar og
fimmaurabrandarar eru ekki til þess
fallnir að bæta umræðuhefðina á Ís-
landi. Börn eru skikkuð til þess að
ganga í grunnskóla í 10 ár. Við meg-
um ekki setja börn í þær aðstæður að
þurfa að gera grein fyrir lífsskoðun-
um sínum eða foreldra sinna. Það er
enginn að tala um að afnema jólin
eða banna fólki að fara í kirkjur eða
trúa á guð. Það er trúfrelsi hér á landi
og ég er bara að benda á það.“ n
sveinbjornth@dv.is
Hlutlausar stofnanir Er til of mikils
mælst að grunnskólar séu hlutlausar stofn-
anir, spyr Líf. Mynd Sigtryggur Ari
K
aupfélag Skagfirðinga keypti
í lok árs 2012 hlut RARIK í
félagi sem unnið hefur að
því að undirbúa byggingu
virkjana í Skagafirði. Fé-
lagið heitir Héraðsvötn ehf. og átti
Kaupfélag Skagfirðinga það á móti
RARIK. Hlutur RARIK nam 50 pró-
sentum og í kjölfarið á kaupfélag-
ið, eða félag í eigu þess, 93 prósenta
hlut í félaginu. Landsvirkjun hafði
ætlað að kaupa hlutinn en Kaupfé-
lag Skagfirðinga átti forkaupsrétt á
honum.
DV greindi frá viðskiptunum fyrr
á árinu en í fréttum blaðsins kom
fram að Héraðsvötn ehf. hafi ver-
ið stofnað árið 1999 til að vinna að
mögulegri byggingu tveggja virkjana
í Skagafirði, Villinganesvirkjunar og
Skatastaðavirkjunar.
Hlutverk rAriK að dreifa raf-
magni
Þessi viðskipti Kaupfélags Skag-
firðinga við RARIK vekja nokkra
athygli í ljósi þess að nú hefur hin
svokallaða norðvesturnefnd ríkis-
stjórnarinnar, sem oddviti Fram-
sóknarflokksins í Skagafirði, Stefán
Vagn Stefánsson, leiðir sem formað-
ur, lagt til að höfuðstöðvar RARIK
verði fluttar norður á Sauðárkrók frá
Reykjavík. Þannig yrðu til 50 stöðu-
gildi á Sauðárkróki og fyrirtækinu
yrði stjórnað þaðan.
RÚV greindi frá því á sunnu-
daginn að tillögur norðvestur-
nefndarinnar hefðu verið unnar í
samráði við Sigmund Davíð Gunn-
laugsson og Bjarna Benediktsson.
Þannig verður að taka tillögurnar
alvarlega og gera ráð fyrir að þær
verði hugsanlega að veruleika.
Hlutverk RARIK er fyrst og fremst
að dreifa rafmagni um landið eins
og segir á heimasíðu fyrirtækis-
ins. Meginverkefni fyrirtækisins við
stofnun þess var að afla almenningi
og atvinnuvegum nægrar raforku á
hagstæðan hátt og hefur fyrirtækið
haft mikilvægu hlutverki að gegna
við öflun, dreifingu og sölu á raf-
magni. Megináhersla fyrirtækisins
í dag er á raforkudreifingu og hef-
ur verið unnið jafnt og þétt að upp-
byggingu dreifikerfa í sveitum, en
um 90% þeirra eru í umsjá RARIK.
Orkufrekur iðnaður þarf að koma til
Sveinn Þórarinsson, stjórnarfor-
maður Héraðsvatna ehf. fyrir hönd
RARIK, sagði aðspurður í samtali
við DV fyrr á árinu að lítil starfsemi
hefði verið í félaginu frá árinu 2007
þegar fallið var frá virkjanafram-
kvæmdum í Skagafirði. Hann sagði
að það væri skilyrði fyrir byggingu
virkjananna að til kæmi orkufrek-
ur iðnaður. „Þetta er stór virkjana-
kostur og hann verður ekki virkjaður
nema orkufrekur notandi komi til.
Heimilismarkaðurinn er ekki nægur
fyrir þessa virkjun.“
DV greindi líka frá því fyrr á árinu
að Kaupfélag Skagfirðinga hefði í
gegnum dótturfélag keypt tvær jarð-
ir á væntanlegu virkjanasvæði Vill-
inganesvirkjunar á síðustu árum.
Í ljósi viðskipta Kaupfélagsins við
RARIK og þeirrar staðreyndar að fé-
lagið hefur keypt upp jarðir á vænt-
anlegu virkjanasvæði er ljóst að
fyrirtækinu er alvara með að þróa
virkjanakostina og jafnvel að byggja
virkjanirnar sem um ræðir. Þær eru
hins vegar ekki komnar í nýtingar-
flokk enn.
Fari svo að virkjanirnar verði
byggðar mun fyrst þurfa að tryggja
að orkufrekur notandi kaupi raf-
magnið. Þá gæti meðal annars koma
til kasta RARIK sem sæi þá um að
koma rafmagninu til væntanlegra
kaupenda, hverjir svo sem þeir
væru. n
„Þetta er stór
virkjanakostur og
hann verður ekki virkjaður
nema orkufrekur notandi
komi til.
Keypti af RaRiK sem er
stefnt í Skagafjörðinn
n Stjórnarformaður RaRiK sagði orkufrekan iðnað þurfa að koma til
Samráð við formennina Samráð var haft
við Bjarna og Sigmund Davíð vegna hugmynda
nefndarinnar. Mynd dV eHf / Sigtryggur Ari
Keypti af rAriK Stórfyrirtækið Kaupfélag Skagfirðinga, sem stýrt er af Þórólfi Gíslasyni,
keypti helmingshlut RARIK í félagi sem heldur utan um þróun virkjanakosta í Skagafirði.
ingi freyr Vilhjálmsson
ingi@dv.is