Dagblaðið Vísir - DV - 23.12.2014, Blaðsíða 27

Jólablað 23. desember 2014 Skrýtið Sakamál 27
Rannsóknin endaði í blindgötu.
Nafn Christine bar aldrei á
góma og nú liðu nokkur ár. Chris
Snider endaði á bak við lás og slá
í Kentucky vegna bílþjófnaðar og
Christine fór í meðferð á stofnun í
Kerrville í Texas.
Þar kynntist Christine Justin
Rott, langt leiddum heróínfíkli, og
það varð ást við fyrstu kynni. Þau
gengu í hjónaband og sjóður sem
faðir Christine sálugi hafði stofn-
að gerði þeim kleift að kaupa íbúð
í fjölbýli. En Adam var ekki lengi í
Paradís.
Gamlar syndir skjóta upp
kollinum
Ekki höfðu turtildúfurnar notið
hveitibrauðsdaganna lengi þegar
fortíðin guðaði á gluggann hjá
þeim. Kvöld eitt sat Christine og
horfði á sjónvarpsþátt sem fjallaði
um morðin á vinkonum hennar.
Christine kallaði á Justin og þau
horfðu saman á þáttinn þar sem
meðal annars birtust teikningar
sem lögreglan hafði látið gera af
mögulegum gerendum.
Skyndilega varð Christine afar
æst, rauk upp og stikaði fram og til
baka í stofunni. „Ja hérna! Ja hérna!“
sagði hún aftur og aftur. Síðan stað-
næmdist hún, leit á eiginmann sinn
og spurði: „Líkist þetta mér?“
Þar sem hún hafði nánast játað
á sig morðin gekk hún alla leið og
sagði Justin frá atburðarás dagsins
örlagaríka.
Frásögn Christine
Christine sagði Justin að hún og
Chris hefðu farið á heimili Tiffany
til að stela peningum og eiturlyfj-
um. Það hefði verið hugmynd Chris
og henni til mikillar undrunar hefði
hann látið hana hafa skammbyssu.
Christine til mikillar undrunar
skaut Chris svo Marcus, fyrirvara-
laust, og síðan, alveg óvart, hefði
hlaupið skot úr hennar eigin byssu.
Christine hafði síðan gjörsamlega
misst sig og skotið allt hvað af tók „í
blindni“ í allar áttir.
Síðan yfirgáfu þau húsið, en
Christine fór aftur inn til að „tryggja
að öll væru dauð“. Þá sá hún að
Rachael skreið á gólfinu og var að
reyna að hringja í Neyðarlínuna.
Þá tók Christine skammbyss-
una, hélt á henni eins og hamri og
sló Rachael ítrekað í hnakkann, þar
til hún var viss um að Rachael væri
liðið lík.
Að þessu loknu sagði Christine
Chris að keyra hana í vinnuna, hún
þurfti að mæta á vakt.
Svo mörg voru þau orð og Justin
varð fyrst dapur, síðan sleginn, fór
svo í afneitun en meðtók frásögn-
ina að lokum.
Skötuhjú á flótta
Christine og Justin ákváðu að leggja
land undir fót og enduðu á her-
bergi á La Quinta Inn í San Antonio
í Texas. Þar lögðust þau í taum-
lausa fíkniefnaneyslu og neyttu
lítils annars en ostakex, bollakaka
og goss.
Í sjö mánuði yfirgáfu þau ekki
herbergið og þegar upp var staðið
leit það ekki út eins og mannabú-
staður; útælt, blóðugt og nálar úti
um allt.
Rétt áður en þrjú ár voru liðin
frá morðunum fékk lögreglan í
Houston upplýsingar frá manni
sem fullyrti að hann hefði kynnst
Christine í meðferð. Sagði hann
að Christine hefði sagt honum að
hún og kærasti hennar hefðu myrt
ungmennin í Clear Lake. Seinna
kom í ljós að umræddur maður var
enginn annar en Justin Rott.
Engin iðrun sjáanleg
Lögreglunni tókst að rekja slóð
Christine og innan tveggja daga
frá símhringingunni var Christine
komin á bak við lás og slá.
Við yfirheyrslur gaf Christine
hinar ýmsu skýringar og útgáfur
af atburðarásinni síðdegis 18. júlí
2003. En að lokum tókst lögreglu að
púsla frásögninni saman og að við-
bættum vitnisburði Justins hafði
ákæruvaldið nóg í höndunum til að
leggja fram kæru á hendur Christine
og Chris Snider.
Christine fékk lífstíðardóm með
möguleika á reynslulausn eftir 40 ár.
En Chris Snider hugðist ekki eyða
ævinni í fangelsi. Þegar hringur-
inn um hann þrengdist brá hann á
það ráð að flýja til skógar með gos-
flösku og ýmsar pillur í fórum sín-
um. Hann fyrirfór sér.
Aldrei hefur fengist skýring á
ástæðu morðanna, Chris er ekki
lengur til frásagnar og Christine
þögul sem gröfin.
Enn þann dag í dag hefur hún
ekki sýnt iðrun eða áhuga á að tjá
sig um málið. n
Jólagjöfin hennar
fæst hjá okkur
Zebra Cosmetique
á Laugavegi 62
er með mikið úrval af
snyrtivörum á lágu verði!
www.birkiaska.is
Bodyflex Strong vinnur gegn stirðleika
og verkjum í liðamótum og styrkir
heilbrigði burðarvefja líkamans.
2 hylki tvisvar á dag í tíu daga. Síðan er hægt
að minnka skammt í 2 hylki á dag. Inniheldur
hvorki laktósa, ger, glúten né sætuefni.
Bodyflex
Strong
Ljóti andarunginn gengur berserksgang
Kærastinn Chris Snider hafði ekki í hyggju að láta góma sig á lífi.
Með gullhjarta Tiffany Rowell var
ein vinælasta stúlkan í skólanum og tók
Christine undir sinn verndarvæng.
Marcus Ray Precella Var kærasti Tiffany
og ástæða þess að lögreglan fór villur vegar
í rannsókninni.
„Hann var ekki
merkilegur pappír,
„ýtinn og árásargjarn“
náungi sem var með
sakaskrá og glímdi við
eiturlyfjafíkn.Í réttarsal
Christine tókst
að forðast rétt-
vísina í þrjú ár.
n Christine Paolilla sætti einelti í skóla n Undir verndarvæng tveggja vinkvenna blómstraði hún n Sjaldan launar kálfurinn ofeldið, segir máltækið