Iðjuþjálfinn - 01.06.2014, Page 25

Gott aðgengi að byggingum og umhverfi er eitthvað sem stór
hluti fólks þarf ekki að velta mikið
fyrir sér. Gott aðgengi skiptir samt afar
miklu máli fyrir þann hóp fólks sem
býr við hreyfihömlun og skerðingar af
einhverju tagi. Það að komast óhindrað
um umhverfi sitt getur dregið mikið
úr áhrifum fötlunar og sjúkdóma á líf
þeirra einstaklinga sem við það búa.
Hér á eftir má lesa um upplifun okkar
og hugleiðingar, en gott aðgengi er
okkur afar mikilvægt til að geta tekið
fullan þátt í samfélaginu.
Við Jón Heiðar og Nanna Bára búum
á Akureyri ásamt 12 ára dóttur okkar
Bjarneyju Guðrúnu. Við feðginin Jón
og Bjarney erum haldin meðfæddum
vöðvasjúkdómi sem hefur veruleg áhrif
á hreyfigetu okkar og þurfum við að
notast við hjólastól til allra okkar ferða.
Almennt er hægt að segja að á
undanförnum árum hafi aðgengi farið
batnandi þótt enn séu brotalamir á
mörgum stöðum. Okkar upplifun er
að í flestum opinberum byggingum séu
þessir hlutir komnir í þokkalegt horf.
Hins vegar vantar oft mikið upp á, t.d
í einkareknum verslunum og þjónustu.
Með tilkomu verslanakjarna, eins og
t.d. Glerártorgs, fjölgar samt stöðum
sem eru aðgengilegir og leitumst við að
sjálfsögðu við að fara á slíka staði.
Eins er það okkar upplifun að margir
veitinga- og gististaðir bjóða ekki upp
á viðunandi aðgengi og verða þeir þá
af viðskiptum við þá aðila sem ekki
komast þar um. Það sem rekstaraðilar
gera sér ekki alltaf grein fyrir er að þeir
verða af miklum viðskiptum vegna
lélegs aðgengis. Þetta snýst nefnilega
ekki bara um þá einstaklinga sem búa
við hreyfihömlun. Ef halda á veislu
eða samkomu hjá vinum eða fjölskyldu
okkar er auðvitað valinn staður sem er
aðgengilegur og getur þá verið um að
ræða viðskipti fyrir tugi manna.
Upplifun notenda af aðgengi fyrir
hjólastóla er eflaust misjöfn. Við höfum
verið það heppin að eiginlega öllu sem
tengist aðgengi fyrir dótturina hefur
verið mætt með jákvæðu viðmóti.
Sem dæmi má nefna að þegar kom
að leikskólagöngu Bjarneyjar fór allt á
fullt hjá bæjarfélaginu við að finna sem
hentugastan leikskóla og því breytt
og bætt sem þurfti til að hún nyti sín
sem best í leikskólaumhverfinu. Sama
var uppi á teningnum þegar kom að
skólagöngunni. Hennar skóli á þessum
tíma var ágætlega aðgengilegur og ef
eitthvað var að þá var það bara lagað.
Þegar Bjarney byrjaði í 4.bekk fór hún
Aðgengi
- hefur fólk með hreyfihömlun sama
aðgang að samfélaginu og aðrir?
Jón Heiðar Jónsson og Nanna Bára Birgisdóttir, iðjuþjálfi
Það er hægt að yfirstíga ýmsar hindranir með réttum útbúnaði