Skólavarðan - 01.04.2007, Blaðsíða 3

3
FORMANNSPISTILL
SKÓLAVARÐAN 2.TBL. 7. ÁRG. 2007
Hvaða skoðun hefur þú og flokkurinn þinn á því hvar helst þurfi
að taka til hendinni í menntamálum? Ætlar þú að berjast fyrir
ókeypis, hollum skólamáltíðum fyrir alla grunnskólanemendur? Er
ókeypis leikskóladvöl fyrir öll börn ofarlega á forgangslistanum?
Ætlið þið í flokknum þínum að vinna að því að draga úr
námskostnaði framhaldsskólanema, til dæmis með því að greiða
niður eða greiða alveg fyrir námsgögnin í framhaldsskólanum?
Veist þú að margir nemendur sem búa í Reykjavík fá ekki
inngöngu í framhaldsskóla í hverfinu sínu vegna þess að þeir
hafa ekki fengið nægilega háar einkunnir á grunnskólaprófi?
Hvernig líst þér á tillögur starfsnámsnefndar, meðal annars um
að jafngilda allt nám til stúdentsprófs eða annars lokaprófs
úr framhaldsskóla? Hefurðu velt því fyrir þér hvort nám í
framhaldsskólum sé nægilega fjölbreytt? Hvað vilt þú gera til
þess að færri nemendur flosni úr námi í framhaldsskóla? Hvaða
leiðir heldur þú að séu bestar til að bæta námsárangur nemenda
á unglingastiginu? Finnst þér allt í lagi að engar reglur séu til um
fjölda námsráðgjafa miðað við fjölda nemenda í skólum? Hvaða
skoðun hafið þið í flokknum þínum á samræmdum prófum?
Þessara spurninga er eðlilegt að spyrja frambjóðendur allra
flokka í því skyni að átta sig á því hversu mikilvæg skóla- og
menntamál eru í huga þeirra og hvaða stoð skoðanir þeirra á
menntamálum eiga sér í stefnu og framkvæmdaáætlunum
flokka þeirra. Það er nokkurt áhyggjuefni hversu lítið er rætt um
skólamál í kosningabaráttunni. Það bíða nefnilega mörg óleyst
verkefni í leik-, grunn-, framhalds- og tónlistarskólum landsins.
Flestar ofangreindra spurninga varða grundvallaratriði, svo
sem jafnrétti til náms óháð efnahag og andlegu og líkamlegu
atgervi, skóla fyrir alla, rétt nemenda til þess að fá inni í skóla
í eðlilegri fjarlægð frá heimili sínu, rétt barna og ungmenna til
þess að stunda nám sem svarar þörfum þeirra, hæfileikum og
óskum, nauðsynlega breidd og fjölbreytni t.d. í námsframboði
framhaldsskóla og áleitnar spurningar sem snerta slakt námsgengi
margra nemenda, uppflosnun úr námi og tilhögun námsmats.
Stór hópur félagsmanna í Kennarasambandi Íslands hefur
undanfarið rúmt ár unnið með fjölda annarra einstaklinga
í tólf nefndum á grundvelli tíu punkta samkomulags KÍ og
menntamálaráðherra frá 2. febrúar 2006 og hafa sjö nefndir
þegar skilað lokaskýrslum með margvíslegum tillögum um
umbætur í skólastarfi. Nýjasta afurð starfsins er lokaskýrsla
nefndar um sveigjanleika og fjölbreytni í námi og námsskipan. Í
henni er sett fram nokkuð heildstæð menntastefna og ná tillögur
hennar yfir flest þau svið og málefni sem hæst hefur borið í
umræðu undanfarinna ára um æskilegar og brýnar breytingar á
skólastarfi í grunn- og framhaldsskólum. Ólokið er starfi nefnda
sem endurskoða lög um öll þrjú skólastigin neðan háskólastigs
enda eðlilegt þar sem mjög margar af tillögum nefndar um
sveigjanleika og fjölbreytni kalla á útfærslu í lögum og varða
þannig beinlínis breytingar á lögum um skólastarf.
Miklu skiptir að afrakstur allrar vinnunnar á grundvelli
tíu punkta samkomulagsins skili sér í bættum skóla og betri
menntun fyrir alla nemendur. Kennarasambandið leggur áherslu
á að framsækin menntastefna og betri tryggingar í lögum um
skólastarf varðandi réttindi nemenda til náms, gott aðgengi
að námi og góðan aðbúnað í skóla eru mál sem eiga að vera
hafin yfir flokkapólitík. Þær tillögur sem liggja fyrir um umbætur
í skólamálum eru jafngildar eftir kosningar og þær voru fyrir
og óháð því hvert stjórnarmynstrið verður eða hver sest í stól
menntamálaráðherra. Kennarasambandið hvetur alla, jafnt
kennara sem aðra, til þess að íhuga vandlega hver er stefna
flokka og frambjóðenda í skóla- og menntamálum og hversu
líklegir þeir eru til góðra verka á þeim vettvangi þegar þeir kjósa
í vor.
Elna Katrín Jónsdóttir
Formaður og varaformaður KÍ og formenn aðildarfélaga KÍ skiptast á um
að skrifa formannspistla í Skólavörðuna. Félögin á bak við formannspistlana
eru: Félag framhaldsskólakennara (FF), Félag grunnskólakennara (FG),
Félag leikskólakennara (FL), Félag stjórnenda í framhaldsskólum (FS), Félag
tónlistarskólakennara (FT), Skólastjórafélag Íslands (SÍ).
ÍS
L
E
N
S
K
A
S
IA
.I
S
K
Y
N
35
98
7
01
.2
00
7
www.re.is · sími 580 5400 · Netfang: valdi@re.is
Kynnist landinu saman. Skoðið náttúruna saman. Leikið ykkur saman.
Hafið samband og fáið bæklinginn sendan heim.
Dagsferðir á Reykjanesi: 1. Hellaskoðun og Bláa lónið - 2. Gjáin og Bláa lónið - 3. Fræðasetrið og Garðskagi - 4. Vitinn og brúin
Dagsferðir á Suðurlandi: 5. Kajak og sund - 6. Hellarnir og Hestheimar - 7. Slakki og dýrin
8. Adrenalíngarðurinn á Nesjavöllum - 9. Þórsmörk
Hvernig er menntastefna flokksins þíns?
Kæri frambjóðandi til Alþingiskosninga!
Elna Katrín Jónsdóttir varaformaður
KÍ og formaður skólamálaráðs KÍ