Skólavarðan - 01.04.2007, Blaðsíða 14

14
NÝTT NÁM
SKÓLAVARÐAN 3.TBL. 7. ÁRG. 2007
Öflugt símenntunarstarf í skólum er án
efa einn af helstu drifkröftum í þróun
skólastarfs á Íslandi. Kennarar jafnt sem
stjórnendur í skólum eru meðvitaðir um
verðmæti þekkingar og mannauðs og
hversu mikilvægt það er að viðhalda
kunnáttu sinni til góða fyrir framþróun
menntunar á öllum stigum. Stjórnun í
skólaumhverfi er á margan hátt eins og
stjórnun í fyrirtækjum, þótt viðfangsefnin
séu vissulega önnur. Góðir stjórnunar-
hættir, sem miða að því að bæta rekstur
og gera starfsmenn færari í starfi, eru ekki
síður mikilvægir en þeir kennslufræðilegu
þættir sem kennaramenntað fólk verður
sér úti um í sínu grunnnámi. Sú nálgun að
nota aðferðir sem hafa komið að gagni í
atvinnulífinu til að skipuleggja stjórnun í
skólum hefur reynst ákaflega vel.
Næsta vetur munu Capacent og Stjórn-
endaskóli Háskólans í Reykjavík bjóða
upp á stjórnunarnám sem sérsniðið er
að þörfum stjórnenda í leik-, grunn-,
framhalds- og sérskólum. Markmið námsins
er að efla stjórnendur í skólum m.a. á
sviði leiðtogafærni og stefnumótunar,
mannauðs- og rekstrarstjórnunar ásamt
því að gera þá færa í að nýta árangursmat
til að innleiða stefnu og stýra störfum
starfsfólks. Námið er skipulagt með það
fyrir augum að það nýtist sem best í starfi
stjórnenda í skólum. Stjórnunaraðferðir,
sem virka í atvinnulífinu eru heimfærðar
upp á skólaumhverfið á árangursríkan
hátt og áherslan er á rekstur og stjórnun
skóla frekar en á kennslufræðilega þætti.
Markvisst og hagnýtt nám
Eyjólfur Bragason hjá Fjölbrautaskólanum
við Ármúla og Hulda Björnsdóttir að-
stoðarskólastjóri Salaskóla luku fyrri
hluta námsins í vetur sem leið. Eyjólfur
segir að námið hafi verið markvisst og
vel skipulagt: „Námið tók nákvæmlega
á þeim hlutum sem stjórnendur í skólum
eru að vinna við í daglegu starfi,“ segir
hann. „Leiðbeinendur þekktu skólastarf
mjög vel og bæði aðferðir og efni sem
notað var nýttist okkur markvisst í starfi.
Í framhaldinu fórum við í FÁ í ákveðna
stefnumótun sem við erum nú að vinna
eftir og þar gátum við notað þær aðferðir
sem við lærðum. Síðast en ekki síst var
frábært að hitta og ræða við fólk alls
staðar að af landinu sem er að vinna í
skólum á öllum stigum.“ Hulda segir að
það besta við námið sé að það hafi nýst
henni beint í starfi auk þess sem verkefni
og dagleg stjórnunarvinna studdu hvort
annað. „Það er mjög gagnlegt að læra
stjórnun á meðan maður er í starfi,“ segir
hún. „Viðfangsefnin voru mjög hagnýt og
nýttust mér beint í daglegu starfi, auk þess
sem mér fannst starf mitt einnig koma að
notum í verkefnavinnu. Það voru tekin
fyrir viðfangsefni sem við gátum notað
beint í raunverulegum aðstæðum og
þannig studdi þetta hvort annað.“ Hulda
bætir því við að það hafi ekki síður verið
gagnlegt að hitta hóp fólks með mikla
fagþekkingu úr skólastarfi sem bauð upp á
gagnleg og skemmtileg samskipti. Þannig
kynntust þátttakendur vel innbyrðis og
fengu tækifæri til að skiptast á þekkingu
og reynslu úr skólastarfi.
Nám í Stjórnun og forystu í skólaum-
hverfi hefst haustið 2007 og lýkur í júní
2008. Kennt er í tveggja daga lotum á
tveggja vikna fresti yfir veturinn auk þess
sem gert er ráð fyrir einhverri hópavinnu
og lestri. Einnig verður boðið upp á
framhaldsáfanga fyrir þá sem luku fyrri
hluta námsins í fyrra. Nánari upplýsingar
má fá hjá Capacent í síma 540 1000
eða á netfangi namskeid@capacent.
is og hjá Stjórnendaskóla Háskólans í
Reykjavík í síma 599 6261 eða á netfangi
stjornendaskoli@ru.is. Skráning er á www.
capacent.is og www.stjornendaskoli.is.
Stjórnun og forysta í skólaumhverfi
Nýtt skólastjórnunarnám
„Námið tók nákvæmlega á þeim
hlutum sem stjórnendur í skólum
eru að vinna við í daglegu starfi.“
Eyjólfur Bragason.
„Viðfangsefnin voru mjög hagnýt
og nýttust mér beint í daglegu
starfi, auk þess sem mér fannst
starf mitt einnig koma að notum í
verkefnavinnu.“ Hulda Björnsdóttir.