Skólavarðan - 01.06.2008, Qupperneq 30

30
SMIÐSHÖGGIÐ
SKÓLAVARÐAN 4.TBL. 8. ÁRG. 2008
Hvatningarverðlaun leikskólaráðs Reykja-víkur voru afhent við
hátíðlega athöfn í Höfða þann 21. maí. Markmiðið er að veita
starfsfólki leikskólanna í Reykjavík hvatningu í starfi og vekja
athygli á því gróskumikla fagstarfi sem það innir af hendi í
menntun yngstu borgarbúanna.

Hvatningarverðlaunin komu að þessu sinni í hlut sjö leikskóla
og eins leikskólastjóra, en alls barst fjörutíu og ein tilnefning til
verðlaunanna vegna fjórtán nýbreytni- og þróunarverkefna. Verðlaun
hlutu:
• Leikskólinn Bakki fyrir þrjú metnaðarfull verkefni:
Umhverfisverkefnið Flóð og fjara, alþjóðlega samstarfsverkefnið
eTwinning og heimasíðugerð.
• Leikskólarnir Klambrar, Nóaborg og Stakkaborg fyrir verkefnið
Skilaboða-skjóðan sem unnið var í samstarfi við Háteigsskóla.
Það miðar að því að efla börn í leik- og grunnskólum í málefna-
legum skoðanaskiptum og auka skilning og samræmingu milli
skólastiga.
• Leikskólinn Reynisholt fyrir lífsleikni-verkefnið Líf og leikni.
• Leikskólinn Gullborg fyrir samstarfsverk-efni skólans og
samtakanna Blátt áfram.
• Leikskólinn Hof fyrir verkefnið Dans-Hreyfing-Tónlist.
• Kristín Einarsdóttir leikskólastjóri í Garðaborg fyrir að
skipuleggja náms-ferðir, veita leiðsögn og koma á tengslum milli
íslenskra leikskóla og leikskóla í New York. Útideildin sem sagt
er frá hér ofar á síðunni er einmitt starfrækt á leikskólanum
hennar Kristínar.
Kennarar í eldri deild í leikskólanum Garðaborg í Reykjavík ákváðu í vor að
brydda upp á nýjung með elstu börnunum sem fara í grunnskóla í haust.
Leikskólinn er tveggja deilda skóli með um sjötíu börn yfir sumartímann og
var búin til þriðja deildin þar sem eru bara þau börn sem fara í grunnskóla
í haust.
Nýja deildin ber nafnið Útideild og er markmiðið að styrkja börnin enn
frekar til sjálfstæðis. Náminu á deildinni er ætlað að efla líkamlegt úthald og
öryggiskennd barnanna utan leikskólalóðarinnar sem og að efla sjálfsábyrgð,
samskipti barnanna og víðsýni þeirra.
Deildin tók til starfa í lok maí og eru börnin og kennararnir mjög ánægð
með þessa nýjung. Farið er tvisvar í viku í lengir dagsferðir og hádegisnesti
tekið með. Nágrenni leikskólans er skoðað í styttri ferðum og tvo daga í
mánuði er farið í hjólaferðir en þá koma börnin með hjólin sín og hjálma.
Þau hafa reit í Skólagörðunum þar sem þau setja niður kartöflur og ýmislegt
góðgæti sem eitthvað gott verður bruggað úr í lok sumars. Föstudagar eru
svo helgaðir útileikjum og þá eru tún og garðar nýtt til skemmtilegra leikja.
Hvert barn hefur sinn bakpoka sem það ber ábyrgð á og þau hafa regnföt,
nesti og vatnsbrúsa með í för.
Börnin meta hverja ferð og halda utan um upplifanir sínar með því að
halda úti ferðadagbók. Þar aðstoðar kennari þau við að skrifa hvert var farið
og hvernig þeim fannst ferðin, hvað þeim fannst merkilegt að sjá eða upplifa,
og svo teikna þau mynd út frá því. Í sumum ferðum fá þau verkefni sem þau
leysa í ferðinni og nýta svo meira þegar heim í leikskólann er komið.
Á dögunum var farið í Ásmundarsafn og fannst börnunum mikið til
listaverkanna koma. Skoðað var bæði inni og úti og teiknuðu þau svo
þá höggmynd sem þeim fannst flottust. Hádegisnestið var borðað í
blíðskaparveðri úti garðinum áður en haldið var á næsta viðkomustað sem
var Laugardalurinn þar sem þau fræddust um þvottaaðstöðu reykvískra
kvenna á árum áður.
Gunnur Árnadóttir
Höfundur er kennari í Garðaborg.
Útideildin Hjólað, ræktað, leikið og skoðað í Garðaborg
Útideild elstu barnanna í Garðaborg í
heimsókn á Ásmundarsafni.
Verðlaun fyrir lifandi og gróskumikið
fagstarf í leikskólum borgarinnar
vorhátíðir
Í vetrarlok halda
margir skólar vorhátíðir
og víða eru komnar
hefðir umskrúðgöngur,
tónlistarflutning, vosölur
og fleira skemmtilega
sem heldur sér ár frá
ári. Þessar myndir
eru frá Hjallaskóla og
Safamýrarskóla.