Skólavarðan - 01.04.2009, Blaðsíða 8
8
ATvINNUöRYGGI KENNARA – HEILL NEMENDA
SKÓLAVARÐAN 3.TBL. 9. ÁRG. 2009
Lj
ós
m
yn
d
:
ke
g
Stjórnmálamenn virtust ekki ýkja
áhugasamir um skólamál í aðdraganda
kosninga og hafa varla minnst á þau einu
orði eftir kosningar. Þótt menntun virðist
talsmönnum þjóðarinnar lítt hugleikin er
gríðarlega mikilvægt að tryggja öryggi
nemenda, og starfsöryggi kennara er
lykilatriði í því samhengi. Kennarar sjá nú
þegar afleiðingar kreppunnar. Hnarreistir
unglingar drúpa höfði, foreldrar missa
vinnu, fjölskyldur hrökklast úr landi, glöð
börn daprast, hætta á frístundaheimilum,
í íþróttum og hljóðfæranámi, eru ein
heima eftir skóla og ísskápurinn tómur.
Hér er skoðað eitt og annað sem lýtur að
starfsöryggi kennara og velferð nemenda
og þessi könnunarleiðangur heldur áfram í
næstu blöðum. ÆTLuM VIÐ AÐ SVÍKJA HEILA KyNSLÓÐ
uM MENNTuN?
Kennarar gera sér grein fyrir því að eftir tíu
til tuttugu ár getum við allt eins átt von á
því að þeir sem nú eru nemendur segi við
okkur hin: Þið svikuð okkur um menntun.
Þið stækkuðuð bekki og fækkuðuð kennurum,
styttuð skólaárið, sögðuð upp ungum kennurum
með ferskar hugmyndir, tókuð fyrir möguleika
kennara til að hittast og tala saman, létuð
litlu krakkana missa viðbótarstundirnar og
stóru krakkana valáfangana. Okkur leið illa
í skólanum, enginn var úti með okkur í frí-
mínútum, við fengum ekki lengur listkennslu
í leikskólanum, ferðalög í grunnskólanum og
námsráðgjöf í framhaldsskólanum. Kennararnir
fengu ekki símenntun og þróunarstarf heyrði
sögunni til. Við fengum ekki lengur hollan mat
í skólanum, einmitt þegar við þurftum mest á
því að halda, og við urðum þreytt og þollítil.
Þau okkar sem hafa sérþarfir fengu þeim ekki
mætt og lærðu lítið sem ekkert. Menntun hætti
að vera fyrir alla.
ENGINN SETTI MENNTuN Á DAGSKRÁ
Kennarar gera hvað þeir geta til að verja
nemendur, þar á meðal að leita leiða til að
spara án þess að skerða skólastarfið sem er
erfitt þegar 80-90% kostnaðar eru laun og
launatengdur kostnaður.
En þótt kennarar séu á fullu að vernda nem-
endur sína eru þeir líka uggandi. Í kosninga-
baráttunni heyrðist lítið sem ekkert um
að samfélagið þyrfti að slá skjaldborg um
menntun og skólastarf. Ekkert stjórnmálaafl
setti skólastarf, menntun og nemendur
á oddinn. Nú er kosningum lokið og við
höldum áfram að standa frammi fyrir
afleiðingum hrunsins. Kennarar eru áfram
uggandi og raunar æ meir. Þarna kemur
til kasta samtakamáttar kennara og það er
brýnt að þeir nýti sér þann vettvang með
öllum tiltækum ráðum. Kennarasambandið
leggur ríka áherslu á að standa vörð um
skólastarf eins og sést í þessum hluta úr
ályktun sem sambandið sendi frá sér laust
eftir bankahrun:
KÍ leggur í samræmi við hlutverk sitt sem
kennarasamtök höfuðáherslu á að verja
skólastarf og menntun í landinu og mun
beita sér gegn öllum aðgerðum sem vega
að námi og skólagöngu barna og ungmenna.
KÍ telur starf með börnum og ungmennum í
skólum landsins jafnt í kennslu sem og öðru
starfi vera mikilvægan lið í því að skapa
nemendum skjól og öruggan samastað á
þeim erfiðu tímum sem Íslendingar ganga
nú í gegnum.
AuÐHyGGJAN SEM GEKK AF GöFLuNuM
Hugmyndafræðin sem enn ræður því hvernig
skólamálum er háttað hérlendis á rætur að rekja
til auðhyggju sem gekk af göflunum. Við höldum
áfram að vinna eftir laga- og reglugerðum á
grundvelli þessarar stefnu sem nú er gengin sér
til húðar og beinlínis ógnvaldur í samfélaginu.
Víða í Evrópu mótmæla kennarar og nem-
endur um þessar mundir ýmsum birtingar-
myndum téðrar hugmyndafræði, til að
mynda er Bolognaferlinu mótmælt kröft
uglega af háskólanemendum og það sagt
reist á grundvelli hugmynda um hagræð-
ingu, skilvirkni og gróða í gegnum stöðlun.
Hér heima höfum við kannski ekki bol-
magn til að ræða þessi mál af nokkru viti,
við verðum að forgangsraða: Nemendur
í fyrsta sæti. Kennarastéttin er vakin og
sofin yfir velferð nemenda og hana vantar
sárlega talsmenn víðar í samfélaginu. Hvar
voru þeir í aðdraganda kosninga? Hvorki
rósir né túlipanar eru stuðningsyfirlýsing
við skólastarf, myndböndin á YouTube og
síðurnar á Facebook og Twitter voru það
Hvað er að gerast í skólunum?
Um skólann sem öruggan vinnustað
Kennarar gera sér grein fyrir því að eftir tíu til tuttugu ár
getum við allt eins átt von á því að þeir sem nú eru nemendur
segi við okkur hin: Þið svikuð okkur um menntun.
Kjararáð og stjórn KÍ funduðu saman í apríl.