Skólavarðan - 01.04.2009, Blaðsíða 11

11
SKÓLAVARÐAN 3.TBL. 9. ÁRG. 2009
gefnar en það er fátt um svör. Þá höfum við
óskað eftir fundi með samstarfsnefnd um
efnahagsmálin en ekki fengið.
Félag leikskólakennara – Björg Bjarna-
dóttir
Við höfum verið að vinna í samrekstrar-
málunum eins og fram kom hjá Kristni.
Einn fundur var haldinn undir því yfirskini
að ræða efnahagsmál en þar veltu fulltrúar
sveitarfélaga upp hugmyndum um niður-
skurð og vildu endurgjöf. Fundi sem átti
að vera í síðustu viku var frestað. Ástandið
er svona í stuttu máli: Engar viðræður og
tæplega samræður, enda gildir núverandi
kjarasamningur til ágústloka.
Félag tónlistarskólakennara – Sigrún
Grendal
Staðan er svipuð hjá okkur og hér hefur verið
lýst. Ég sting upp á að þau aðildarfélög sem
tengjast samreknum skólum ræði saman
um hvernig hægt er að verja faglegt skóla-
starf og stilla saman strengi. Stöndum vörð
um faglegt skólastarf.
Félag framhaldsskólakennara – Aðalheiður
Steingrímsdóttir
Kjarasamningur framhaldsskólans losnaði
31. mars sl. og gildir þar til nýr hefur verið
gerður. Við höfum hitt viðsemjendur til að
ræða ýmis atriði sem tengjast honum og
út úr þeirri samræðu kom bókun um að
fresta samningagerð um þau atriði fram-
haldsskólalaganna sem hafa áhrif á störf
og vinnutíma í framhaldsskólum þar til
aðstæður breytast. Við erum síðan þátt-
takendur í heildarsamflotinu á vinnumark-
aðnum sem snýst um endurnýjun kjara-
samninga árið 2009.
ÁSTÆÐA ER TIL AÐ MINNA Á ÞESSA
ÁLyKTuN
Fulltrúafundur Félags framhaldsskólakennara
sem haldinn var 12. mars sl. samþykkti ályktun
með heitinu: „Stöndum vörð um menntun og
skólastarf!“
Á krepputímum er mikilvægt að efla fremur
en draga úr jafnrétti til náms. Ef starfsemi
og þjónusta leik- og grunnskóla við börn
og unglinga og fjölskyldur þeirra er skert
vegna fjárhagslegs niðurskurðar er höggvið
þar sem hlífa skyldi. Slíkur niðurskurður
bitnar oftast þyngst á þeim sem síst
mega við því, efnahagslega og félagslega.
Framhaldsskólarnir eru í lykilaðstöðu til
að opna dyr sínar fyrir því fólki á öllum
aldri, sem vill bæta menntun sína til að fá
aðgang að frekara námi og styrkja hæfni
sína og stöðu á vinnumarkaði. Þetta er því
aðeins fært að skólarnir fái rekstrarfé til að
halda uppi nægilega mikilli og fjölbreyttri
starfsemi. Fjármunum til menntunar er vel
varið, hvort sem vel árar eða illa. Samfélagið
þarf alltaf á mannauði og menningu skól-
anna að halda. Vanhugsaðar ákvarðanir um
mikinn sparnað í skólakerfinu geta valdið
óbætanlegum skaða um mörg ókomin ár.
Fundurinn hvetur ríkistjórn og Alþingi til
dáða og væntir þess að fulltrúar þjóðarinnar
hafi kjark til að standa gegn niðurskurði í
menntakerfinu.
úR BRéFI SEM FéLAG FRAMHALDSSKÓLA-
KENNARA SENDI TRúNAÐARMöNNuM,
FORMöNNuM OG FuLLTRúuM KENNARA
Í SAMSTARFSNEFNDuM Í APRÍL
„Kjarasamningur KÍ/framhaldsskóla sem
losnaði 31. mars sl. gildir þar til nýr hefur
verið gerður. Stofnanasamningar eru sér-
stakir samningar stofnunar og stéttarfélags
á vinnustað um útfærslu á gr. 1.2.1, 1.2.2 og
11. kafla kjarasamnings KÍ/framhaldsskóla.
Stofnanasamningar eru hluti af miðlægum
kjarasamningi skv. gr. 11.1.1 kjarasamn-
ings. Aðrir hlutar kjarasamningsins eru ekki
viðfangsefni stofnanasamninga. Félagið
beinir þeim tilmælum til trúnaðarmanna
og fulltrúa kennara í samstarfsnefndum
að hafa strax samband við sinn erindreka
og/eða stéttarfélagið (adalheidur@ki.is;
oddur@ki.is) ef fyrirhugað er að skerða kjör
í tengslum við breytingar á rekstri eða starf-
semi skólans. Öllum spurningum sem vakna
um þetta ber að beina til erindreka og/eða
stéttarfélagsins. Í lok þessa bréfs er yfirlit
yfir erindreka FF.“
EFTIR FuNDINN
Eftir fundinn hitti blaðamaður nokkra formenn
að máli og bað þá að segja aðeins meira frá
ástandi í skólum, upplifun kennara, aðgerðum
atvinnurekenda og viðbrögðum og aðgerðum
aðildarfélaga KÍ.
Björg Bjarnadóttir formaður FL
Við finnum fyrir mikilli ólgu og mjög margir
kennarar hafa samband. Í leikskólum eru
nú þegar farnar ýmsar leiðir til að spara,
meðal annars í innkaupum á búnaði og til
mötuneyta, yfirvinna er nánast þurrkuð út
og ef ekki verður hjá henni komist er lagt
að fólki að taka hana út í leyfi. Ráðningar
eru í lágmarki og það er gjarnan útskýrt
þannig að draga eigi úr afleysingum.
Algengt er í þessu skyni að heyra töluna
fimmtíu prósent. Einnig dregur sýnilega úr
sí- og endurmenntun. Um leið og þetta er
allt í gangi er mikill þrýstingur á kennara
og stjórnendur að skerða ekki þjónustu og
Staðan er þannig að ef menn ætla að krukka eitthvað
verulega mikið meira í skólann þá er hreinlega hætt
við að hann hrynji. Viljum við hrun í skólastarfinu?
ATvINNUöRYGGI KENNARA – HEILL NEMENDA
Lj
ós
m
yn
d
:
ke
g