Skólavarðan - 01.12.2009, Blaðsíða 30

SKÓLAVARÐAN 8.TBL. 9. ÁRG. 2009
SMIÐSHöGGIÐ
30
þess fullviss að hægt væri að skipta út áskrift
að Animal Planet fyrir slíka ferð því hún yrði
miklu meira spennandi.
Bjóðum börnum að skoða lífríki sjávar.
Slíkt safn ætti að vera aðgengilegt í hverjum
landsfjórðungi og þau þyrftu ekki að vera öll
eins uppbyggð. Eitt gæti verið á hafsbotni
nálægt skipsflaki sem einnig væri hægt að
skoða. Hvað haldið þið? Finnið þið ekki strax
barnslegan fiðringinn? Hver slægi hendinni á
móti því að geta gengið í gegnum gegnsætt
rör inn í mitt skipsflak? Vill einhver vera með?
Svona hlutir lýsa kraftinum í börnunum
best. Þau elska ævintýri og upplifanir. Haldið
þið hin sterka upplifun sem við öðlumst
í náttúrunni hafi ekki áhrif á börn? Hvers
vegna eru ekki vísinda- og tilraunasafn í
hverjum landsfjórðungi? Kvartað er yfir litlum
raungreinaáhuga ungmenna. En gera menn
eitthvað til að vekja þennan áhuga? Harla
lítið. Lögmál vísinda verða að vera aðgengileg
í leik og starfi. Setja þarf upp tilraunaleikvang
til að leyfa börnum að sjá, snerta og hugsa.
Byggðasöfnum var komið á fót víða um land
og fór þar saman hugsjón og drifkraftur
manna sem vildu bjarga þjóðararfinum. Það
er eins og þessa hugsón eða vilja vanti til að
koma málum barnanna á hreyfingu.
Segjum svo að við ákveðum að hlusta á
börnin. Búa þeim aðstæður sem eiga ekki sinn
líka í mannkynssögunni. Getið þið ímyndað
ykkur þann sköpunarkraft sem myndi leysast
úr læðingi?
En það þarf ekki bara stórkostlegar
hugmyndir. Sumir eru heimkærir og mega
vera það í friði. Í kjölfar bankahruns og kreppu
sem þó er aðallega kreppa misskiptingar
því nóg er af gæðum og auði ef því er að
skipta þá töluðu menn mikið um að gleyma
ekki börnunum. Nú átti að sitja heima í
yfirvinnubanni eða atvinnuleysi og knúsa
börnin því lítið höfðu þau fengið af því sem
var nú sem betur fer ekki alveg rétt.
Öll sveitarfélög ættu að sjá sóma sinn í að
útbúa sinn eigin skemmti og upplifunargarð
fyrir börnin. Ég er ekki að tala um gaddfreðið
Disneyland. Ég er ekki endilega að tala um
hluti sem kosta hvítuna úr augunum. Í mínu
sveitarfélagi er til Lystigarður, ekkert of stór en
nógu stór til að vera aðdráttarafl ferðamanna
yfir sumarið. Slíkan blett er auðvelt að bjóða
börnunum upp á. Þar er einnig rampur fyrir
unglinga á brettum og fullt af göngu og
hjólastígum.
En betur má ef duga skal. Ég vildi einnig
sjá í tjörninni í fjörunni ylströnd fyrir litlu
börnin að sulla í. Hluta af sömu tjörn sé ég
fyrir leikfangabáta. Seglskútur og fjarstýrða
báta. Hafið þið prufað þetta? Það hef ég og
ef það er eitthvað sem þjappar fjölskyldunni
saman þá er það slík upplifun. Ég vildi einnig
sjá neðansjávarsafn þar sem hægt væri að
skoða eitthvert flakið í Eyjafirðinum. Það
gæti reyndar kostað aðeins meira en þá
er komið til kasta fyrirtækjanna. Gleymið
laxveiðiferðunum eða djamminu á Nordica.
Allt svoleiðis getur beðið. Ef einhvers staðar á
að byrja, ef einhvers staðar er til fimmeyringur
á lausu þá á hann að fara í börnin. Þar byrjum
við. Á undirstöðum nýs þjóðfélags þar sem
við virkjum sköpunarkraft og gáfur en ekki
neyslufyllerí og hjarðeðli.
Með svona hlutum sköpum við aðstæður
til þess að börn og fullorðnir hafi samfélag
hvort af öðru. Nú hef ég lítið minnst á minn
vinnustað, leikskólann. Kennarar hafa verið
duglegir að nýta sér söfnin og ég veit að ég
tala fyrir marga starfsbræður mína þegar ég
segi að við eru tilbúinn að gera meira. Við
erum tilbúin að taka þátt í uppbyggingu og
mótun ef áhugi er fyrir hendi.
Nú eru ekki andlegir krepputímar. Það
er á tímum eins og núna þegar herða
þarf sultarólina örlítið og maður hefur
smáséns á að komast niður í kjörþyngd sem
sköpunarkrafturinn leysist úr læðingi. Ekki
aðeins hjá börnunum heldur einnig hinum
fullorðnu. Verum ekki eftirbátar barnanna,
tökum þátt og búum þeim kjöraðstæður til að
dafna.
Arnar yngvason
Höfundur er kennari á Iðavelli.
hlusta.is
Nýtt á Íslandi
Hljóðabókasíðan
Stærsta hljóðbókasíða landsins
8 jólasögur í
opinni dagskrá!
það
verður
hlustað um
jólin
Notalegt, fróðlegt og skemmtilegt
efni sem þú setur á iPodinn eða
hlustar á í tölvunni
www.hlusta.is
Nýtt efni í hverri viku
barnasögur
skáldsögur
smásögur
sakamálasögur
þjóðsögur
fornrit
fróðleikur
saga
ljóð
greinar
Ég er ekki sjálfur barn í bókstaflegum skilningi en þar
sem ég hef helgað þorra starfsævinnar starfi með börnum
leyfi ég mér að koma með nokkrar hugmyndir.
Maríu Norðdahl kennara og fulltrúa sjóða hjá KÍ er
margt til lista lagt, hún er til að mynda meistari
í heilsunuddi og nuddfræðum og var um hríð
skólastjóri Nuddskólans. María gaf í sumar út
ritið Kennslubók í svæðanuddi sem félagsmenn
hafa séð hjá henni og spurt um, áhugasamir geta
nú nálgast bókina hjá Maríu í hs. 5812513 og gsm
8994513.
Bókin er prýdd tugum mynda sem styðja við efnið
og skýra það enn betur.
Bók um svæðanudd
María Norðdahl