Skólavarðan - 01.08.2001, Blaðsíða 6
Árið 2000 var ár stærðfræð-
innar, af því tilefni ákvað
stjórn Flatar að hafa dag
stærðfræðinnar og varð 27.
september fyrir valinu. Gefið
var út ritið Rúmfræði, verkefni
og hugmyndir, og dreift í alla
skóla landsins þeim að kostn-
aðarlausu en margar skóla-
skrifstofur og KÍ styrktu útgáf-
una.
Nú hefur verið ákveðið að gera
þetta að árlegum viðburði og gefa
út námsefni í tilefni dagsins þegar aðstæður og fjármagn
leyfa. Dagur stærðfræðinnar verður aftur þann 27. sept-
ember í ár, 2001. Þemað er stærðfræðin í umhverfinu og
lögð áhersla á þátt foreldra í heimanámi barna.
Af þessu tilefni er komið út ritið Dagur
stærðfræðinnar 27. september 2001,
heimaverkefni í stærðfræði. Í því eru hug-
myndir um heimavinnu sem nemendur
geta leyst með aðstoð foreldra og gefur
það tækifæri til að tengja saman stærðfræði-
vinnu í skólum og á heimilum. Heimaverkefnin
eiga að dýpka skilning nemenda á stærðfræði-
námi sem fer fram innan veggja skólans. Þau
geta einnig gefið foreldrum/forráðamönnum
upplýsingar um þekkingu og kunnáttu barna
sinna og er ætlað að stuðla að jákvæðu viðhorfi
barna og foreldra/forráðamanna til stærðfræði.
Verkefnin eru fyrir nemendur í 1.-10. bekk og
byggjast mörg á því að nemendur geri athugan-
ir á umhverfi sínu og leysi síðan verkefni. Jón-
ína Vala Kristinsdóttir er aðal höfundur ritsins
en Guðrún Angantýsdóttir og Kolbrún Hjalta-
dóttir hafa samið flest verkefnin fyrir mið og
elsta stigið. Allar eru þær reyndir stærðfræði-
kennarar og hafa notað verkefnin í kennslu.
Heimaverkefni í stærðfræði kostar 1200 kr. en 800 kr. ef
keypt eru tíu eintök eða fleiri. Pantið hjá: Ragnheiði Gunn-
arsdóttur rgunn@ismennt.is eða Guðrúnu Angantýsdótt-
ur gan@ismennt.is
Vikuna 23. til 28. september verður sýning í Kringlunni
og á fleiri stöðum úti á landi á hluta af þeim myndum
sem sendar voru í Teiknisamkeppni Flatar sem var haldin
nú í vor. Þátttaka var mjög góð og bárust um 750 myndir.
Verðlaunamyndirnar þrjár prýða veggspjald sem hefur
verið sent í alla skóla til þess að minna á dag stærðfræð-
innar. Það er von okkar í Fleti að Heimaverkefni í
stærðfræði verði keypt í alla skóla og að sem flestir taki
þátt í degi stærðfræðinnar þannig að hann verði til þess
að nemendur átti sig betur á stærðfræðinni í umhverfinu,
auki fjölbreytni í vinnubrögðum og efli áhuga foreldra á
stærðfræðinámi barna sinna.
Dagur stærðfræðinnar 27. september 2001
Frétt i r og smáefni
7
Sænsku kennarasamtökin hafa gefið út 24 bls. bækling
sem ber heitið Att motarbeta nazism och rasism i skolan.
Í formála dómsmálaráðherra, Laila Freivalds, segir meðal annars:
„Skólinn er mikilvægasta stofnunin í baráttunni gegn þessum skoð-
unum, til langs tíma litið. Mikilvægari en heimilin og foreldrarnir að
því leyti til að ég er þess fullviss að flest ungmenni, sem ganga til
liðs við andlýðræðislegan boðskap af þessu tagi, koma frá heimilum
sem hefur mistekist að innræta og styrkja grunngildi lýðræðisins.“
Í bæklingnum er að finna upplýsingar um helstu tákn nasismans
og upptalningu á hljómsveitum sem spila sk. vit-makt tónlist (hvítt
vald). Kennurum er bent á ákvæði í stjórnarskránni, refsilöggjöf,
skólalögum og víðar í lagabókstafnum sem þeir geta notað gegn
kynþáttahatri og nasisma og einnig eru þeir upplýstir um hvaða að-
gerða þeir geta gripið til og hverra ekki. Jafnframt er rætt um mikil-
vægi fyrirbyggjandi aðgerða og til dæmis hvatt til að farið verði að
kenna fyrr um heimsstyrjöldina síðari en nú er gert í Svíþjóð, en sú
kennsla hefst í 9. bekk. Lögð er áhersla á að styðja
foreldra barna sem hafa ánetjast hugmyndafræði
nasismans.
Gefin er uppskrift að verkáætlun í sex liðum til
að fyrirbyggja að hugmyndafræði kynþáttahaturs
og nasismi skjóti rótum í skólanum. Loks er bent á
ýmis sænsk rit og tengiliði sem veita upplýsingar,
m.a. slóðina www.quickresponse.nu sem er á veg-
um ungliðahreyfingar Rauða krossins. Þar er leit-
ast við að fjalla um þessi mál á ábyrgan hátt og
veita upplýsingar, byggðar á staðreyndum, sem
miða að því að kveða niður útlendingahatur og
kynþáttahyggju, auk þess að fylgjast með umfjöll-
un í fjölmiðlum um málefni nýbúa.
Hægt er að panta bæklinginn hjá sænsku kenn-
arasamtökunum, slóðin er www.lararforbundet.se
og bæklingurinn kostar SEK 8,-. Einnig er hægt að
sækja hann ókeypis á pdf formi. Leitið undir
Beställ material og veljið þar Så här tycker Lärar-
förbundet. Þar er einnig að finna fleiri áhugaverð
smárit, svo sem bæklinginn Så kan skolan före-
bygga våld, hot och mobbning.
Áhugaverðir sænskir bæklingar
Gegn nasisma og kynþáttahatri
Breytingar á félagsgjöldum
Félagsmenn athugið: Félagsgjöld nema nú 1,75% af föstum
mánaðarlaunum í dagvinnu en námu 2% áður.