Skólavarðan - 01.08.2001, Blaðsíða 22

Á dagskrá voru fyrirlestrar og námskeið
um ýmis efni, auk tónleika og skoðunar-
ferða. Sjö íslenskir tónlistar- og tónmennta-
kennarar tóku þátt í námstefnunni, þar af
tveir fyrirlesarar. Samhliða námstefnunni
voru svo haldnir fundir NMPU og samtaka
norrænna tónlistarskólastjóra (NMR) auk
sameiginlegs fundar þessara aðila.
Námstefnuhald sem þetta er einn af föst-
um liðum í starfi NMPU og varð reyndar
hvati að stofnun samtakanna árið 1952, en
þá höfðu norrænir tónlistarkennarar komið
saman með reglulegu millibili frá árinu
1946.
Efling samstarfs um tónlistaruppeldi
Meginmarkmið NMPU er að efla sam-
starf þeirra sem vinna að tónlistaruppeldi á
Norðurlöndum, m.a. með miðlun upplýs-
inga, ráðstefnu- og námskeiðahaldi og
samvinnu við samtök utan Norður-
landa, auk þess að stuðla að auknum
rannsóknum á sviði tónlistaruppeldis
og útgáfu kennsluefnis. Aðild að
samtökunum eiga félög tónlistar-
kennara í Danmörku, Finnlandi,
Færeyjum, Íslandi, Noregi og Sví-
þjóð. Stjórn samtakanna skipa tveir
fulltrúar frá hverju landi og skiptast
löndin á um að fara með forsæti í
henni tvö ár í senn. Íslenskir stjórn-
armenn eru Kristín Stefánsdóttir,
fulltrúi Félags tónlistarskólakennara,
og Þórunn Björnsdóttir, fulltrúi
Tónmenntakennarafélags Íslands.
Kristín er jafnframt framkvæmda-
stjóri samtakanna.
Auk námstefna, sem haldnar eru á
tveggja ára fresti til skiptis í aðildar-
löndunum, hefur megináhersla í
starfi NMPU að undanförnu verið
lögð á að auka tengsl þeirra samtaka
sem vinna að tónlistaruppeldi á
Norðurlöndum. Í þessu skyni hefur
verið tekið upp reglulegt samstarf við
norræn samtök tónlistarskólastjóra.
Þetta hefur m.a. orðið til þess að
opna tónlistarkennurum möguleika á
þátttöku í árlegum náms- og kynnis-
ferðum sem skólastjórasamtökin gangast
fyrir. Á sama hátt hefur þátttaka skólastjóra
aukist í námskeiðum, ráðstefnum og nám-
stefnum sem NMPU hefur gengist fyrir.
Fjölbreytt efnisval
Á námstefnum NMPU hefur hluta tím-
ans jafnan verið varið til fyrirlestrahalds og
tónleika sem eru ætlaðir öllum þátttakend-
um en þess á milli er skipt niður í smærri
hópa og úr ýmsu að velja. Þetta gerir að
verkum að dagskráin höfðar til mjög
margra en að sama skapi er ógerningur að
ætla að fylgjast með öllu sem fram fer.
Á námstefnunni í Færeyjum voru kynnt-
ar margvíslegar nýjungar í kennsluháttum
auk þess sem þátttakendur kynntust ýmsu
efni sem verður án efa notadrjúgt í
kennslu. Hver dagur hófst á 30 mínútna
morgunsöng í umsjón fulltrúa tveggja
landa hverju sinni. Að því búnu var sameig-
inlegur fyrirlestur en því næst skipt í þrjá
hópa sem fengust við mismunandi við-
fangsefni. Námstefnan var vel skipulögð og
tókst að öllu leyti eins og best verður á kos-
ið. Íslensku þátttakendurnir urðu þó fyrir
því óláni að þoka í Reykjavík tafði brottför
um rúman sólarhring. Dvölin í Færeyjum
varð hins vegar jafn löng og ráð hafði verið
fyrir gert því að heimferð okkar dróst
einnig vegna þoku í Færeyjum. Af þessum
sökum misstu íslensku þátttakendurnir af
fyrsta hluta námstefnunnar og flytja varð
íslenskan fyrirlestur á milli daga. Eigi að
síður var námstefnan mjög áhugaverð.
Húsakynni Norðurlandahússins í Þórshöfn
hentuðu vel og þar fór mjög vel um þátt-
takendur. Fróðlegt var að kynnast þróun
tónlistar í Færeyjum í tali, tónum og dansi.
Er greinilegt að tónlistarlíf er þar blóm-
legt.
Af áhugaverðum dagskráratriðum
á námstefnunni í Færeyjum má
nefna kynningu Lennart Winnberg,
lektors við tónlistarháskólann í
Gautaborg, á aðferð og nýju náms-
efni sem hann hefur þróað undan-
farin ár og nefnist „Från öra till
hjärta“. Upphaflega setti höfundur
saman efni til nota í eigin tónheyrn-
arkennslu við tónlistarháskólann
sem leiddi til þess að farið var að
nota efni hans og aðferðir víðar og
fyrir aðra aldurshópa. Nú er það
notað víða með góðum árangri. Er
þar miðað við að samhliða námi í
hljóðfæraleik þjálfist nemendur í að
hlusta, syngja og spila eftir heyrn,
skrifa niður laglínur, lesa óundirbúið
og spinna. Hægt er að nota efnið
fyrir alla aldurshópa og nemendur á
ýmsum stigum tónlistarnáms.
Einnig má nefna kynningu á
norsku tilraunaverkefni sem hefur
verið í gangi í öllum fylkjum lands-
ins undanfarin fimmtán ár og er
unnið í samstarfi grunnskóla og
listaskóla (tónlist, myndlist, leiklist,
dans). Þar er markmiðið að skapa já-
kvætt samfélag innan og utan skól-
ans sem efli jafnframt sköpunargáfu hvers
nemanda.
Norður lönd
24
Dagana 27. júní til 2. júlí sl. söfnuðust
nær 80 norrænir tónlistaruppalendur
saman í Norðurlandahúsinu í Þórs-
höfn í Færeyjum þar sem fram fór
námstefna á vegum norrænna sam-
taka tónlistaruppalenda (NMPU) með
yfirskriftinni Tónlistin og barnið.
Tónlistin og barnið
Námstefna NMPU í Færeyjum
Samtökin Nordisk Musikpædagog-
isk Union (NMPU) voru stofnuð árið
1952 og meðlimir eru um 17 þúsund.
Samtökin starfa núorðið ekki einung-
is í Norðurlöndum heldur láta þau
einnig til sín taka á samevrópskum
vettvangi. Norrænir tónlistar- og
listaskólar eru sérstakir fyrir margra
hluta sakir, meðal annars vegna
stöðu sinnar í skólalöggjöf landanna
og lýðræðislegrar sýnar á uppeldi í
listum. NMPU hefur þegar hafið
kynningu á norrænu aðferðinni í öðr-
um löndum Evrópu.
Tveir þátttakenda, Þórunn Björnsdóttir og Sig-
rún Grendal æfa sig á þjóðarhljóðfæri Finna,
kantele.