Skólavarðan - 01.08.2001, Page 23
Hilmar Þórðarson og Ríkharður H.
Friðriksson kynntu nám í tölvutónlist og
fjölbreyttan hugbúnað. Vakti fyrirlestur
þeirra mikla athygli.
Finnski tónlistarkennarinn Jukka
Pietinen kenndi og kynnti finnsk þjóðlög
og dansa auk þess að kynna finnska þjóðar-
hljóðfærið kantele. Eru slík hljóðfæri víða
notuð í finnskum grunn- og tónlistarskól-
um. Íslensku þátttakendurnir nutu góðs af
þessari kennslu og fengu reyndar aukatíma
í stað þess sem tapaðist í þokunni. Nægði
kunnáttan til að hægt var að leika undir
söng og dansi undir borðum í hátíðar-
kvöldverði. Væri mjög vel athugandi að
reyna kantele í tónlistarkennslu hérlendis.
Ýmsir dagskrárliðir fjölluðu um tónlist-
aruppeldi og tónlistarupplifun ungra og
jafnvel ófæddra barna, enda meginþema
námstefnunnar tónlistin og barnið.
Tónlistin og samfélagið í Kópavogi
2003
Á almennum fundi þátttakenda, sem var
haldinn síðasta dag námstefnunnar, gerði
stjórn NMPU grein fyrir starfi samtakanna
undanfarin tvö ár og kynnti framkvæmda-
áætlun fyrir komandi starfstímabil. Norð-
menn tóku við forsæti NMPU af Dönum á
fundinum og einnig var samþykkt stuðn-
ingsyfirlýsing við íslenska tónlistarskóla-
kennara í kjarabaráttu og áskorun til við-
semjenda um að semja tafarlaust um sam-
bærileg kjör og eru annars staðar á Norð-
urlöndum.
Í lok fundarins buðu íslensku stjórnar-
mennirnir til 23. námstefnu NMPU sem
verður haldin í Tónlistarhúsi Kópavogs
dagana 25.-29. júní 2003 með yfirskriftinni
Tónlistin og samfélagið. Samtímis verður
haldin í Kópavogi hátíð norrænna tónlistar-
og listaskólanema og er gert ráð fyrir 300
þátttakendum. Er þetta í fyrsta skipti sem
blandað verður saman námstefnu fyrir tón-
listaruppalendur og hátíð nemenda en gert
er ráð fyrir að tónlistarnemar komi fram á
tónleikum á námstefnunni. Það er von
skipuleggjenda að þessi nýbreytni takist vel.
Kristín Stefánsdóttir
Norður lönd
25
Íslensku þátttakendurnir: Ólöf Una Jónsdóttir, Þórunn Björnsdóttir, Sigrún Grendal Jóhannesdóttir,
Hafdís Kristinsdóttir, Kristín Stefánsdóttir, Ríkharður H. Friðriksson og Hilmar Þórðarson.
Nýr kjarasamningur fyrir grunn-
skóla var undirritaður 9. janúar
sl. en kom ekki að fullu til fram-
kvæmda fyrr en nú í byrjun
skólaárs. Því fengu sveitarstjórn-
ir, skólastjórnendur og kennarar
tíma til að aðlagast þeim breyt-
ingum sem samningurinn felur í
sér.
Þrátt fyrir þennan aðlögunar-
tíma voru því miður fáir búnir að
ganga frá úthlutun úr „launa-
flokkapottinum“ við fyrstu launa-
afgreiðslu skv. nýjum kjarasamn-
ingi en framvegis er ætlunin að
úthlutun sé lokið tímanlega að vori, jafnvel í mars.
Ekki hafa allir sama skilning á verkstjórnarþætti skólastjóra.
Eins og nafnið ber með sér er verið að færa mun fleiri störf
kennara undir verkstjórn skólastjóra en fyrri samningur kvað á
um. Í handbók með kjarasamningnum eru leiðbeiningar og
listi yfir atriði sem skólastjóri þarf að huga að þegar hann ráð-
stafar verkstjórnartímanum, enginn tími er tiltekinn því að
skólastjórinn á að fara yfir vinnuframlag með hverjum kenn-
ara og nýting á tímum getur verið breytileg milli kennara, frá
viku til viku eða mánuði til mánaðar. Mikilvægt er að endur-
skoða skiptingu verkstjórnartímans reglulega og rétt að ítreka
að launaflokkar úr pottinum eru ekki til að borga fyrir tíma,
hann þarf að meta sérstaklega, til dæmis vegna umsjónar
með bekk, fagi eða stofu.
Um undirbúning stendur í handbókinni: „Tími til undirbún-
ings og úrvinnslu telst 20 mínútur að lágmarki fyrir hverja 40
mínútna kennslustund. Skólastjóri metur í samráði við hvern
kennara þörf aukins undirbúningstíma sem dregst frá 9,14
klst. verkstjórnarþættinum. Tími til umsjónarstarfa og for-
eldrasamstarfs telst ekki hluti af undirbúningstímanum heldur
verkstjórnarþættinum.“
Athygli er vakin á að ekki er fjallað um árganga- og fag-
stjórn í samningnum en hins vegar var samið um röðun deild-
arstjóra. Skólastjóri sækir um heimild til sveitarstjórnar til að
ráða deildarstjóra.
Talsverðar væntingar eru til kjarasamningsins en hann veld-
ur ekki straumhvörfum einn og sér. Hins vegar fá skólar rýmri
tækifæri til að þróast og breytast eins og önnur fyrirtæki og
mun fleiri ákvarðanir um laun og vinnutíma kennara flytjast út
í einstaka skóla. Allt veltur á framkvæmdinni, hvernig skólum
tekst að fara með aukin völd og áhrif, og síðast en ekki síst
hvernig sveitarfélög höndla kjarasamninginn, hann er ekki
kvótabundinn heldur er ætlast til að þau taki ákvörðun um
stjórnun og yfirvinnu í hverjum skóla fyrir sig.
Guðrún Ebba Ólafsdóttir
formaður Félags grunnskólakennara
Grunnskóli
1. ágúst runninn upp
Kjaramál