Skólavarðan - 01.08.2001, Page 18
Hvassaleitisskóli hóf haustið 2000 að vinna
að tveimur Sókrates/Comeníusar sam-
starfsverkefnum með sex erlendum skólum
á vegum Evrópusambandsins. Alþjóða-
skrifstofa háskólastigs/Landsskrifstofa
Sókratesar er tengiliður þessa samstarfs á
Íslandi.
Verkefnin sem unnið er að heita: Ég hef
gaman af að fara í skólann og Skip og
skipaleiðir.
Samstarfsverkefnin ganga undir nafninu
Comeníus og eru þátttakendur í verkefn-
inu um skólann frá Þýskalandi, Slóveníu og
Tékklandi en verkefnið um skipin er unnið
með skólum frá Þýskalandi, Póllandi og
Litháen.
Ég hef gaman af að fara í skólann
Markmið verkefnisins Ég hef gaman af að
fara í skólann er að bæta skólastarf á ýmsan
hátt, svo sem að skólaumhverfið verði vist-
vænna fyrir nemendur og ekki síst að stuðla
að bættri líðan þeirra.
Til þess að kanna viðhorf nemenda til
þessara þátta voru lagðar 29 spurningar
fyrir alla nemendur skólans í 5. til 10. bekk
og voru þær unnar af þeim sjálfum.
Þegar niðurstöður könnunarinnar
lágu fyrir í hverju landi var reynt að
bregðast við með því að lagfæra og
aðlaga þá þætti sem nemendum
fannst betur mega fara.
Margt áhugavert kom fram í
könnuninni.
Í Hvassaleitisskóla óskuðu til
dæmis 99% nemenda í 5. til 10.
bekk eftir því að fá að kaupa hádeg-
ismat í skólanum.
Sala á hádegismat til nemenda í
1. til 4. bekk hófst í byrjun nóvem-
ber sl. og einnig var reynt að verða
við óskum nemenda í eldri bekkj-
um skólans. Í framhaldi af því var svo í des-
ember farið að bjóða eldri nemendum upp
á að kaupa hádegismat. Þetta fyrirkomulag
hefur reynst einstaklega vel.
Annað mjög áhugavert kom fram í könn-
uninni. Mörgum nemendum fannst þeir
vera þreyttir að skóla loknum. Kennarar
töldu það benda til þess að nemendur færu
of seint að sofa og var gert átak í að reyna
að breyta því.
Skip og skipaleiðir
Markmið verkefnisins Skip og skipaleiðir
var að fá nemendur til að skoða líf og lifn-
aðarhætti fólks sem hefur unnið að sjó-
mennsku og var lögð áhersla á að nem-
endur sjálfir sæktu fólkið heim. Þeir fóru
víða að leita fanga, m. a. til Stokkseyrar,
Eyrarbakka og suður með sjó til að tala við
sjómenn og fólk sem tengist sjósókn. Þeir
tóku viðtölin við fólkið upp á myndband,
klipptu það til og settu við það enskan
texta.
Fyrirhugað er að koma efninu frá öllum
löndunum fyrir á sameiginlegum geisla-
diski.
Auk þess að taka þátt í áðurnefndum
verkefnum unnu nemendur skólans kynn-
ingu á lífi og starfi Hvassaleitisskóla, tóku
ljósmyndir og skrifuðu texta við þær á
ensku.
Nemendur allra landanna hafa skrifast á
allan tímann og í gegnum bréfaskriftirnar
hafa þeir gert sér grein fyrir því að þeir lifa
svipuðu lífi þrátt fyrir ólíkar aðstæður.
Vinnan við verkefnin hefur verið mjög fjöl-
breytt, skemmtileg og hugmyndaauðgandi
fyrir kennara og ekki síður nemendur og
tvímælalaust leitt til aukins skilnings þeirra
á sameinaðri Evrópu.
Pétur Orri Þórðarson
Evrópa
20
Comeniusarverkefni í Hvassaleitisskóla
99% nemenda vilja
kaupa hádegismat í skólanum
Vika símenntunar verður haldin dagana 3.-9. september n.k. Vikan sem haldin er
á vegum menntamálaráðuneytisins, er nú haldin í annað sinn hér á landi og sér
MENNT um skipulagningu og framkvæmd hennar í samvinnu við símenntunar-
miðstöðvar víða um land. Yfirskrift vikunnar í ár er: „Ísland og umheimurinn -
tungumál og tölvukunnátta“. Ýmsir viðburðir tengdir þema átaksins verða í gangi
alla vikuna auk þess sem Vika símenntunar er ætluð til að vekja athygli fólks á mik-
ilvægi þess að afla sér þekkingar allt lífið.
Tilkomu Viku símenntunar má rekja til þess að á 30. aðalráðstefnu UNESCO árið
1999 var samþykkt að hvetja aðildarlöndin til að halda árlega svokallaða „adult l
earners week“ frá og með árinu 2000 í tengslum við alþjóða læsisdaginn 8. sept-
ember.
Dagskrá Viku símenntunar er fjölbreytt þannig að hún höfði til sem flestra. Meðal
dagskrárliða má nefna námskynningar, símenntunardag í fyrirtækjum, vefsíðu,
málþing, fræðsluhátíð o.fl.
Málþing á Hótel Loftleiðum 5. september 2001
Miðvikudaginn 5. september verður haldið málþing í tilefni Viku símenntunar.
Málþingið sem haldið verður á Hótel Loftleiðum hefst kl. 13:00 og verður það að
öllum líkindum sent út í fjarfundabúnaði. Málþingið ber yfirskriftina „Ísland og um-
heimurinn - tungumál og tölvukunnátta“ Hver er framtíðin - hvert stefnir? Meðal
fyrirlesara verða, auk Björns Bjarnasonar menntamálaráðherra: Páll Kr. Pálsson for-
stjóri 3p Fjárhús, Eyþór Eðvarðsson IMG, Guðrún Magnúsdóttir forstjóri ESTeam
AB, Arthúr Björgvin Bollason Sögusetrinu á Hvolsvelli og Þorsteinn Gunnarsson
rektor Háskólans á Akureyri.
Slóðin að heimasíðu Viku símenntunar er http://mennt.is/simenntun/
Vika símenntunar
Þórunn Kristinsdóttir aðstoðarskólastjóri og
Pétur Orri Þórðarson skólastjóri
í mötuneyti hvassaleitisskóla
Frétt