Skólavarðan - 01.01.2003, Blaðsíða 22

Ég fullyrði að öllu alvarlegri atlaga hafi
verið gerð gegn útgáfustarfsemi kennara á
stofnþingi KÍ árið 1999. Og hún tókst. Þá
á ég við þegar Kennarablaðið og Ný
menntamál voru lögð niður og ekkert
stofnað í staðinn. Þó að ég hafi ritstýrt
Kennarablaðinu og misst vinnuna sakna ég
Nýrra menntamála miklu meira. Skóla-
varðan er svo sem ágætis blað og kemur í
stað Kennarablaðsins en hún kemur á eng-
an hátt í staðinn fyrir Ný menntamál og
fræðilegu umræðuna sem þar fór fram. Sú
umræða hefur engan farveg innan Kenn-
arasambands Íslands. Það er missir. Og það
er til skammar fyrir kennara.
Helgi segir í grein sinni að það sé ,,lýð-
ræðisleg skylda Kennarasambandsins að
miðla upplýsingum til félagsmanna um
fagleg málefni, kjaramál, réttindamál
o.s.frv.“
Vissulega ber KÍ að miðla upplýsingum
til félagsmanna sinna. En KÍ á að mínu
mati að vera miklu meira en miðlari. Það á
að vera miðstöð samskipta
milli kennara um skólamál
og kjaramál. Það á að vera
opið félag sem hvetur til
skoðanaskipta og býr til vett-
vang fyrir fræðilega skóla-
málaumræðu um kjara- og réttindamál.
Á þessum sviðum hefur Kennarasam-
band Íslands gjörsamlega brugðist. KÍ er
að mínu mati ólýðræðisleg stofnun sem
lætur sér nægja að miðla upplýsingum til
félagsmanna sinna en gerir ekkert til að
örva umræðu meðal þeirra.
Umræðan um útgáfumál á
stofnþinginu
Ein af röksemdunum fyrir því að leggja
niður fræðilega málgagnið Ný menntamál
var sú að ódýrara og árangursríkara væri að
efna til fræðilegrar umræðu á vef sam-
bandsins heldur en í prentmiðli. Og rætt
um það á stofnþinginu að efna til slíks.
Gott ef ekki ákveðið.
En hvað hefur gerst? Ekkert. Það fer
ekki fram nein opinber umræða á vegum
Kennarasambands Íslands, hvorki um
skólamál né kjaramál. Það er enginn lifandi
vefur Kennarasambandsins til. Bara miðl-
unarvefur í eina átt. Það eru engir fundir
haldnir á vegum Kennarasambands Íslands
um skólamál. Það er til skammar fyrir ís-
lenska kennara að eiga engan vettvang fyrir
fræðilega skólamálaumræðu. (Innan sviga
hlýt ég reyndar að minna á að til dæmis
móðurmálskennarar, tungumálakennarar
og sérkennarar hafa efnt til umræðu í mál-
gögnum sínum. En ég er að ræða um skoð-
anaskipti sem ná til allra almennra kenn-
ara. Þau eru ekki til).
Ég veit ekki hvernig þessum málum er
háttað hjá einstökum aðildarfélögum KÍ
öðrum en því sem ég tilheyri og þar er
sömu sögu að segja. Það er ekkert að
gerast.
Kennarar væla reglulega yfir því að al-
menningur hafi engan áhuga á skólamál-
um. Hver hefur ekki heyrt þessa setningu
(eða sagt hana): „Fjölmiðlar hafa engan á-
huga á skólum nema þegar kennarar fara í
verkföll.“
En ef samtök okkar og við sjálf sýnum
slíkri umræðu ekki neina ræktarsemi því á
þá nokkur að gera það?
Afstaða annars þing KÍ
Annað þing KÍ samþykkti eftirfarandi
tillögu um upplýsingamál: ,,Áfram verði
rekin metnaðarfull heimasíða þar sem
miðlað verði fréttum og öðrum fróðleik
sem varðar starfsemi Kennarasambandsins og
aðildarfélaga þess, ásamt umfjöllun um
skóla-, kjara- og félagsmál. Möguleikar nýs
forrits verði nýttir sem best til þess að
heimasíðan endurspegli starfsskipulag sam-
bandsins og aðildarfélaga þess og leiðakerfi
og framsetning séu til þess fallin að laða
fleiri félagsmenn til þess að notfæra sér
heimasíðuna í daglegu starfi. Möguleikar
hinnar nýju heimasíðu t.d. til þess að gera
viðhorfskannanir meðal félagsmanna verði
nýttir og telur þingið að slík viðbót við
starfsemina geti orðið hvati til aukinnar
þátttöku félagsmanna í mótun starfsemi
sambandsins.“
Ég bið lesendur að skoða þennan texta
vandlega. Ég skáletraði nokka parta. Takið
eftir því að ekki er einu orði vikið að virkni
hins almenna kennara. Jú, reyndar, hann á
að lesa heimasíðuna og taka þátt í skoðana-
könnunum. En svo búið! Meira að segja
nýja ,,forritið“ á að endurspegla sambandið
og aðildarfélögin! („Leiðakerfi og fram-
setning“ á að „laða okkur“ að því að nota
hana í daglegu starfi)!
Innihaldið? Jú, miðlanir frá Kennara-
sambandinu!
Ég heimta úrbætur
Fyrsta krafa mín er sú að þegar í stað
verði búinn til vettvangur fyrir lifandi
skoðanaskipti kennara um skólamál og
fræðilega umræðu á óritskoðuðum vef sam-
bandsins.
Í öðru lagi krefst ég þess
að Kennarasamband Íslands
efni til mánaðarlegra funda
um skólamál. Ekki bara í
Reykjavík heldur út um allt
land.
Í þriðja lagi heimta ég að leitað verði til
starfandi kennara um skipulagningu þess-
ara viðfangsefna. Þetta á ekki að vera bara
undir stjórn bírókratanna í Kennarahúsinu.
Í fjórða lagi heimta ég að þetta verði
kynnt rækilega meðal allra félagsmanna KÍ.
Síðast þegar ég skrifaði í Skólavörðuna
var grein mín borin undir fyrrverandi for-
mann FG og núverandi borgarfulltrúa
íhaldsins í Reykjavík og hann fékk að svara
í sama tölublaði. Ég varð mjög svekktur
yfir þeim dónaskap. En í þetta sinn skal ég
éta það ofan í mig.
Mín vegna má ritstjórinn sýna þessa
grein hverjum sem hann kýs og birta
andsvör þeirra ef honum sýnist svo.
Mér finnst umræðan þess virði!
Eiríkur Brynjólfsson
Höfundur er grunnskólakennari.
Umræða
24
Helgi E. Helgason skrifar í síðustu
Skólavörðu um meinta atlögu gegn
útgáfustarfsemi. Ég las af áhuga.
Hver vill skemma útgáfustarfsemi KÍ?
Er einhver umræða hafin um útgáfu-
starf KÍ? Æ, nei, atlagan var hækkun
póstburðargjalda hjá einokunarfyrir-
tækinu Íslandspósti. Vááá!
Er
Kennarasambandið miðlari?
En hvað hefur gerst? Ekkert. Það fer ekki fram nein op-
inber umræða á vegum Kennarasambands Íslands,
hvorki um skólamál né kjaramál.