Félagsbréf - 01.08.1961, Page 15

FÉLAGSBRÉF
13
en eðlismun að ræða eftir námsgreinum eða viðfangsefnum, að minnsta
kosti innan hugvísinda.
II
Ef mér væri gert að nefna átta af mestu íslenzku nafngreindu ljóðskáld-
um látnum, yrðu þar helzt fyrir valinu Egill Skallagrímsson, séra Hall-
grímur Pétursson, Bjarni Thorarensen, Jónas Hallgrímsson, Grímur Thom-
sen, séra Matthías Jochumsson, Stephan G. Stephansson og Einar Benedikts-
son. Vitaskuld má um valið deila, og ýmsir munu vera þar nokkuð ann-
arrar skoðunar, þótt varla geti þar skeikað miklu, miðað við þessa tölu.
En hér er einkum tvennt athyglisvert. Sex þessara átta miklu ljóðskálda
eru frá 19. og 20. öld, og eru samt ótalin þau, sem nú eru á lífi. Þar er
þó þess að gæta, að hér komu ekki til álita ónafngreind skáld Eddukvæða
og Sólarljóða. En í annan stað eru tvö af fyrrnefndum öndvegisskáldum
prestar (séra Hallgrímur og séra Matthías) og tvö lögfræðingar (Bjarni
Thorarensen og Einar Benediktsson).
Það kom mér nokkuð á óvart, þegar ég gerði mér þess ljósa grein, hve
lögfræðingar koma mikið við bókmenntir okkar og einkum skáldmenntir, og
svo kann fleirum að fara, og því skal það hér rifjað lítillega upp, — enda
hefur lögfræði lengstum verið kennd til flests fremur en skáldskapar.
Orðið lögfræðingur eða lagamaður verður hér tekið í víðustu og frjáls-
ustu merkingu: maður, sem annaðhvort hefur stundað laganám eða laga-
störf eða hvort tveggja. Saga próflærðra íslenzkra lögfræðinga tekur að-
eins yfir níu síðustu aldarfjórðunga, hinn fyrsti þeirra lauk prófi við
Kaupmannahafnarháskóla 1736. Þaðan hafa 218 íslendingar lokið lög-
fræðiprófum, minni og meiri (35 svokölluðu dönsku lagaprófi, sem var
minna háttar, og 183 fullkomnu lagaprófi). — Lagaskólinn íslenzki tók
til starfa 1908, en þar tók aldrei neinn próf, því að hann varð deild í
Háskóla Islands við stofnun hans 1911, og voru fyrstu lögfræðipróf hér-
lendis tekin 1912. Nú, á hálfrar aldar afmæli Háskóla íslands, hafa braut-
skráðst þaðan 436 lögfræðingar. Alls hafa því nú lokið háskólaprófi í lög-
fræði 654 íslendingar á síðustu 225 árum. — En saga íslenzkra laga-
Utanna nær yfir meira en þúsund ár, eða frá því er ÍJlfljótur tók að vinna
aÓ fyrstu löggjöf íslendinga.
Þessum stutta þætti er ekki ætlað að vera neitt yfirlit, heídur lauslegt
^sematal til ábendingar og upprifjunar — og þó mörgu verðugu sleppt.