Frón - 01.01.1943, Page 54

•48
Guðmundur Arnlaugsson
Ármanni á Alþingi og Fjölni, Nýjum félagsritum og Eimreiðinni.
í því félagslífi er stóS að baki þessum ritum þroskuðust ýmsir
þeir menn er síðar stóðu í fylkingarbrjósti í íslenzkum menning-
armálum. í þessu andrúmslofti urðu til mörg vinsælustu kvæði
okkar fslendinga. Kvæði Jónasar Hallgrímssonar komu í Fjölni,
Eimreiðin hóf göngu sína á einu kunnasta kvæði Porsteins Erlings-
sonar, Hannes Flafstein orti mörg sinna beztu kvæða á stúdents-
árunum i Höfn. Þessi borg var sá staður þar sem ungir íslenzkir
menntamenn vöknuSu til vitundar um land sitt og þjóðerni og
aðstöSu sína í veröldinni.
Nú eru aS vísu aSrir tímar og breytt viðhorf. Hinir ungu ís-
lenzku menntamenn eru dreifðir um Danmörk, SvíþjóS, Þýzka-
land og Noreg. En hér á meginlandinu eru áreiSanlega margir
sem geta lagt drjúgan skerf til íslenzkra menningarmála, ef þeim
-er gefinn kostur á því. Fyrsta sporiS i þá átt aS sameina þá til
menningarlegra átaka er útgáfa þessa tímarits. En nú kemur til
lcasta allra íslendinga erlendis að bregSast svo viS aS þetta megi
'verSa upphaf nýrrar blómaaldar í félagslífi þeirra.