Fréttablaðið - 15.11.2016, Blaðsíða 10

Viðskipti Um 83 þúsund störf í fjár­
málageiranum í London gætu horf­
ið ef Bretland missir ákveðin evru­
tengd réttindi í kjölfar útgöngu
Breta úr Evrópusambandinu. Þetta
kemur fram í nýrri skýrslu EY sem
Financial Times greinir frá.
Samkvæmt skýrslunni mun 31
þúsund sölustarf og 18 þúsund
bakvinnslu­ og endurskoðenda­
störf í bankageiranum tapast. Um
er að ræða ástandið ef útgöngu­
samningar fara á versta mögulega
veg. Sérfræðingar hjá EY telja að
störfin myndu tapast yfir sjö ára
tímabil.
Staða London sem miðstöðvar
fjármálageirans í Evrópu hefur verið
í uppnámi frá því að úrslit kosning­
anna um Evrópusambandið lágu fyrir
í sumar. Enn er óvíst hvernig útgöngu­
samningar munu nást. Fjöldi fjár­
málastofnana hefur sagst ætla að færa
störf frá London ef allt fer á versta veg.
Sunday Times greindi nú síðast frá því
að bandaríski bankinn Citi íhugi að
flytja níu hundruð störf frá London
til Dublin. – sg
Níutíu þúsund störf í hættu
Bandaríkin Donald Trump, nýkjör­
inn forseti Bandaríkjanna, er byrj­
aður að velja í æðstu embætti í
Hvíta húsinu.
Trump hefur tilkynnt að Reince
Priebus, formaður landsnefndar
Repúblikanaflokksins, muni gegna
starfi starfsmannastjóra Hvíta
hússins. Hann hefur einnig skipað
Stephan Bannon yfirmann stefnu­
mótunar ríkisstjórnarinnar að því
er kemur fram í yfirlýsingu. Báðir
mennirnir gegndu veigamiklu hlut­
verki í kosningaherferð Trumps.
Priebus var kjörinn formaður
landsnefndar Repúblikanaflokksins
árið 2011 og hefur skipan hans hlot­
ið nokkuð lof fjölmiðla vestanhafs.
Bannon, sem er kaupsýslumaður
og fjölmiðlamógúll, hafði yfirum­
sjón með kosningaherferð Trumps.
Hann rekur vefmiðilinn Breitbart
News sem er þekktur fyrir þjóð­
ernis hyggju, kynþáttahyggju og
samsæriskenningar í umfjöllun
sinni. Fjölmiðlar gagnrýndu í gær
skipan Bannons vegna þessa.
New York Times hefur tekið
saman lista yfir mögulega menn
í fleiri embætti sem Trump mun
skipa í. Meðal annars er því spáð
að Newt Gingrich, fyrrverandi
forseti bandaríska þingsins, gæti
orðið utanríkisráðherra, og að Chris
Christie, fyrrverandi ríkisstjóri New
Jersey og stuðningsmaður Trumps,
gæti orðið viðskiptaráðherra.
Evrópskir stjórnmálamenn eru
nú farnir að láta í ljósi skoðanir
sínar á Trump. Utanríkisráðherrar
innan Evrópusambandsins segjast
eiga von á sterkri samvinnu við
Bandaríkin eftir að hafa fundað um
kjör Trumps. BBC greinir frá því að
ráðherrarnir hafi komið saman á
sunnudagskvöld og að þeir hafi rætt
óformlega um Trump. Þeir segjast
þó þurfa að vita meira um hverjar
áætlanir Trumps séu.
Á meðan á kosningabaráttu
Trumps stóð gaf hann í skyn að
Bandaríkin myndu ekki sjálfkrafa
koma öðru NATO­ríki til bjargar ef
það yrði fyrir árás.
Yfirlýsingar utanríkisráðherr­
anna stangast verulega á við skoðun
Jean­Claude Juncker, forseta fram­
kvæmdastjórnar Evrópusambands­
ins. Hann varaði við því á föstudag
að kjör Trumps gæti komið tengsl­
um milli Evrópu og Bandaríkjanna
í uppnám.
Nigel Farage, fyrrverandi for­
maður UKIP, fundaði með Donald
Trump um helgina. Hann tísti í kjöl­
farið að það hefði verið mikill heið­
ur að fá að eyða tíma með Trump og
að hann væri viss um að hann yrði
góður forseti.
Fundurinn var litinn hornauga af
ráðamönnum í Bretlandi þar sem
Farage hitti Trump á undan for­
sætis ráðherra Bretlands og öðrum
hátt settum stjórnmálamönnum.
Farage bauðst síðan til að kynna
breska stjórnmálamenn fyrir Trump
en Theresa May forsætisráðherra
hefur afþakkað. saeunn@frettabladid.
Línur Trumps farnar að skýrast
Donald Trump hefur skipað í tvö mikilvæg embætti innan Hvíta hússins og hlotið gagnrýni fyrir val sitt.
Utanríkisráðherrar Evrópu segjast eiga von á sterkri samvinnu. Nigel Farage og Trump hafa nú þegar hist.
Trump ásamt Reince Priebus og Mike Pence, verðandi varaforseta. Fréttablaðið/Getty
FJarskipti Neytendastofu hafa bor­
ist mörg erindi frá neytendum vegna
auglýsinga fjarskiptafyrirtækja á
netþjónustu og hraða nettenginga.
Neytendastofa hefur beðið Póst­ og
fjarskiptastofnun að upplýsa hvort
og hvernig fyrirtæki á fjarskipta­
markaði geti veitt öllum neytendum
þann hraða á interneti eða breið­
bandstengingum sem auglýstur er. 
Í viðmiðum systurstofnunar Neyt­
endastofu í Danmörku kemur fram
að óheimilt sé að auglýsa ákveðinn
hraða nema að unnt sé að tryggja
neytendum hann. – ibs
Skoða hraða á
nettengingum
Loforð um hraða tenginga eru kannski
ekki alltaf efnd. NORDICPHOTOS/GETTY
Staða London sem miðstöðvar fjármálageirans í Evrópu hefur verið í uppnámi frá því
að úrslit kosninganna um Evrópusambandið lágu fyrir í sumar. NORDICPHOTOS/GETTY
HEILL HEIMUR AF
SKEMMTUN VIÐ HÖNDINA
Stöð 2 Maraþon NOW er ný streymisveita fyrir
snjallsíma, spjaldtölvur, Apple TV og vefspilara.*
2now.is
2.990 KR. Á MÁNUÐI
*Þjónustan er einnig aðgengileg á myndlyklum Símans.
MÍN AÐ SKRÁ SIG
DAGAR FRÍTT3
Viðskipti Stjórn Lindarhvols hafnar
öllum ásökunum bjóðenda í hlut
ríkisins í Klakka.
Í yfirlýsingu Lindarhvols segir að
söluferlið hafi verið opið öllum og
tilboðsgjafar mátt senda tilboð á því
formi og með þeim fyrirvörum sem
hentaði hverjum og einum. Ekki
hafi verið sett önnur skilyrði en að
skilað væri á rafrænu formi fyrir
klukkan 16 þann 14. október. 
Meðal þess sem gagnrýnt hefur
verið er að með rafrænni opinni
sendingu sé ekki fyllilega tryggt
að verðhugmyndir bjóðenda séu
ljósar á sama tíma. Stjórn Lindar­
hvols segir slíkt venjubundið og til
þess fallið að jafna stöðu innlendra
og erlendra bjóðenda og að tryggja
að rafræn staðfesting sé fyrir inn­
komnum tilboðum.
Kvika gerði tilboð í eigin nafni,
en síðar hefur komið fram að það
var fyrir hönd viðskiptavina. Sam­
kvæmt tilkynningu Lindarhvols
munaði fjórum milljónum króna á
hæsta og lægsta tilboði og var tilboð
Kviku lægst. – hh
Hafna gagnrýni bjóðenda
sVíÞJÓð Þriðjungur sænskra kenn­
ara segir skólastjóra hafa reynt að
hafa áhrif á einkunnagjafir, meðal
annars vegna þrýstings frá foreldr­
um nemanna. Kennarar sem ekki
eru „sveigjanlegir“ eiga á hættu að
fá lægri laun.
Þriðjungur kennaranna, eða 36
prósent, greinir frá því í könnun að
þrýstingurinn hafi haft áhrif á ein­
kunnagjöfina. – ibs
Þrýst á kennara
1 5 . n Ó V e m B e r 2 0 1 6 Þ r i ð J U d a G U r10 F r é t t i r ∙ F r é t t a B L a ð i ð
1
5
-1
1
-2
0
1
6

0
4
:4
0
F
B
0
4
0
s
_
P
0
3
8
K
.p
1
.p
d
f
F
B
0
4
0
s
_
P
0
3
1
K
.p
1
.p
d
f
F
B
0
4
0
s
_
P
0
0
3
K
.p
1
.p
d
f
F
B
0
4
0
s
_
P
0
1
0
K
.p
1
.p
d
f
A
u
to
m
a
ti
o
n
P
la
te
r
e
m
a
k
e
:
1
B
4
9
-C
1
D
C
1
B
4
9
-C
0
A
0
1
B
4
9
-B
F
6
4
1
B
4
9
-B
E
2
8
2
7
5
X
4
0
0
.0
0
1
3
A

F
B
0
4
0
s
_
1
4
_
1
1
_
2
0
1
C
M
Y
K