Fréttablaðið - 30.11.2016, Qupperneq 48

H E I L S U R Ú M
A
R
G
H
!!!
3
01
11
6
(Aðeins 11.572 kr. á mánuði miðað við 18 mánaða vaxtalausan raðgreiðslusamning
með 3,5% lántökugjaldi og 405 kr. greiðslugjaldi og fyrsta greiðsla í mars 2017)
AÐEINS
1
DAGUR
EFTIR!
Fullt verð 388.407 kr.
TILBOÐSVERÐ 194.204 kr.
50%
AFSLÁTTUR
MORENA FIRM
ÞRIGGJA DAGA AÐVENTUBOMBA!
TónlisT
★★★★★
Verk eftir Finn Karlsson, Hauk Þór
Harðarson, Atla Heimi sveinsson,
Penderecki og Bach.
Flytjandi: Strokkvartettinn Siggi.
norðurljós í Hörpu
Sunnudagurinn 27. nóvember
Halda mætti að Strokkvartettinn
Siggi sé einhvers konar grínhópur.
Nafnið er svo kæruleysislegt, annað
en maður á að venjast úr heimi
kammertónlistar á Íslandi. En Sigga
er full alvara með tilvist sinni! Tón-
leikar hópsins í Norðurljósum á
sunnudaginn byrjuðu líka vel. Fyrst
á efnisskránni var prýðileg tónsmíð
eftir Finn Karlsson úr Errata hópnum
sem bar nafnið Hrafnaþing. Hún var
í þremur köflum. Upphafið var íhug-
ult og leitandi, en smám saman óx
tónlistinni ásmegin. Ferskleiki var í
tónmálinu, það var vissulega afstrakt
og ómstrítt, en innra samræmi var
ávallt ríkjandi. Rödd tónskáldsins
var heiðarleg og einlæg, útkoman
hrífandi falleg.
Hljóðfæraleikurinn var framúr-
skarandi, hver hljóðfæraleikari var
með allt sitt á hreinu. Spilamennskan
var einbeitt og vel ígrunduð. Siggi
samanstendur af valinkunnum hljóð-
færaleikurum, Unu Sveinbjarnar-
dóttur, Helgu Þóru Björgvinsdóttur,
Þórunni Ósk Marinósdóttur og Sig-
urði Bjarkasyni. Samspil þeirra var
hárnákvæmt og öruggt.
Efnisskráin var skemmtileg blanda
af gömlu og nýju. Nútímatónlistin
var þó í öndvegi, en hún var fleyguð
með tveimur fúgum úr Fúgulistinni
svokölluðu eftir Bach. Þær sköpuðu
einkar heillandi mótvægi við and-
rúmsloft tilraunamennsku og bylt-
ingu hefðbundinna forma. Fúgurnar
voru meistaralega spilaðar, forneskju-
leg stemningin var útfærð af smekk-
vísi. Þetta var tímalaus snilld.
Eftir fyrri fúguna virkaði Strengja-
kvartett nr. 1 eftir Penderecki frá
árinu 1960 stórfurðulegur til að
byrja með. Tónlistin samanstóð af
taugaveikluðu strengjaplokki. En svo
umbreyttist það í þrúgandi dulúð
ofurveikra hljóma sem voru á mörk-
um hins heyranlega. Andstæðurnar
voru áhrifamiklar og Siggi kom þeim
áreynslulaust til skila.
Heldur syrti í álinn eftir hlé. Fúga
eftir Bach var þó flott, en nýju verkin
voru ekki að gera sig. Hið fyrra var
Through the Whole Fabric of My
Being eftir Hauk Þór Harðarson úr
Errata. Það byggðist nánast eingöngu
á ofurveiku strengjaglissi, þ.e. fingrum
var rennt hægt eftir strengjunum.
Glissið hljómaði eins og geispi; það
var eins og fjórmenningarnir væru
geispandi hver ofan í annan. Annað
gerðist ekki í tónlistinni, sem var
býsna slappt.
Strengjakvartett nr. 3 eftir Atla
Heimi Sveinsson kom ekki heldur
vel út. Hann var í sex köflum. Þeir
voru sundurlausir innbyrðis, en ekki
bara það: Tónlistin náði aldrei flugi,
grunnhugmyndirnar voru sjaldnast
meira en klisjur. Úrvinnslan var mátt-
lítil, heildarmyndin veik. Ljóð eftir
Goethe sem Tui Hirv sópran söng í
einum kaflanum var eins og skrattinn
úr sauðarleggnum. Það gerði ekkert
fyrir verkið. Þetta kom á óvart; Atli
er jú mikilhæft tónskáld sem hefur
samið ótalmargt áhugavert og spenn-
andi. Verkið nú var því töluverð von-
brigði. Jónas Sen
niðursTAðA: Tónleikarnir byrjuðu
vel en enduðu illa.
Hárbeitt spilamennska,
misjöfn dagskrá
Strokkvartettinn Siggi, Sigurður, Þórunn Ósk, Una og Helga Þóra.
leiKHús
★★★★★
Borgarleikhúsið
Leikari, leikstjóri og höfundur:
Bergur Þór Ingólfsson
Leikmynd og búningar: Móeiður
Helgadóttir
Lýsing og hljóðhönnun: Garðar
Borgþórsson
Leikgervi: Elín S. Gísladóttir
Einar heldur mikið upp á jólin.
Einar er oftar en ekki einn á jól-
unum. En Einari þykir það bara allt
í lagi, hann er sjálfum sér nógur.
Þó er hann ekki alveg tilbúinn til
að eyða jólunum einn uppi á háa-
lofti en þar festist hann óvart í leit
sinni að jólaskrautinu. Borgarleik-
húsið býður áhorfendum á öllum
aldri upp á litla jólasýningu á Litla
sviðinu en Jólaflækja var frumsýnd
um síðastliðna helgi.
Potturinn, pannan, jólaskrautið
og aðalsprautan í sýningunni er
Bergur Þór Ingólfsson sem ekki
einungis leikur Einar heldur skrifar
líka handritið og leikstýrir. Ekki
eru neinar ýkjur að kalla Berg Þór
einn af fjölhæfustu og bestu sviðs-
listamönnum landsins um þessar
mundir. Hér er hann í essinu sínu
þar sem hann sleppir sínu innra
barni lausu. Líkamsbeiting hans er
með eindæmum góð en hann geifl-
ar sig af öllum kröftum og nánast
líður um sviðið, þarna kemur vinna
hans með trúðleik á síðustu árum
sér vel. Góðri raddbeitingu hans
í hlutverki vinalega sögumanns-
ins sem hjálpar Einari ljúflega að
komast úr hverri klípunni á fætur
annarri verður líka að hrósa.
Þrátt fyrir að söguþráðurinn sé
með einfaldasta sniði þá er upp-
bygging sýningarinnar virkilega
vel úthugsuð, þó að endirinn hafi
verið fremur endasleppur. Fram-
vindan byggist á einföldu vanda-
máli og lausnir eru prufaðar með
bráðfyndnum afleiðingum. Litlar
senur springa út eins og litríkar
jólastjörnur og Bergur Þór skilur
að tímasetning er lykillinn að
skopleik.
Jólaflækja er eins og heimboð
með gömlum vinum þrátt fyrir að
Einar sé eini heimilismaðurinn. Hér
glittir oft í gamla takta frá klassísk-
um kvikmyndastjörnum og hæfi-
leikamönnum á borð við Buster
Keaton, Charlie Chaplin og Gene
Kelly. Slík menningarmenntun er
börnum virkilega dýrmæt og verð-
ur vonandi til þess að kveikja áhuga
þeirra á klassískum söngleikjum og
grínmyndum þögla tímabilsins.
Móeiður Helgadóttir sér um
bæði leikmynd og búninga af
sinni alkunnu lagni og hugviti. Þá
eru leikmunirnir sérstaklega eftir-
tektarverðir en margir þeirra eru
hannaðir til að sinna fleiri en einu
hlutverki. Þarna skín góð samvinna
hennar og Bergs í gegn: gömul Raf-
ha-eldavél verður leiksvið, föður-
land breytist í brúður og jólaskreyt-
ingar umbreytast í glitrandi peysu,
svo mætti lengi telja.
Tónlistin er í höndum Garðars
og Bergs en söngtextarnir eru eftir
leikarann. Lögin eru tvö og eru vel
samin en hefðu jafnvel mátt vera
fleiri. Hljóðmynd Garðars er fallega
samansett og látlaus en dásamleg-
asta innslagið var þó endurtekning
á lítilli laglínu úr Hnotubrjóti
Tsjaík ovskíjs sem bæði setti tóninn
fyrir andrúmsloft sýningarinnar og
var ljúf áminning um jólaandann.
Einar er kannski einrænn ein-
feldningur og hrakfallabálkur en
hann er klárlega með hjartað á rétt-
um stað. Hið argasta fúlegg getur
ekki annað en brosað í návist hans.
Jólaflækja er innileg án þess að vera
of væmin, fimmaurabrandararnir
eru aldrei ódýrir og boðskapurinn
hollur áhorfendum á öllum aldri.
Sigríður Jónsdóttir
niðursTAðA: Jólaflækja bræðir
skammdegið í burtu og býður
gleðinni heim.
Að finna jólin innra með sér
„Einar er kannski einrænn einfeldningur og hrakfallabálkur en hann er klárlega með hjartað á réttum stað,“ segir í dómnum.
FréttabLaðið/EyÞÓr
3 0 . n ó V e m B e r 2 0 1 6 m i ð V i K u D A G u r20 m e n n i n G ∙ F r É T T A B l A ð i ð
menning
3
0
-1
1
-2
0
1
6
0
4
:1
2
F
B
0
5
6
s
_
P
0
4
9
K
.p
1
.p
d
f
F
B
0
5
6
s
_
P
0
4
8
K
.p
1
.p
d
f
F
B
0
5
6
s
_
P
0
0
8
K
.p
1
.p
d
f
F
B
0
5
6
s
_
P
0
0
9
K
.p
1
.p
d
f
A
u
to
m
a
tio
n
P
la
te
re
m
a
k
e
: 1
B
7
A
-E
6
9
C
1
B
7
A
-E
5
6
0
1
B
7
A
-E
4
2
4
1
B
7
A
-E
2
E
8
2
7
5
X
4
0
0
.0
0
1
7
B

F
B
0
5
6
s
_
2
9
_
1
1
_
2
0
1
C
M
Y
K