Fréttablaðið - 01.12.2016, Blaðsíða 34

Hann er kominn inn á leik-skóla!“ Frábærar fréttir sem bárust okkur foreldrunum
í tölvupósti einn góðan vordag.
Drengurinn fékk pláss og mátti
byrja um haustið. Að vísu ekki í leik-
skólanum sem við kusum helst, en
næsti bær við. Svo fengum við síðar
flutning. Þvílík kátína. Því á þeim
leikskóla er stigsmunur á við aðra
sem við höfum reynt í okkar barna-
uppeldi. Nú er þetta þriðja barnið
okkar og við reynslunni ríkari þegar
kemur að dagforeldrum og leik-
skólamálum. Þessi leikskóli nefni-
lega þekkist hjá okkur sem góði leik-
skólinn með litla starfsmannaveltu,
góðan starfsanda, ríkt þróunarstarf
og mikinn eldmóð í starfsfólkinu
öllu sem einu. Frábært og faglegt
starf í gangi í öllum skúmaskotum,
inni og úti og foreldrasamstarfið
með besta móti.
Glöð mættum við vinum sem
voru á umræddum leikskóla með
sín börn og tilkynntum að bráðum
kæmum við þangað aftur. Mættum
kennurum leikskólans og tilkynnt-
um að við kæmum bráðum til þeirra
aftur. Hvað við hlökkuðum til. Svo
gerðist það. Flutningur afstaðinn.
Leikskólinn byrjaður eftir sumarfrí
og drengur í aðlögun.
Síðan er liðið eitt og hálft ár.
Langtíma veikindaleyfi starfsmanna
á leikskólanum með litlu starfs-
mannaveltuna hefur aukist, starfs-
mannavelta er meiri en við höfum
áður þekkt þar á bæ og illa gengur
að ráða í lausar stöður. Við höfum
verið beðin að sækja drenginn fyrr
en áætlað er vegna forfalla starfs-
manna og manneklu. Við höfum
sótt drenginn okkar í lok dags og
eingöngu einn starfsmaður verið
eftir á deildinni vegna óvæntra veik-
inda samstarfsfólks. Við komumst
ekki til að sækja hann fyrr þann
daginn, eins og við vorum beðin
um að gera ef hægt væri í tölvupósti.
Ófremdarástand í húsi.
Ekkert sem foreldrar leikskóla-
barna í Reykjavík þekkja ekki til og
upplifa daglega.
Ekkert sem leikskólakennarar
og annað starfsfólk leikskólanna
þekkir ekki til og upplifir daglega.
Það kemur á daginn að flottustu
stofnanir, eins og uppáhalds leik-
skólinn okkar, eru ekki ónæmar
fyrir samfélagslegum áhrifum. Inn
á leikskólana flykkjast nú hvorki
menntaðir leikskólakennarar,
þroskaþjálfar, iðjuþjálfar né ófag-
lærðir einstaklingar. Þvert á móti.
Í dag flykkjast menntaðir leik-
skólakennarar, þroskaþjálfar, iðju-
þjálfar og ófaglærðir einstaklingar
langt í burtu frá leikskólunum. Við
getum kennt ýmsu um. Við getum
kennt lélegri stjórnun sveitarfélags-
ins okkar um ástandið. Við getum
kennt virðingarleysi gagnvart starf-
inu sem þarna fer fram um. Við
getum kennt allt of lágum launa-
kjörum allra starfsmanna um. Við
getum kennt sinnuleysi yfirvalda
eiginlega um allt framantalið.
Óviðunandi og hættulegt
Ástandið í leikskólunum okkar er
algjörlega óviðunandi og beinlínis
hættulegt. Ég óttast verulega um
afdrif barnanna okkar ef núverandi
staða fær að vara óáreitt mikið
lengur. Börn á viðkvæmum þroska-
stigum þurfa festu og fagmennsku.
Þau þurfa skipulag og ramma og sér-
tæka þjálfun fagfólks. Þau þurfa að
mæta skilningi, þekkingu, úrræðum
og öryggi.
Virðing rekstraraðila leikskól-
anna gagnvart leikskólabörnum
er engin. Þau eru afgangsstærð og
dragbítur á Excel-skjölum fjármála-
spekúlanta. Þau eru ekki gróða-
maskína.
Það þarf vitundarvakningu hjá
ráðamönnum ekki seinna en fyrir
áratug síðan! Hvað er svona flókið
við það að skilja að menntun og
umönnun barna er það allra mikil-
vægasta sem þjóðfélagið setur pen-
inga sína í?
Skilvirkt menntakerfi er kerfi
með aðgang að fjármagni, úrræðum
og fagfólki af hverju tagi. Slíkt kerfi
skilar af sér heilbrigðum og vinnu-
færum einstaklingum út í lífið við
hinn enda þess. Það hlýtur að segja
(borga) sig sjálft!
Höfundur er móðir leikskóla-
barns í Reykjavík, menntaður
grunnskólakennari og nemi í mann-
auðsstjórnun á meistarastigi við
Háskóla Íslands.
Blessað barnalán
Sæmundur E. Þorsteinsson ritar þann 29. nóvember svar við grein undirritaðs í Fréttablaðinu
frá 25. nóvember sl. þar sem leitast
var við að leiðrétta rangfærslur for-
stjóra Símans.
Sæmundur játar í upphafi greinar
sinnar með nokkru stolti að hafa vís-
vitandi blekkt notendur fjarskipta-
tenginga með því að búa til orðið
„Ljósnet“ til nota fyrir kopartæknina
VDSL. Rétt er að halda því til haga að
„Ljósnet“ er hugtak sem búið var til,
til þess að blekkja fólk sem margt
hélt raunverulega að það væri komið
með ljósleiðara alla leið inn í hús til
sín. Lesendum og Sæmundi til fróð-
leiks er hér á ensku skilgreining á
VDSL-tækninni sem hann kaus að
nefna „Ljósnet“:„VDSL offers speeds
of up to 52 Mbit/s downstream
and 16 Mbit/s upstream,[3] over a
single flat untwisted or twisted pair
of copper wires (breiðletrunin er
mín) using the frequency band from
25 kHz to 12 MHz“. VDSL-tæknin er
nefnilega gagnaflutningstækni sem
nýtir koparlínur en ekki ljósleiðara
eins og fram kemur í skilgreining-
unni. Það er aumt ef leikmaður eins
og sá er hér skrifar þarf að leiðrétta
fjarskiptaverkfræðinginn og sér-
fræðinginn Sæmund þegar kemur
að því að útskýra fyrir almenningi
hvað orðið „Ljósnet“ stendur fyrir í
notkun Sæmundar, Símans og Mílu.
Öllu alvarlegra er að Sæmundur
fékk staðfestingu Neytendastofu
á því að hann, fyrir hönd Símans,
mætti komast upp með að blekkja
neytendur því Neytendastofa gerði
á sínum tíma ekki athugasemdir við
blekkingarleik Sæmundar og félaga
hjá Símanum. Hann má vissulega
vera stoltur yfir því að hafa fengið
staðfestingu Neytendastofu á því að
komast upp með það athugasemda-
laust að blekkja neytendur.
Því meiri hraði,
þeim mun styttri vegalengd
Sæmundur fer í svargrein sinni yfir
fjarskiptasöguna á höfuðborgar-
svæðinu. Nefnir þar til Breiðbandið
og ADSL-tæknina (sem skv. skilgrein-
ingu Sæmundar ætti að flokkast sem
„Ljósnet“ með sömu rökum og hann
beitir til að heimfæra VDSL-tæknina
undir ljós-eitthvað) en skautar fram
hjá því að meðan Gagnaveita Reykja-
víkur hugsaði til framtíðar þá hugsaði
Síminn til nútíðar en vanrækti fram-
tíðina. Hér skal því haldið til haga að
Breiðband Símans og ADSL-væðingin
voru miklar framfarir í fjarskiptum á
sínum tíma. En enginn lifir á fornri
frægð.
Sæmundur fræðir lesendur um
stöðuga framþróun í gagnaflutn-
ingum um koparlínur og nefnir í
því sambandi G.fast-tæknina. Hann
nefnir hins vegar ekki að þær fram-
farir sem verða í gagnaflutningum
um koparlínur eru þess eðlis að vissu-
lega eykst hraðinn en á kostnað fjar-
lægðar frá notanda að tengipunkti
þar sem ljósleiðari endar. Því meiri
hraði, þeim mun styttri vegalengd.
Sæmundur nefnir allt að 1 Gb/s net-
hraða yfir kopar en gleymir að nefna
fjarlægðartölur í því sambandi.
Honum og lesendum til fróðleiks
þá næst 500-1000 Mbits nethraði í
gegnum koparlínur á innan við 100
metra langri koparheimtaug. Hrað-
inn er síðan dottinn niður í um 150
Mbits á 250 metrum. Til fróðleiks er
með ódýrum búnaði hægt að senda
1 Gb/s fjarskiptamerki allt að 80 km
í gegnum einn ljósleiðaraþráð og
raunar miklu lengra ef svo ber undir.
Sæmundur gerir að umtalsefni í
grein sinni þekkingarleit starfsmanna
Símans. Í öllum rekstri er þekkingar-
leit og þróun mikilvæg og eru fjar-
skipti þar engin undantekning. Þrátt
fyrir þessa þekkingarleit starfsmanna
Símans sofnaði fyrirtækið þegar kom
að því að horfa til framtíðar og hefja
lagningu ljósleiðaraheimtauga.
Vanræksla Símans/Mílu við upp-
byggingu á ljósleiðaraheimtaugum í
dreifbýli er síðan efni í sérstaka grein.
Hér skal fullyrt að framtíð fjar-
skipta felist í lagningu og notkun
ljósleiðara, ekki koparlagna. Ef
G.fast-tæknin er heillandi má spyrja
sig hvaða tilgangi það þjónar hjá Sím-
anum að leggja ljósleiðaraheimtaugar
á höfuðborgarsvæðinu.
Almenningur á betra skilið en
að sérfræðingar beiti hann blekk-
ingum. Fróðlegt væri að vita hvort
Sæmundur hafi verið einn af „sér-
fræðingunum“ sem á sínum tíma áttu
þátt í að fullyrða að ekki væri hægt
að skipta Landsímanum upp í dreifi-
kerfið sér og virðisaukandi þjónustur
sér. Það tók ekki nema tvö ár eftir að
Síminn var seldur að fyrirtækinu var
skipt upp í Símann og Mílu. Svo góð
voru ráð „sérfræðinganna“, hverjir
sem þeir nú annars voru.
Enn um blekkingar
gagnvart neytendum
Sagan er svo glimrandi góð leið til að útskýra núið. Með henni getum við skoðað fyrir-
bæri í sögulegu samhengi, tengt við
nútímann og varpað þannig skýrara
ljósi á veruleikann.
Konur hafa þurft að gjalda fyrir
kynferði sitt frá upphafi siðmenning-
ar, frá drekkingum til drusluskömm-
unar. Kerfisbundin kúgun hefur verið
hluti af daglegu lífi kvenna um allan
heim frá örófi alda. Aukin virðing
gagnvart konum og þeim hlut-
verkum sem ætluð hafa verið konum
í gegnum söguna skiptir sköpum í
jafnréttisbaráttunni.
Þeir sem hafa notið forréttinda
taka ekki eftir misrétti og verða blind-
ir á yfirburðastöðu sína. Fræðsla getur
orðið til þess að fólk skilur mikilvægi
þess að setja sig í spor annarra. Tengsl
launamisréttis og kláms eru kannski
ekki augljós við fyrstu sýn, en ef
normalíseruð kvenfyrirlitning er sett
inn í jöfnuna skerpist skilningurinn
og samfléttað misrétti á öllum sviðum
samfélagsins afhjúpast.
Þjálfun í notkun á kynjagleraugum
í öruggu rými kennslustofunnar
opnar möguleika nemenda, ekki
bara á samfélagslegum skilningi og
gagnrýnni hugsun, heldur líka til far-
sældar og hamingju. Nemendur sjá
að reglusafnið í kynjakerfinu, sem
takmarkar okkur öll og skaðar, snýst
ekki um okkur heldur um fjandsam-
lega menningu sem við öll erum ofur-
seld. Skilningurinn er valdeflandi og
gefur nemandanum forsendur til að
verja sig fyrir skaðlegum áhrifum
samfélagskrafna. Knýjandi þörfin á að
gefa stúlkum varnir gegn síöskrandi
útlitskröfum er slík að það er nánast
siðleysi að hunsa.
Það er margt fallegt, jákvætt og
gott í karlmennskunni – en þar er
líka að finna heftandi þætti og hörku
sem skaðar bæði karla sjálfa og aðra
í kringum þá. Það þarf að endurskil-
greina karlmennsku og frelsa karla
undan oki úreltra hugmynda um
hlutverk þeirra og hegðun.
Sagan sýnir okkur að þrátt fyrir
mikla baráttu hefur ekki tekist að
ná jafnrétti. Menntakerfið er hluti
af vandanum – nú þarf það að verða
hluti af lausninni með markvissri
kynja- og jafnréttisfræðslu, þar sem
hinsegin fræðsla er sjálfsagður hluti
af námsefninu.
Kennum kynjafræði!
Þann 11. september fyrir fimmtán árum síðan hrundu þrír turnar í New York (tvíburaturnarnir og
turn 7) vegna þess að turnarnir voru
sprengdir (controlled demolition).
Yfir 3.000 manns voru myrtir og í
stríði Bandaríkjanna, sem á eftir fylgdi
gegn hryðjuverkum, hafa minnst 1,3
milljónir manna verið myrtar. Þetta
eru varlega áætlaðar tölur fyrir Írak,
Afganistan og Pakistan frá árinu 2015
(sumir segja að tala látinna sé yfir 4
milljónir). Það verður ekki betur séð
en 11. september hafi verið í boði her-
gagnaiðnaðarins til að hefja ömurleg
og fullkomlega ónauðsynleg stríð. Til
hvers að framleiða vopn ef þau eru
aldrei notuð?
Við eigum víst að trúa því (og flestir
trúa því reyndar því miður) að þennan
dag hafi þrír stálstyrktir turnar hrunið
vegna elda. Hvorki fyrr né síðar í sög-
unni hefur þetta gerst. Þennan dag
hrundu sem sagt ekki einn heldur þrír
turnar af þessari ástæðu.
Turn 7 hrundi sjö tímum eftir að
seinni tvíburaturninn hrundi. Turn 7
fékk ekki flugvél inn í sig heldur brak
úr tvíburaturnunum yfir sig. Turninn
var 47 hæðir og það loguðu eldar á
einangruðum stöðum á 10 hæðum.
Fall turnsins tók innan við sjö sekúnd-
ur og yfir 30 metrar af turninum (átta
hæðir) féllu í frjálsu falli, sem þýðir að
það var engin fyrirstaða, og slíkt getur
aðeins gerst í controlled demolition.
Opinbera samsærisskýringin
„pönnukökukenningin“ svokallaða,
sem á að skýra hrun turnanna þriggja,
fellur um sjálfa sig vegna þess að steyp-
an í turnunum varð að dufti. Í braki
turnanna var engar heillegar hæðir að
sjá sem áttu þá að hafa fallið hver ofan
á aðrar eins og dómínókubbar. Slíkt
brak hefði átt að vera ígildi a.m.k. 20
hæða í tvíburaturnunum. Ef turnarnir
hefðu hrunið vegna elda þá hefði það
sennilega gerst þannig að turnarnir
hefðu hallað smátt og smátt til hliðar
út frá skemmdunum þar sem flugvél-
arnar hæfðu þá og hluti af turnunum
fallið til jarðar.
Í stað þess þá hrundu turnarnir
í heild sinni og féllu að mestu í sitt
eigið stæði eins og gerist í controlled
demolition. Eldar út frá flugvélaelds-
neyti geta ekki brætt stál enda voru
turnarnir beinlínis hannaðir til þess
að þola að fá flugvél inn í sig. Myndir
frá vettvangi glæpsins sýna sveigða/
brædda/klippta stálstólpa.
Sönnunargögnunum var hins vegar
snarlega eytt – stálið selt í bræðslu,
aðallega til Kína. Leifar af sprengiefni
(nano-thermite) fundust í rústunum
og eldar loguðu undir rústunum
svo vikum skipti og mældust þeir
nálægt 760 gráðum sem er meiri
hiti en myndast við flestallan bruna.
Bræðslumark stáls og járns er ca 1.540
gráður. Yfir 100 slökkviliðsmenn
sögðust hafa heyrt sprengingar og séð
ljósglæringar þegar turnarnir hrundu.
Mjög neyðarlegt hlýtur að teljast
þegar fréttakona BBC sagði frá hruni
turns 7 í beinni útsendingu um 20
mínútum áður en turninn hrundi.
Meira að segja með turninn greinilega
uppistandandi á bak við sig. Frétta-
konan talaði ofan úr háhýsi. Þetta
hefur verið afsakað þannig að menn
hafi gert ráð fyrir hruni turnsins vegna
elda sem loguðu – og það þrátt fyrir
að aldrei í sögunni hafi turn þessarar
gerðar hrunið vegna elda.
Heimildir greinarinnar voru að mestu
sóttar í netsíðuna:
„Architects and engineers for 9/11 truth“. Full
heimildarskrá fylgir vefútgáfu greinarinnar.
Body count: Casualty figures after 10 years of
the “War on terror” (grein): http://www.psr.
org/assets/pdfs/body-count.pdf
Do the math: Global war on terror has killed
4 million muslims or more (grein): http://
www.mintpressnews.com/do-the-math-glo-
bal-war-on-terror-has-killed-4-million-mus-
lims-or-more/208225/
Twin towers evidence blows away fire
collapse theory (grein): http://www1.
ae911truth.org/faqs/345-twin-towers-evi-
dence-blows-away-fire-theory.html
Building 7 implosion: The Smoking gun of
9/11 (grein): http://www1.ae911truth.org/
home/344-building-7-implosion-the-smok-
ing-gun-of-911.html
118 Witnesses: The Firefighters´ testimony to
explosions in the Twin Towers (grein): http://
www.journalof911studies.com/articles/
Article_5_118Witnesses_WorldTradeCenter.
pdf
9/11: Explosive evidence - Experts speak out
(heimildarmynd): https://www.youtube.com/
watch?v=4tTMMNTisBM
North tower exploding (myndband): https://
www.youtube.com/watch?v=hSApOavkHg8
Cutter charges in the north tower of the world
trade center (myndband): https://www.you-
tube.com/watch?v=zoAD8HlrLZg
Thermite used on 9/11 (myndband):
https://www.youtube.com/watch?v=3-
jeQmW5wiA&feature=youtu.be
BBC reported building 7 collapse 20 minutes
before it fell (myndband): ENHANCED
VERSION: News Reports WTC7 Fell Before
It Happens!
Dagurinn þegar Banda-
ríkin réðust á sjálf sig
Hjördís
Guðný Guð-
mundsdóttir
grunnskóla-
kennari Í dag flykkjast menntaðir
leikskólakennarar, þroska-
þjálfar, iðjuþjálfar og ófag-
lærðir einstaklingar langt í
burtu frá leikskólunum. Við
getum kennt ýmsu um.
Hér skal fullyrt að framtíð
fjarskipta felist í lagningu
og notkun ljósleiðara, ekki
koparlagna.
Ingólfur Bruun
framkvæmda-
stjóri Betri fjar-
skipta, ráðgjafa-
þjónustu
Hanna Björg
Vilhjálmsdóttir
framhaldsskóla-
kennari og félagi
í Kvenréttinda-
félagi Íslands
Sölvi Jónsson
tónlistarmaður
og félagsliði
1 . D E S E M B E R 2 0 1 6 F I M M T U D A G U R34 S K O Ð U N ∙ F R É T T A B L A Ð I Ð
0
1
-1
2
-2
0
1
6

0
4
:2
0
F
B
0
8
8
s
_
P
0
5
5
K
.p
1
.p
d
f
F
B
0
8
8
s
_
P
0
3
4
K
.p
1
.p
d
f
A
u
to
m
a
ti
o
n
P
la
te
r
e
m
a
k
e
:
1
B
7
F
-9
A
2
0
1
B
7
F
-9
8
E
4
1
B
7
F
-9
7
A
8
1
B
7
F
-9
6
6
C
2
7
5
X
4
0
0
.0
0
1
1
B

F
B
0
8
8
s
_
3
0
_
1
1
_
2
0
1
C
M
Y
K