Víkurfréttir - 16.06.1988, Blaðsíða 11

\)iKur<
ftitiU
Fimmtudagur 16. júní 1988 11
Slysavarnasveitarmenn bíða eftir að flæði að svo hægt verði að fleyta hrefnunni á brott.
Hvalreki í Garðinum
Það má með sanni segja að
hvalreki hafi orðið í Garðinum
fyrir skömmu en þá rak á land
um 25 feta langa hrefnu. Er
nokkuð langt síðan að dýrið,
sem er karlkyns, rak fyrst á
land. Fyrstu dagana var hrefn-
an í fjöruborðinu neðan við ný-
byggingu Nesfisks hf. í Gerð-
um en smám saman hafði hún
færst til og var komin út undir
Miðhús í Út-Garði. Svo virðist
sem dýrið hafi koinið í veiðar-
færi einhvers báts, því hræið
var illa farið eftir hnífa og var
búið að skera stór stykki úr
skrokk þess ásamt því að
sporðurinn hafði verið skorinn
af.
Það var svo að kvöldi sl.
miðvikudags og aðfaranótt
fimmtudags að slysavarna-
sveitin Ægir í Garði tók að sér
að fjarlægja hræið að beiðni
sveitarstjóra, enda mikill
óþrifnaður af skrokki dýrsins,
sem farið var að slá í og ekki
langt í að hann færi að maðka.
Var skrokkur dýrsins dreginn
langt út í hafsauga og vonast
menn til að það sjáist aldrei aft-
ur. Annars er slysvarnasveitin
alltaf tilbúin í aðra sjóferð...
Afmæliskveðja
til Gerðahrepps
Á harðbýlum skaga við hafsins brún,
heitir ein sveitin Garður.
Gert hefur fólkið garða og tún
gróður er hamingjuarður.
Og oft hefur sjórinn teflt það tafl
sem trauðla var gerlegt að vinna,
og ennþá býr þarna eining og afl
og alltaf er nógu að sinna.
Hinrik í Merkinesi
Hafnabúar óska Garðbúum til ham-
ingju með 80 ára afmælisbarnið.
HAFNAHREPPUR
KA UPFELAG
S UÐ URNESJA
óskar íbúum Gerðahrepps
til hamingju með
80 ára afmœlisbarnið.
—Myndir og texti: HILMAR B. BÁRÐARSON
GERÐAHREPPUR 80 ARA
„Það hefur verið allt brjál-
að að gera frá því ég bvrjaði
aftur með verkstæðið nú eftir
páska,“ sagði Magnús Guð-
bergsson er Víkurfréttir hittu
hann að máli á verkstæði hans
við Asgarð í Garði en eins og
einhverjum er kunnugt þá
brann verkstæði hans til
kaldra kola í stórbrunanum,
sem varð í Garðinum í fyrra
er Nesfiskur jafnaðist við
jörðu á skammri stundu.
„Ég verð sennilega ekki
meira með dekkin, þar sem
það er svo mikið að gera í
öðrum viðgerðum," sagði
Magnús, aðspurður um
dekkjaviðgerðirnar sem
hann var með á gamla staðn-
um. „Það þyrfti að vera ann-
ar maður með mér ef ég ætl-
aði að anna dekkjaviðgerð-
unum líka.“
-Hvað er það sem er mest
að angra menn í dag?
„Það er mikið að gera í
bremsunum fyrir skoðun. Þá
er einnig mikið um gang-
truflanir og allt mögulegt.“
-Hvernig er það, veit fólk
hvar þú ert staðsettur á
hnattkringlunni?
„Svo virðist vera, a.m.k.
er allt vitlaust að gera, eins
og ég sagði áðan, og þetta
gengur bara vel.“
-Að lokum Magnús, á að
taka þátt í hátíðarhöldum
morgundagsins?
„Ef veðrið verður gott, þá
gerir maður það.“
Magnús Guðbergsson við einn af þeim bílum sem hann var að fást
við, er blaðamaður leit inn hjá lionum. „Benzinn getur líka bilað“,
sagði Magnús. Ljósm.: hbb.
„Allt brjálað að gera“
Til hamingju
Gerðahreppur
Sendum Gerðahrepp og Garðbúum okkar
bestu kveðjur í tilefni 80 ára afmœlisins.
SPARISJÓÐ URINN