Morgunblaðið - Sunnudagur - 17.01.2016, Blaðsíða 48

48 MORGUNBLAÐIÐ SUNNUDAGUR 17.1. 2016
„Í mínu ástandi“ kallar Anna Hansson sýn-
inguna á málverkum og teikningum sem hún
opnar í Anarkíu listasal í Hamraborg 3 í
Kópavogi í dag, laugardag, klukkan 15.
Verkin eru sjálfsmyndir; annars vegar stór
olíumálverk og hins vegar teikningar þar sem
bleki og kolum er blandað saman. Um verkin
segir Anna: „Ég lenti í áfalli – veikindum sem
tóku mig á staði sem ég hafði aldrei komið til
áður og hafa haft djúpstæð áhrif á mig sem
persónu. Að mála er mín leið til að skapa
mér pláss þar sem ég er alveg ein með sjálfri
mér, ég valdi að vinna með sjálfsmyndir
vegna þess að ég fann þörf fyrir að horfa á
sjálfa mig, horfast í augu við sjálfa mig.“
ANNA HANSSON SÝNIR
Í SÍNU ÁSTANDI
Listakonan á vinnustofunni að vinna að einni
hina stóru teikninga sem hún sýnir í Anarkíu.
Sýning Þorgerðar Ólafsdóttur í Harbinger
hverfist um plasthluti grafna úr jörðu.
Morgunblaðið/Golli
Í sýningarsalnum Harbinger á Freyjugötu 1
verður í dag, laugardag, klukkan 17 opnuð
sýning Þorgerðar Ólafsdóttur „þá, þegar“.
Á sýningunni gefur að líta innsetningu sem
samanstendur af arkífi Þorgerðar af fjöl-
mörgum plasthlutum sem fundist hafa í jörðu
víðsvegar um landið. Plastið er í vörslu Þjóð-
minjasafnsins en á undanförnum árum hafa
plasthlutir öðlast aukinn sess í hlutasöfnun
safnsins þótt um núminjar sé að ræða. Frá
síðasta vetri hefur Þorgerður skoðað og
ljósmyndað megnið af plastmunum í vörslu
safnsins. Verkin á sýningunni eiga upphaf sitt í
vinnuferð á vegum Fornleifastofnunar Ís-
lands, þar sem listamanninum var boðið að
fylgjast með og aðstoða við skráningu muna
sem fundust í Mývatnssveit sumarið 2014.
ÞORGERÐUR Í HARBINGER
ÞÁ, ÞEGAR
Í tengslum við sýninguna
„Kvennaveldið: Konur og
kynvitund“, sem nú stend-
ur yfir í Listasafni Reykja-
nesbæjar með verkum eft-
ir tólf konur, verður á
sunnudag klukkan 15 hald-
ið málþing í safninu. Fyr-
irhugað er að velta upp
nokkrum spurningum,
meðal annars hvort svo-
kallaður „tilfinningalegur heiðarleiki“ lista-
kvenna gagnvart líkamanum sé staðreynd og
hvort þessi heiðarleiki geti beinlínis verið sú
fílósófía sem bjargað getur heiminum.
Stjórnandi málþingsins er Aðalsteinn Ingólfs-
son listfræðingur, Sigríður Þorgeirsdóttir,
prófessor við HÍ, verður með framsögu og
listakonurnar Guðrún Tryggvadóttir, Kristín
Gunnlaugsdóttir og Magdalena Margrét
Kjartansdóttir eru þátttakendur í pallborði.
MÁLÞING Í REYKJANESBÆ
KVENNAVELDIÐ
Kristín
Gunnlaugsdóttir
Þessir staðir á myndunum eru í Loui-siana og á Íslandi en þessir staðir erumér mjög kærir. Ég hef búið jafnlengi
á báðum en hef annars búið tíu árum lengur í
Bandaríkjunum en á Íslandi,“ segir Friðgeir
Helgason ljósmyndari. Hann er að raða sam-
an í salarkynnum Ljósmyndasafns Reykja-
víkur, á 6. hæð Grófarhússins við Tryggva-
götu, ljósmyndunum sem gefur að líta á
sýningu hans, Stemningu, en hún verður opn-
uð klukkan 15 í dag, laugardag.
Þetta eru athyglisverðar ljósmyndir af
allrahanda stöðum, innandyra og utan,
óvenjuleg og á tíðum afhjúpandi sjónarhorn á
svæði sem mörg hver hljóta að teljast utan al-
faraleiðar. Friðgeir segir verkin eiga sér upp-
sprettu í minningum og andrúmslofti.
„Flestar myndanna hér frá Bandaríkjunum
eru frá Louisiana nema þessi þarna er innan
úr kirkjunni í Mississippi þar sem Elvis byrj-
aði að syngja sex ára gamall,“ segir hann og
bendir á eina myndina. „Það er ekki hægt að
gera myndaseríu um suðurríkin án þess að
hafa Elvis með, því tvennt er alls staðar ná-
lægt í suðurríkjunum: Jesús og Elvis. Jesús
er hér á myndinni yfir píanóinu. En á þessari
mynd þarna,“ segir hann og bendir á þá
næstu, „er síðan Suðurnesja-Jesús, hún er
tekin í Strandarkirkju.“ Næsta mynd sýnir
tvo uppstoppaða laxa á vegg.
Allir orðnir geðveikir
Friðgeir fæddist í Vestmannaeyjum árið
1966. Eftir gosið á Heimaey flutti fjölskyldan
upp á land og eyddi Friðgeir mótunarárunum
í Reykjavík en flutti tvítugur til Bandaríkj-
anna. Þar segist hann hafa lifað skrautlegu
lífi. Hann hefur löngum starfað sem kokkur
og lengst af í New Orleans en um tíma var
Friðgeir heimilislaus og barðist við fíkn; hélt
þá meðal annars til við hina alræmdu götu
Skid Row í Los Angeles. Hann lauk fíkn-
meðferð árið 2006 og fór þá að læra kvik-
myndun og ljósmyndun við háskóla Los Ang-
eles-borgar.
„Ég kom fyrst til Íslands að mynda árið
2008,“ segir hann. Hluta þeirra mynda mátti
sjá á sýningu hans í Gerðubergi árið 2010 en
það var myndröð úr Breiðholtinu, hluti af ser-
íu sem hann kallar Nordic Moods en í Loui-
siana tók hann að mynda seríuna Southern
Moods. Renna þær saman á þessari sýningu
nú, ásamt nokkrum myndum úr myndröðinni
The Parish, frá úthverfi New Orleans, en sú
hefur verið sýnd þar í galleríi og festi safn í
borginni þá kaup á allri myndröðinni.
„Fyrir mig eru þessi ljósmyndaverkefni
mín mikið til afsökun fyrir að vera á vegum
úti með Pentax-myndavélina og filmur í skott-
inu,“ segir Friðgeir sem prentar sjálfur
myndirnar í myrkraherbergi í Los Angeles og
finnst mynd ekki til fyrr en komin á blað.
„Ég bjó á Skid Row og líf mitt hafði verið
algjör geðveiki í tuttugu og eitthvað ár, og á
Skid Row hefðu flestir ljósmyndarar farið í að
takast á við þann veruleika, en ég fór alveg í
hina áttina og leita að kyrrð og ró.
Þegar ég byrjaði að ljósmynda hér árið
2008 var þjóðfélagið orðið geðveikt og allir
orðnir geðveikir. Þetta var ekki það Ísland
sem ég ólst upp á. En ég hef komið nokkrum
sinum síðan og finnst alltaf gaman að mynda
svæði sem margir horfa framhjá og þykja of
hversdagsleg. Breiðholtið er dæmi um það.
Fegurðin er alls staðar til, bara ef maður
nennir að taka sér tíma til að leita að henni.“
Fegurð alls staðar til
„Það er ekki hægt að gera myndaseríu um suðurríkin án þess að hafa Elvis með,“ segir Friðgeir
Helgason. En hér er ein Íslandsmynda hans og á henni eru forsetar landsins saman á vegg.
Morgunblaðið/Einar Falur
Menning
LJÓSMYNDAHÁTÍÐ ÍSLANDS Í SÖFNUM Á HÖFUÐBORGARSVÆÐINU FRAM Á SUNNUDAG
Kynna og vinna með
ljósmynd sem listform
LJÓSMYNDAHÁTÍÐ ÍSLANDS ER HALDIN ANNAÐ HVERT ÁR AÐ UNDIRLAGI
LJÓSMYNDASAFNS REYKJAVÍKUR OG FÉLAGS ÍSLENSKRA SAMTÍMALJÓSMYNDARA.
HÚN STENDUR NÚ YFIR Í ÞRIÐJA SINN, MEÐ ÓLÍKUM SÝNINGUM, LJÓSMYNDA-
RÝNI OG FYRIRLESTRUM SÉRFRÆÐINGA UM LJÓSMYNDINA SEM LISTMIÐIL
Einar Falur Ingólfsson efi@mbl.is
Á fimmtudaginn hófst í Reykjavík Ljós-
myndahátíð Íslands og stendur fram á
sunnudag. Ýmiskonar viðburðir eru á
hátíðinni og fjölbreytilegar sýningar
opnaðar þar sem áhersla er á miðilinn í
fjölbreytilegum myndum.
Í Gerðarsafni voru opnaðar í gær
sýningar Ingvars Högna Ragnarssonar
og Katrínar Elvarsdóttur.
Í gær og í dag hafa erlendir sem inn-
lendir sérfræðingar verið með ljós-
myndarýni og lýkur henni með því að
veittur verður styrkur úr Minningar-
sjóði Magnúsar Ólafssonar. Þá verða
sex ljósmyndasýningar opnaðar í dag:
 Kl. 14.30. Reykjavíkurtorg, Grófar-
húsi: Nostalgía, Samsýning FÍSL, Félags
íslenskra samtímaljósmyndara.
 Kl. 15. Ljósmyndasafn Reykjavíkur,
6. hæð Grófarhúss: Stemning, einka-
sýning Friðgeirs Helgasonar.
 Kl. 16. Ljósmyndasafn Íslands í Þjóð-
minjasafninu: Andvari, samsýning með
verkum eftir Arngrím Ólafsson, Clau-
diu Hausfeld, Daníel Reuter, Joakim Es-
kildsen, Kristínu Hauksdóttur, Lilju
Birgisdóttur og Sigurð Tómasson. Sýn-
ingarstjóri: Katrín Elvarsdóttir. Einnig
verður opnuð í Þjóðminjasafni sýningin
Sjálfstæðar mæður með portrettum
kanadíska ljósmyndarans Annie Ling af
íslenskum konum.
 Kl. 18: RAMSKRAM gallerí, Njáls-
götu 46: Stilla, verk eftir Söruh Gets
og Hallgerði Hallgrímsdóttur.
 Kl. 19. Gallerí Listamenn, Skúla-
götu 32-34: Venn-mynd, verk eftir
Birgi Snæbjörn Birgisson, Margréti
Bjarnadóttur, Ívar Valgarðsson, Sirru
Sigrúnu Sigurðardóttur og Þórdísi Jó-
hannesdóttur.
 KEX hostel: Bókasýning og umræð-
ur um ljósmyndabækur.
Á sunnudag:
 Kl. 14. Þjóðminjasafn: Lista-
mannaspjall Annie Ling.
 Kl. 16. Sjóminjasafn Íslands: Lista-
mannaspjall Ninu Zurier á sýningunni
„Ef ég hefði verið …“
Hluti verks eftir Joakim Eskildsen á sýn-
inguni Andvara í Þjóðminjasafni.
Dagskrá Ljós-
myndahátíðar