Morgunblaðið - 11.02.2016, Side 16

16 FRÉTTIRInnlent
MORGUNBLAÐIÐ FIMMTUDAGUR 11. FEBRÚAR 2016
Nýtt!
Ilmvatn frá Weleda
Náttúrulegur ilmur af hreinum ilmkjarnaolíum.
Margir sem eru viðkvæmir fyrir gerviilmefnum
(sem oft innihalda umdeild efni) þola hins vegar vel
náttúruleg ilmefni.
Það er upplagt að velja líkamsvörurnar í samræmi við
uppáhaldsilm eða skapið hverju sinni, þar sem allar
hreinar ilmkjarnaolíur hafa sín sérstöku áhrif á sálina.
Hreinar ilmkjarnaolíur hafa góð áhrif á líkama og sál,
jafnvel langtímaáhrif.
Allar vörur Weleda eru ofnæmisprófaðar og
NaTrue vottaðar.
SVIÐSLJÓS
Laufey Rún Ketilsdóttir
laufey@mbl.is
„Í Reykjadal er ekki litið á fötlun
sem hindrun. Allir geta tekið þátt í
öllu, hvort sem það er fimleikamót
eða eitthvað annað. Við finnum leiðir
svo það verði að veruleika og þau
upplifi að það sé ekkert sem þau geti
ekki gert,“ segir Margrét Vala Mar-
teinsdóttir, verkefnisstjóri í Reykja-
dal, sumarbúðum fyrir fötluð börn
og ungmenni á aldrinum 8-21 árs.
Sumarbúðirnar eru starfræktar af
Styrktarfélagi lamaðra og fatlaðra
en reiða sig á frjáls framlög frá vel-
unnurum til að hægt sé að halda
starfinu gangandi í viðunandi um-
hverfi.
„Það vantar um 80 milljónir til að
byggja viðbyggingu í Reykjadal og
fleira sem bæta mun aðstöðuna fyrir
gesti og starfsmenn. Við vildum
hjálpa til,“ segir Kristrún Friðriks-
dóttir, meistaranemi í námskeiðinu
„Samvinna og árangur“ við við-
skiptafræðideild Háskóla Íslands en
nemarnir ýttu úr vör viðamikilli fjár-
öflun, Upplifun fyrir alla, fyrir
Reykjadal síðastliðinn mánudag.
„Við erum virkilega stolt af því að
vera að safna fé fyrir Reykjadal – við
viljum styðja þau og ýta undir lífs-
hamingju og félagsþroska þeirra
sem sækja sumarbúðirnar,“ bætir
Kristrún við en viðtökurnar hafi
þegar farið fram úr björtustu von-
um.
Líflegt og öruggt sumarfrí
Færri komast að en vilja í Reykja-
dal á hverju ári en tveggja ára bið-
listi er nú til að komast að. Með við-
byggingunni sem nú er safnað fyrir
myndast tækifæri til að taka við
fleiri börnum og bæta aðbúnaðinn.
„Við erum virkilega þakklát þeim
og Háskólanum fyrir að koma okkur
til hjálpar. Þetta hefur ótrúlega þýð-
ingu fyrir okkur þar sem við önnum
ekki eftirspurn eins og er,“ segir
Margrét en mikill vilji sé hjá börn-
unum að sækja sumardvölina því þar
er hægt að tryggja þeim sumarfrí í
öruggu og líflegu umhverfi.
Ungur drengur sem er í hjólastól
minnti svo eftirminnilega á þýðingu
sumarbúðanna fyrir skömmu. „Hann
var að koma í fyrsta skipti, hringdi
og spurði okkur hvað hann gæti eig-
inlega gert í Reykjadal. Við svöruð-
um að hann gæti til dæmis tekið þátt
í íþróttamóti, fjallgöngum, sundi,
torfæruferðum og fleira. Það kom þá
smá þögn í símann og hann sagði: þú
veist að ég er í hjólastól er það ekki?“
segir Margrét létt í bragði en hann
svo hafi verið fullvissaður um að allir
vissu vel af hjólastólnum. „En við
gerum þetta bara samt og höfum
gaman af.“
Hitta beint í hjartastað
Fjáröflunin er stórt samvinnu-
verkefni 30 nema við Háskóla Ís-
lands og hafa þau lagt allt í sölurnar
við að koma málefnum Reykjadals á
framfæri og afla þannig fjár frá ein-
staklingum og fyrirtækjum landsins.
Samfélagsmiðlarnir hafa spilað
stórt hlutverk en á facebook- og twit-
ter-síðu átaksins lætur fjáröflunar-
hópurinn til sín taka með alls kyns
uppfærslum, myndböndum, við-
burðum og fleiru sem leggur söfn-
uninni lið.
Þá hafa bæði Arion banki og Lin-
dex fataverslun þegar lagt sitt af
mörkum með milljón króna framlagi
sem fékkst með því að hvetja net-
verja til að láta sér líka við mynd-
bönd á facebook þar sem gestir
Reykjadals lýsa upplifun sinni.
„Þetta virðist vera sá liður í fjár-
öfluninni sem nær mest til fólks enda
hafa myndböndin fengið gríðarlega
góðar viðtökur,“ segir Kristrún en
reynslusögur barnanna hafi hitt
marga beint í hjartastað og sýnt
hvað söfnunin gengur raunverulega
út á. Vænta má fleiri myndbanda.
Gott málefni og góð skemmtun
Margt smátt gerir eitt stórt og því
eru allir sem vettlingi geta valdið
hvattir til að taka þátt í fjölbreyttum
fjáröflunarviðburðum næstu daga.
Hægt verður til dæmis að bregða
sér í bíó og styrkja Reykjadal í leið-
inni í Háskólabíói í kvöld kl. 18 á
myndina Concussion.
Fjölskyldu-Bingó verður haldið á
Háskólatorgi á laugardaginn 13.
febrúar og á sama tíma er hægt að
sækja Fjöltefli í Smáralind.
Líta ekki á fötlun sem hindrun
 Hópur nemenda við Háskóla Íslands safnar fé fyrir Reykjadal, sumarbúðir fyrir fötluð börn og
ungmenni  Þurfa bætta aðstöðu til að taka við fleirum  „Hefur ótrúlega þýðingu fyrir okkur“
Gleðin við völd Í Reykjadal, sumarbúðum fyrir fötluð börn og ungmenni, er margt um að vera í eftirsóttri sum-
ardvöl ár hvert. Fjáröflun fyrir Reykjadal er nú í gangi svo hægt sé að bæta aðstöðuna og hleypa fleirum að.
Öflug Meistaranemar í námskeiðinu Samvinna og árangur við viðskipta-
fræðideild Háskóla Íslands standa að fjáröfluninni sem gengur vel.
Viltu styrkja Reykjadal?
» Hringdu í síma:
901-5001 = 1.000 kr.
901-5002 = 2.000 kr.
901-5005 = 5.000 kr.
» Leggðu upphæð að eigin vali
inn á reikning:
0137-05-060777
kt. 630114-2410
» Facebook: Upplifun fyrir alla
» Twitter: #upplifunfyriralla
Agnes Bragadóttir
agnes@mbl.is
Strax eftir áramót, þegar Ólafur
Ragnar Grímsson hafði gefið það út
að hann myndi ekki sækjast eftir
endurkjöri sem forseti Íslands, fór í
gang mikil umræða um hver yrði
hugsanlegur arftaki hans á Bessa-
stöðum og var sú umræða á öllum
samfélagsmiðlum, auk hinna hefð-
bundnu fréttamiðla.
Nokkrir lýstu því yfir að þeir
hefðu ákveðið að bjóða sig fram til
forseta og enn fleiri lýstu því yfir að
þeir væru að hugsa um framboð, eða
að skorað hefði verið á þá, eins og
menn þekkja.
Nú, mánuði síðar virðist enginn
vera að velta því fyrir sér hver verð-
ur næsti forseti og umræðan virðist
hafa lognast út af.
Ekkert óvenjulegt við þetta
Ólafur Þ. Harðarson, prófessor í
stjórnmálafræði við Háskóla Ís-
lands, var í gær spurður hvort þetta
væri venjulegt eða óvenjulegt: „Ég
held að það sé ekkert óvenjulegt við
þetta. Ef ég man þetta rétt hafa for-
setaframboðin verið að koma fram í
febrúar mars, jafnvel seinna. Ég er
því alls ekki viss
um að eitthvað
óvenjulegt sé á
ferðinni núna, og
held raunar ekki
að framboð séu
óeðlilega seint á
ferðinni nú,“
sagði Ólafur.
Ef rifjað er upp
hvenær framboð
einstakra fram-
bjóðenda til forseta Íslands voru
gerð opinber fyrir tuttugu árum, ár-
ið 1996, kemur eftirfarandi á daginn:
Guðrún Pétursdóttir reið á vaðið
með forsetaframboð 1996 og til-
kynnti framboð sitt 3. febrúar. Hún
dró framboð sitt til baka fyrir for-
setakosningarnar í júní 1996. Næst
kom Guðrún Agnarsdóttir, sem til-
kynnti framboð sitt 23. mars 1996 og
Ólafur Ragnar Grímsson tilkynnti
sitt framboð fimm dögum síðar eða
28. mars 1996. Síðastur var Pétur
Hafstein, sem tilkynnti sitt framboð
16. apríl, 1996.
Það má því til sanns vegar færa að
þeir sem þegar hafa lýst því yfir nú
að þeir hyggist bjóða sig fram til for-
seta séu jafnvel óvenjusnemma á
ferðinni.
Forsetaframboðin
snemma á ferðini
 Lítil umræða um forsetaframboð
Ólafur Þ.
Harðarson