Morgunblaðið - 11.02.2016, Blaðsíða 59

UMRÆÐAN 59
MORGUNBLAÐIÐ FIMMTUDAGUR 11. FEBRÚAR 2016
...með nútíma
svalalokunum
og sólstofum
Skútuvogur 10b, 104 Reykjavík, sími 517 1417, glerogbrautir.is
Opið alla virka daga frá 9-17 og á föstudögum frá 9-16
• Svalalokanir
• Glerveggir
• Gler
• Felliveggir
• Garðskálar
• Handrið
Við færumþér logn & blíðu
Nú í byrjun mán-
aðarins áttu stríð-
andi fylkingar Sýr-
lands að hittast í
Genf til að hefja frið-
arviðræður. Fljótlega
slitnaði þó upp úr
viðræðunum og var
harðnandi átökum í
Aleppó-héraði kennt
um. En í hverju fól-
ust þessi harðnandi
átök og hver var til-
gangur þeirra?
Aleppó er stærsta borg Sýrlands
og er afar forn en mannvistarleifar
frá 5000 f.Kr. hafa fundist við upp-
gröft þar. Borgin er höfuðborg
Aleppó-héraðs sem er blómlegt
landbúnaðarland og var eitt af
þéttbýlustu svæðum landsins fyrir
stríð. Vesturhluti borgarinnar er á
valdi stjórnarhersins en austur-
hlutinn á valdi uppreisnarmanna. Í
norðurhluta borgarinnar er hverfi
Kúrda en það er á valdi kúrdíska
verkamannaflokksins. Alþjóðaflug-
völlurinn og iðnaðarsvæðin fyrir
austan borgina eru á valdi stjórn-
arhersins en fyrir austan þau tek-
ur við yfirráðasvæði Ríkis íslams
(ISIS).
Yfirráðasvæði uppreisnamanna í
Aleppó-héraði er á valdi Jaish Ha-
lab (Aleppó hersins) sameinaðs
hers uppreisnarmanna sem flestir
eru íslamistar úr al-Nusra, ash-
Sham, al-Zenki og al-Mujahedeen
hreyfingunum auk sveita úr frjálsa
sýrlenska hernum sem eitt sinn
var stærsti uppreisnarhópurinn á
svæðinu. Mikilvægasta birgðalína
uppreisnarmanna var 60 km lang-
ur þjóðvegur sem liggur beint frá
Aleppó norður til Tyrklands en
uppreisnarmenn hafa fengið vopn,
vistir og sjúkragögn frá Sádi-
Arabíu, Katar og Tyrk-
landi sem flutt eru yfir
tyrknesku landamærin
til uppreisnarmanna
sem eru í stríði við sýr-
lenska stjórnarherinn,
Ríki Íslams og Kúrda í
Sýrlandi.
Hinn 1. febrúar síð-
astliðinn hóf 4. bryn-
deild sýrlenska stjórn-
arhersins, studd af
vígasveitum Hezbollah,
sýrlenska heimavarn-
arliðinu, vígasveitum
sía múslima frá Írak og
rússneska flughernum, stórsókn
frá yfirráðasvæði stjórnarhersins
fyrir norðaustan Aleppó borg og
sótti hratt 6 km norðvestur til Tall
Jabbin.
Markmið stjórnarhersins var að
rjúfa víglínur uppreisnarmanna og
ná hluta þjóðvegarins á sitt vald
og loka þar með norður-suður
birgðaleið uppreisnarmanna.
Ákveðið var að rjúfa víglínu upp-
reisnarmanna fyrir austan bæina
Nubl og Zahraa en íbúar þeirra
eru síar og hafa verið umkringdir
af uppreisnarmönnum, sem eru
súnníar, í meira en þrjú ár. Þegar
sýrlenski herinn nálgaðist Har-
datnin hófu hersveitir í Zahraa
sókn í austur og mættu þeir
stjórnarhernum við bæinn Muarra-
sat al-Khan sem er um 5 kílómetra
fyrir austan Zahraa og tæplega 20
kílómetra fyrir norðan Aleppó. Að-
alvígvöllurinn hefur því ekki verið
í Aleppó-borg heldur í norðurhluta
Aleppó-héraðs.
3. febrúar hafði stjórnarherinn
klofið yfirráðasvæði Jaish Halab í
tvennt. Bardagar við uppreisn-
armenn héldu áfram sunnan megin
við víglínuna þar sem stjórnarher-
inn hélt áfram að sækja fram en
sveitum uppreisnarmanna fyrir
norðan Muarrasat al-Khan gafst
ekki tóm til að gera gagnsókn
gegn stjórnarhernum þar sem
vígasveitir kúrdíska verkamanna-
flokksins PKK gerðu sókn austur
af yfirráðasvæði sínu í Efrin-
héraði og hröktu þær á flótta.
Markmið Kúrda á þessu svæði er
að leggja undir sig stóran hluta af
Norður-Sýrlandi við tyrknesku
landamærin og stofna þar sósíal-
ískt lýðveldi sem þeir kalla Rojava
en það þýðir vestrið sbr. Vestur-
Kúrdistan en Austur-Kúrdistan er
í þeim skilningi staðsett í Írak.
Vopnahlé er í gildi milli stjórnar-
hersins og Kúrda og báðar fylk-
ingar nutu aðstoðar rússneska
flughersins en sprengjuþotur og
árásarþyrlur hans flugu mörg
hundruð árásarferðir gegn upp-
reisnarmönnum til að styðja við
sókn stjórnarhersins og PKK.
Bardagarnir frá 1.-6. febrúar
voru stórsigur fyrir sýrlenska
stjórnarherinn. Reikna má með að
næsta skref í aðgerðum hans verði
að sækja suður á bóginn til að
þrengja enn meira að uppreisnar-
mönnum í Aleppó. Hver áhrifin af
sigri stjórnarhersins verða getur
tíminn einn leitt í ljós en síðan
Rússar hófu afskipti af stríðinu
hefur stríðsgæfan verið stjórn-
arhernum í vil.
Upphaf Aleppó-sóknarinnar
Eftir Elvar
Ingimundarson
Elvar
Ingimundarson
» 1.-6. febrúar braust
sýrlenski stjórn-
arherinn í gegnum víg-
línur uppreisnarmanna
fyrir norðan Aleppó og
lokaði birgðalínu þeirra
til Tyrklands.
Höfundur er mag.theol.
Fyrir nokkru skrif-
aði ég framkvæmda-
stjóra Bónuss bréf
þar sem ég sagði
honum meiningu
mína á verslun Bón-
uss í Stykkishólmi.
Ég bíð enn eftir
svari.
Við fjölskyldan er-
um í sumarhúsi ná-
lægt Stykkishólmi á
sumrin. Bónusversl-
unin er eina matvöruverslun
Stykkishólms, við höfum verslað
þar síðan búðin var opnuð. Við
búum erlendis, höfum ferðast
víða, hvergi hef ég verslað í ann-
arri eins ruslbúð og þessari. Ég
hef komið inn í Bónusverslanir í
Reykjavík, þær eru ekki upp á
marga fiska, sú í Stykkishólmi er
hræðileg.
Þegar komið er inn í matvöru-
verslanir er venjulega gengið inn
í grænmetis- og ávaxtadeild. Hér
í Bónus verðum við að byrja á að
ganga í gegnum ruslfæðisdeild-
ina. Hún er glæsileg, hér er
ótrúlegt úrval af snakki, sælgæti
og gosdrykkjum. Börn fá glýju í
augun. Eftir það er gengið inn í
ávaxta- og grænmetisdeildina.
Nú mætti halda að við værum
komin inn í þriðja heiminn; fátt
er um dýrðir, flest þar inni er af
verstu sort, og þar að auki
margt gamalt og skemmt,
sérstaklega ávextir, svo engan
langar til að leggja sér þá fæðu
til munns. Ég stend þarna og
reyni að láta mig hverfa, heyri
hvað ferðafólkinu finnst um
þetta, skammast mín
fyrir að vera Íslend-
ingur. Þessi verslun er
landsskömm.
Hér sendir Bónus
okkur þessi skilaboð:
– Ruslfæði skiptir
meira máli en græn-
meti og ávextir. Börn
og unglingar eru fljót
að skilja þau skilaboð.
– Skemmd vara er
nógu góð í lands-
byggðarfólk.
Eins og flestir vita
er offita, og þeir sjúkdómar sem
henni fylgja, orðin eitt mesta
heilsuvandamál Íslendinga. Gæti
nú ekki verið að Bónusverslan-
irnar tækju þátt í þeirri geigvæn-
legu þróun? Er ekki kominn tími
til að heilbrigðisyfirvöld taki í
taumana?
Í Stykkishólmi, eins og víðar,
er Bónus með einu matvöruversl-
un bæjarins.
Stjórnendur Bónuss, reynið að
vera manneskjur til að standa
undir þeirri ábyrgð.
Með bestu kveðjum og von um
skjótar endurbætur.
Opið bréf til
stjórnenda Bónuss
Eftir Sigríði
Gunnarsdóttur
Sigríður
Gunnarsdóttir
»Ég stend þarna og
reyni að láta mig
hverfa, heyri hvað
ferðafólkinu finnst um
þetta, skammast mín
fyrir að vera Íslend-
ingur
Höfundur er höfundur Sælkerabók-
anna og matgæðingur.