Morgunblaðið - Sunnudagur - 05.06.2016, Qupperneq 10

10 MORGUNBLAÐIÐ SUNNUDAGUR 5.6. 2016
VETTVANGUR
Alþingi lauk starfsvetrinum áfimmtudaginn. Hamagang-ur framan af vetri, almennt
málþóf og hálfgert upplausnar-
ástand í nokkra daga í vor skýrir
trúlega nokkuð minni „framleiðni“.
Alls voru 79 lagafrumvörp sam-
þykkt sem lög, nokkuð færri en
undanfarin ár. Hin frumvörpin sem
ekki náðu fram að ganga, alls 145,
detta niður dauð nema þau verði af-
greidd í lok þings í september.
Þessi tölfræði gæti orðið ein-
hverjum rekstrarmanninum
áhyggjuefni. Væri alþingi fyrirtæki
væri kannski gefin út afkomu-
viðvörun. En alþingi er ekki fyr-
irtæki. Löggjöf hefur ætíð áhrif á
borgarana á einhvern hátt og það
má ekki vera markmið í sjálfu sér
að sem flest lög séu sett. Lög eiga
að fela í sér einhverja réttarbót, á
almennan mælikvarða, og þau þurfa
að þjóna tilgangi sínum, virka í
raun.
Frelsið hefur ekki endilega lík-
urnar með sér þegar ný lög eru sett
á alþingi. Þess vegna er ástæða til
að halda því til haga þegar svo vel
tekst til í störfum okkar þingmanna
að svigrúm einstaklinga og fyr-
irtækja sé aukið. Um það voru
nokkur dæmi á þinginu í vetur, til
dæmis eftirfarandi mál.
Tryggingagjald var lækkað um
tæpa tíund. Tryggingagjaldið er
tengt launagreiðslum fyrirtækja og
hefur því veruleg áhrif á möguleika
fyrirtækja til að ráða nýja starfs-
menn og greiða þeim góð laun.
Þrepum í tekjuskatti einstaklinga
mun fækka um næstu áramót þegar
milliþrepið fellur niður. Um áramót-
in var svo samþykkt að hjón geti að
fullu nýtt rétt hvort annars til skatt-
lagningar í neðra þrepi enda er það
almenn regla að hjón séu samskött-
uð. Þessi regla var ítrekuð með at-
kvæðagreiðslu í síðustu viku. Hefði
þessi breyting ekki verið gerð hefðu
heimili með sömu tekjur getað
greitt mjög misháan tekjuskatt svo
skeikað hefði allt að 780 þúsund
krónum á ári. Þetta hefði bitnað
sérstaklega á hjónum eða sambýlis-
fólki þar sem annar aðilinn getur
ekki sótt vinnu af einhverjum
ástæðum, til að mynda vegna veik-
inda í fjölskyldunni eða náms.
Tollar voru afnumdir af öðru en
landbúnaðarvörum. Tollar af fatnaði
og skóm um áramótin og tollar af
öðrum vörum næstu áramót. Auk
samsköttunarreglunnar er þetta sú
lagabreyting sem mér þykir vænst
um á þessum vetri.
Millidómstig var einnig lögbundið
um daginn. Þar með er tryggð milli-
liðalaus sönnunarfærsla á tveimur
dómstigum. Mikil grundvallar-
mannréttindi.
Auk afgreiðslu lagafrumvarpa er
fjölda fyrirspurna þingmanna svar-
að. Með fyrirspurnum er jarðveg-
urinn oft plægður fyrir lagabreyt-
ingar. Ég var ánægð að sjá að í
nýjum búvörusamningi er ekki
lengur gert ráð fyrir niðurgreiðslu
til framræslu lands. Ég hafði ein-
mitt lagt fram fyrirspurnir þar að
lútandi á þessum þingvetri.
Nokkur góð mál
’Tollar voru afnumdir af öðru en landbúnaðarvör-um. Tollar af fatnaði og skóm um áramótin og tollaraf öðrum vörum næstu áramót.
Úr ólíkum
áttum
Sigríður Andersen
saa@althingi.is
Morgunblaðið/Golli
Líf Magneudóttir, borgarfulltrúi
Vinstri grænna í borginni, skrifaði
um einn vinsælasta barnaþáttinn á
RÚV: „Hvenær fá fjölmiðlamenn
söngvara titillags
Hvolpasveitar í
viðtal? Hann er al-
ræmdur hjá öllum
foreldrum ungra
barna en enginn
veit hver hann er.“ Var hún upp-
lýst um það að það væri Unn-
steinn Manúel Stefánsson sem
syngi titillagið en flestir foreldrar
og vinir borgarfulltrúans á Facebo-
ok kunnu hennar litlar þakkir fyrir
að rifja lagið upp þar sem flestir
voru þá með það á heilanum út
daginn og sungu „taska, taska“.
Gleðin var ekki mikil á Twitter
eftir vináttulandsleik íslenska
karlalandsliðsins í knattspyrnu við
Noreg. Stefán Máni Sigþórs-
son rithöfundur var einn þeirra
sem tístu meðan
á leiknum stóð:
„Ég skil, þykjast
vera geðveikt lé-
legir svo að
Portúgal vanmeti
okkur. Skal engum segja. Uss.“
Stuttu síðar bætti hann við: „Vin-
áttulandsleikur og allt það. En
halló. Er þetta Þróttur? Með fullri
virðingu, og allt það.“ Og í lokin:
„Jæja. Eigum við ekki bara að vera
bókmenntaþjóð?“
Og annar rit-
höfundur, Njörð-
ur P. Njarðvík,
greindi frá hátíð-
legum tímamótum
í því starfi sem
hann hefur unnið fyrir vegalaus
börn í Tógó en hann og eiginkona
hans, Bera Þórisdóttir, eru meðal
stofnenda samtakanna SPES barna-
hjálp.
„Nú eru merk tímamót í starfi
SPES barnahjálpar í Tógó. Elsta
stúlkan MARTHA er farin af heim-
ilinu í Kpalime 18 ára gömul. Hún
hefur lokið prófi í matreiðslu frá
hótelskóla og er komin til Lomé.
SPES Tógó mun styrkja hana til að
koma sér fyrir og hjálpa henni að
finna vinnu.
RICHARD er að ljúka stúdents-
prófi. Hann fer í haust í háskólann
í Lomé að læra lögfræði.Hann fær
að búa hjá Tchini-hjónunum.
Svona líður tíminn – og við skil-
um fyrstu börnunum okkar út í líf
hinna fullorðnu.“
Una Sig-
hvatsdóttir
fréttakona er á
ferðalagi um Íran
og lýsir á Face-
book því sem þar
ber fyrir augu,
m.a. líkamsræktaræfingum heima-
manna. „Það reyndist hin besta
kvöldskemmtan að líta við í sk.
„zurkaneh“, hefðbundinni líkams-
ræktarstöð, þar sem íþróttir
tvinnast saman við súfisma og ætt-
jarðarást. „Þjálfarinn“ ber tromm-
ur af mikilli list og kyrjar epísk
ljóð úr ríkulegri bókmenntahefð
Írana, svo úr varð ótrúlega seið-
andi og flottur tónlistarflutningur.
Iðkendur fetta sig á meðan og
lyfta trélóðum taktfast með tón-
listinni og skiptast þess á milli að
fara í hringinn miðjan og hoppa í
hringi á öðrum fæti á miklum
hraða. Konur mega ekki taka þátt
í þessum æfingum en þeim er vel-
komið að fylgjast með, hijab-
klæddar, sem ég hlýddi að sjálf-
sögðu.“
AF NETINU