Ægir - 01.08.2015, Blaðsíða 8

Samtök fyrirtækja í sjávarútvegi hafa tekið að sér að leiða vinnu
við sameiginlega markaðssetningu fyrirtækja í sjávarútvegi og að
marka stefnu til framtíðar. Þetta kom fram í máli Jens Garðars
Helgasonar formanns Samtaka fyrirtækja í sjávarútvegi (SFS) á
Sjávarútvegsráðstefnunni fyrir skömmu. „Við höfum ákveðið að
taka frumkvæði í þessari vinnu en höfum jafnframt einsett okkur
að halda áfram að vinna með öllum þeim sem hafa unnið með okk-
ur áður í markaðsmálum.“
Sem dæmi um góðan árang-
ur af sameiginlegri markaðs-
vinnu nefndi Jens Garðar átak
laxaframleiðenda í Chile sem
árið 2013 tóku upp sameigin-
legt vörumerki til að nota í
markaðsherferðum í Kína. Þetta
skilaði sér í 40% söluaukningu á
síðasta ári og salan hefur haldið
áfram að aukast um 30% í ár og
stefnt er á að auka hana um 30-
40% á næsta ári. „Þetta segir
okkur að það eru gríðarlegir
möguleikar ef menn standa
saman.“
Flýtum okkur hægt
Jens Garðar sagðist ekki vera að
mæla með því að allir íslenskir
framleiðendur seldu undir
sama vörumerki. Frekar að þró-
að yrði landsmerki eða upp-
runamerki. Hann segir að með
stofnun SFS þar sem veiðar,
vinnsla og sala væru í fyrsta
skipti í einum samtökum væri
kominn grundvöllur til að hefja
undirbúning að sameiginlegum
aðgerðum í markaðsmálum.
Fljótlega eftir stofnun SFS var
markaðshópi falið að skoða
hvort sameiginleg markaðs-
setning sé fýsileg fyrir greinina.
Sú vinna er vel á veg komin að
sögn Jens Garðars og komnar
eru ákveðnar tillögur um upp-
Sameiginlega markaðssetning sjávarafurða rædd á
Sjávarútvegsráðstefnunni
Gríðarlegir mögu-
leikar ef menn
standa saman
Jens Garðar Helgason
formaður SFS segir að
með stofnun samtak-
anna þar sem veiðar,
vinnsla og sala eru í
fyrsta skipti saman sé
kominn grundvöllur til
að hefja undirbúning að
sameiginlegum aðgerð-
um í markaðsmálum.
S
já
v
a
rú
tv
eg
srá
ðstefn
a
n
8